انا انخطبت!!!!!!!!!!!!!!!!!!!!!!!!!!!!!

آخر التطورات:

امس تكلمت مع اهلي في الموضوع والجميع انصدم من الموضوع لانه مافي احد كان يتوقع اني افكر في موضوع زي كذا في هذا الوقت من حياتي !!!!
امي وابوية فرحولي وقالولي توكل على الله (لان الوالد والولدة فوق سن السبعين فما عندهم التعقيدات اللي عندنا )وبالعكس اخواني واخواتي زعلوا علية وقالولي كيف توافق على شي زي كذا وقالولي اصلا اكبر غلط تفكر في الزواج في هذا الوقت لانك راح تششتت افكارك وماراح تعرف ايش تسوي وراح تدخل نفسك في مشاكل لها اول ومالها اخر...

انا الان صرت ماني عارف شي وكلمة توديني وثانية تجيبني بس شكلي راح اروح عند والد البنت وواقول له اني خايف من قدرتي على الجمع بين الدراسة والغربة والزواج واعتذر منه مع اني راح اطيح من عينه .. بس هذا العلم وسلامتكم....
انتوا ايش رايكم؟؟؟؟؟

الموضوع ماله علاقه باحد
انت الي تقرر اذا كنت تقدر على الوضع او لا
نا من رايي اخطب وشوف البنت يمكن تعجبك ..وسبحاان الله تكون خيره لك
وتساعدك في دراستك وتونسك وتريحك
واذا تم الموضوع .....سافر روح ضبط وضعك كم شهر وارجع خذها ..


بالتوفيق...

راي شخصي :
ما اعتقد انك من اسلوب كلامك جاهز انك تقدم على خطوة كبيره زي هاذي
الزواج شي كبير ...واذا انت متردد لا تقدم عليه ...

انت تقدر تقرر وش تبي ....مش اعضاء المنتدى ...لان كل واحد بيكون له راي مختلف ...مثل ما اهلك اختلفو ...

والله يوفقك وييسر امرك

هههههههههههه قصه عجيبه الله يوفقك

الاستخارة خير معين باذن الله

ولد علامك ما تقر وتركد

واحد يثبتك والثاني يشووووت

اسمع أول شيء جب لك ورقتن بيضاء واكتب مواصفات البنت كاملة "طبعا من أخواتك " وقارنها مع شخصيتك
مثال من عندي:
هل هي خريجة ثانوية هذا واحد فإن كانت ايوه بكذا كانك مع طفلة أو بالاصح مراهقة وبهذا السن الواحد يحب الانفتاح وعدم التقيد بالضوابط

ثانيا تقول ان أبوها كاش وأنا غالبا حط غالبا بين قوسين أشوف ان اولاد وبنات الاغنياء مدلعين ومرفهين ويصعب السيطرة عليهم إلا إذا كان أبوها مربي فاضل

هذا ملحوظتين مجانا من عندنا

ونصيحة ذهبية ومجانية "في هذا الوقت جوال الشخص هو اللي يحدد شخصيته سواء الرجل أو المرأة فإذا استطعت تخلي احد اخواتك تشوف نظره سريعة على جوالها وما يحتويه كذا تختصر الطريق بسرعة بس لا تنكبنا وتأخذه انت"

من وجهة نظري الشخصية والمعتبرة

الخماسي المهم عندي في البنت
1 محافظة على صلاتها
2 مثقفة وأعني انها جامعية
3 متربية تربية سليمة وملتزمه بحجابها
4 خجولة خجولة خجولة هذه مهمة مرة مو تجيك وحدة عينها حارة تفقع وجهك

أحس اني طوت على العموم كل ما كان اعماركم متقاربة كان التوافق اكبر
وترى أغلب المبتعثين تزوجوا لا وبعد مطاوعة أحرص مني ومنك وما عليك من اللي يخوفك
سلاااااااااااااااااااااااااااااام

طيب ماقلت لنا .. الأهل عندك راحوا قابلوها... اذا ماراحوا يروحون زيارة عادية يقعدون معها يشوفون البنت هي وأسلوبها وذرابتها ياخذون فكرة مبسطة.. واذا شجعوك برايهم روح لأبوها واطلب تقابلها..

صحيح انك داخل على حياة جديدة ومنت حاط موضوع الزواج في بالك لكن "الموت, الزواج, السفر" كلهم قدر لاتدري متى ولا أين ولا كيف.. يجون بغمضة عين ورزق ومكتوب وتقاسيمه عجيبة غريبة

بس خل الأهل يتأكدون من مواصفات البنت.. البنت تتحجب.. محافظة.. راكدة.. وحتى جمالها يحقلك تعرف ان كانت جميلة لو لا..
يعني على افتراض انك ودك وحدة طوويلة .. وطلعت البنت قصيرة مرة او العكس.. يعني يحقلك تكون على بينة من جميع الجوانب.. الموضوع ماهو "خذوه فغلوه" ترى يحقلك تختار زوجتك بنفسك.. ومادام ان الاختيار وقع عليك.. فمن حقك تعرف أدق التفاصيل عن البنت لعل وعسى تجد فيها مايحببك للزواج منها ويمكن تكون شريكتك وسندك في الغربة.. وقد يكون لاسمح الله العكس.. يمكن تشوف انها غير مناسبة لك من ناحية الأخلاق او الشكل حتى..
يعني بالمختصر قعدتك بغرفتك ماهي حل للموضوع.. وبرضوا ماهي حلوة تطول بالرد على الرجال عشان لاتصغر بعينه.. تقدر تكلمه وتقوله يعطيك عشرة ايام عشان ترد عليه عشان الأهل يتشاورون بس لاتسفهه بالرد..

أنا البنت وحاسة ان صعب افكر في موضوع الزواج الحين وانا في مرحلة انتقالية من حياتي يعني الموضوع محتاج تفكير وتروي

أنا اوافق على رأي وزير سابق وازيد أقولك مافيها شئ اخطبها وإن تمت سوي شوفه واتعرفت عليها شخصيا
سبحان الله يمكن يسخر بين قلوبكم والموضوع هين وشكلها نصيبك لانو الموضوع من اوله من الله
فتوكل على الله وادعيه يكون فيه خيرلك....

اخطبها و تزوجها بعد سنه ض1

ههههههههه والله عجيبه
اهم شي تأمل واعرف ما تريد