انا راح اراسل الجامعات بس عندي شويتنين استفسارات

السلااام عليكم ورحمة الله وبركاته
مساكم الله بالخير وهم بعد الله يصبحكم بالخير احتياطاا الله يجعل حياتكم كلها خير


اخواني انا اريد ان اراسل الجامعات بنفسي للحصول على قبول
لان الجميع خوفني من شغلة المكاتب وايضاا بينوا سهولة مراسلة الجامعات
لكن عندي كم سؤال اذا امكن احد يتكرم ويجاوب عليها

بالنسبه لي تخصصي تمريض الي نفس تخصصي ياليت لو يضيف لي الجامعه الي هو دارس فيها

لمن جيت اعبي الأبليكيشن مكتوب بالزاويه لاستخدام المكتب فقط مادري هل لابد من تختيم مكتب معين او اترك المكان هذا فاضي وارسلهم كذا وارفق لهم اوراقي كامله وارسله على عوانهم وخلاص
الشيء الثاني رسوم الابليكيشن هل هي الزاميه يعني لو ارسلت لهم اوراقي بس مارسلت لهم الرسوم هل راح يتاخر قبولي او انه ماينظر فيه او انهم راح يوافقوا وبعدين ندفع الرسوم
واذا الزامي وش الطريقه الاسلم للدفع
الشي الثالث انا راح ارسلهم اوراقي عن طريق DHL اشرايكم احسن ولا عن طريق البريد السعودي وبالنسبه للقبول هما يرسلونه على عنوان بريد ولا عن طريق DHL كمان لاني مو داري ولا عندي اي خلفيه
الشي الرابع ياحبايبي قبول اللغه هما راح يرفقونه مع القبول النهائي او لازم اعبي ابليكشين قبول اللغه من البدايه وهما يرفقووه مع القبول المبدئي لاني حاب اخذ قبول مبدئي بس بعدين يسير خير
خامساا شهاداتي كلها باللغه الانجليزيه الا حسن السيره والسلوك مش مترجم لازم اترجمه ولا لا وعندي توصيتين من دكتور ومن مدرس بكالوريس تنفع ولا لازم ثلاث

بالختاام اسف على الاطاله وارجوكم كل الرجااء من يملك اجابه لا يبخل ليه من لديه نصيحه
او اضافه او او او احنا احبااب واخوان والشي هذا يسعدني