عاجل وللأهمية القصوى يا أهل المعرفة !!

معندي خبره وياليت احد يرد عليك

أخوي ياليت توضح وشلون عندك قبول في جامعة سيدني وأنت تسأل هل بإمكانك إكمال دراساتك العليا في مجال الهندسة ؟ إذا عندك قبول نهائي فأكيد إن شاء الله تقدر مع الجهد والمثابرة (لإن الجامعة طبعاً عندها متطلبات وشروط قبول وكونها أعطتك القبول النهائي فهذا يدل على إنك مؤهل أكاديمياً لديها لدراسة ماجستير الهندسة فيها) !

إما إذا باقي مااستملت قبول نهائي من الجامعة .. فهنا يعتمد عليك وعلى نفس الجامعة ؟ فهل الجامعة تقبل بخريجي تخصصات أخرى لإكمال الدراسات العليا في مجال الهندسة ؟ وإذا كانت فعلاً تقبل بذلك .. فهل لديك أنت رغبة في هذا المجال ؟

أنا أقول إذا كنت تهوى هذا المجال وعندك رغبة فيه وحاب تكمل دراسات العليا فيه .. وفي نفس الوقت الجامعة تسمح لك بدخول هذا التخصص ؟ فتوكل على الله والله يوفقك


بس عندي سؤال .. ليش ماأنت حاب تكمل دراسات العليا في نفس تخصصك المحاسبة أو التخصصات المشابهة لها مثل المالية والتمويل ؟

الله يعطيكم العافية أخوي ابو نواس واختي أعياد على التعقيب .

بالنسبة لأسئلتك أخوي ابو نواس على قبولي في جامعة سيدني نعم تم قبولي في تخصص المحاسبة لدرجة الماجستير ولكني لا أرغب في المواصلة في هذا التخصص لأني أصلا من بدايتي وأنا اتمنى الهندسة ودخلت محاسبة بعد ماحولت من تخصص نظم المعلومات الإدارية عشان نصحية دكتور الله يجزاه خير كانت والله في محلها عشان التوظيف لأن المحاسبة مطلوبة بشدة عكس نظم المعومات .

المهم نأتي للأهم وهو أنا طمووووحي كله أواصل هندسة حتى لو أبدأ بكالوريوس في الهندسة من جديد لأن فكري أساسا ماهو فكر علوم إدارية فكري كله هندسة حتى إني لازلت أحتفظ بكتب الفيزياء اللي درستها بالثانوية وكنت مخطط على الهندسة الكهربائية بس شاءت الأقدار ورحت محاسبة والحمدلله على كل حال .

هل أستطيع أحصل على الهندسة ؟؟؟؟؟؟؟؟؟؟؟؟؟؟؟

ايه نعم أخوي تقدر تأخذ ماجستير هندسة في جامعة سيدني

في جامعة سيدني يوجد تخصص ماجستير اسمه ( master of professional engineering .. ماجستير الهندسة الإحترافية .. وتحته عدة تخصصات فرعية من ضمنها تخصص الهندسة الكهربائية ( electrical engineering ) وهو مناسب حتى للأشخاص اللي ماعندهم خلفية في الهندسة ويبغون يحولون لمجال الهندسة .. يعني مايحتاج تعيد دراسة البكالوريوس من جديد

طبعاً هالماستر بيكون عن طرق المواد وليس طرقة البحوث .. وسنتين بالإنتظام الكامل .. بس بتأخذ سنة قبلها فاونديشن (مكون من 48 وحدة ) !

إن شاء الله هالمعلومات تفيدك أخوي وأي استفسارات أخرى أنا حاضر .. والله يوفقك إن شاء الله

أبو نواس جزاك الله كل خير يالوافي على المعلومات
والله يوفقك يالغالي ومشكووور الشكر الجزيل