الايام الاولى في استراليا؟؟؟؟؟

سلام أخ ميدو, أنا ليا أسبوع بكانبرا وراح أفيدك باللي أعرفه:

1) بخصوص خط الجوال أخدت من شركة أوبتس بطاقة تيربو شارج. كل الأخوان نصحوني فيها وقيمتها حوالي 80 ريال ويجي فيها رصيد كويس
كمان في برنامج اسمه سكايب لو أهللك ينزلوا وعندهم كونكشن طيب تقدر كل يوم تشوفهم وتكلمهم عن طريق الانترنت ببلااااش وجودة عالية

2) أنا فتحت الحساب أون لاين عن طرق بنك الكومون ويلث و لما جيت هنا رحت لأفرب فرع وأخدت الجواز وصورة القبول وفي دقايق خلصت وبعد 5 أيام تجيك بطاقة الصراغ عالبريد وألين ماتجيك لازم تسحب وتودع من البنك

3) في كانبرا في أشتراك للباص وفي تخفيض للطلاب وفي ملبورن نفس الشي للترام

4) بما أني موجود في كانبرا عبيت الاوراق بالكمبيوتر وبعضها باليد(ماتفرق) ووديتها بنفسي وأخدوها مني وأتأكدوا من أنها كاملة وفتحوا ملف ثاني يوم
ورقة الدراسة رحت للمعهد وطلبتها منهم وقالولي ماعندنا وما تحتاجها, قلت للراجل ترا الملحقية تبغاها وكتبتله في ورقة صغيرة أيش أبغا (الاسم واسم المعهد وتاريخ الدراسة...)

أنشالله أكون أفدتك, ولاتتردد في الأسئلة

وأنا كذلك أنصحك يالغالي بشريحة يس اوبتيس .. لاتنسى تطلب منهم خدمة التيربو تشارجر ..
واذا بغيت تشحنها حاول انك تشحنها بفئة ال100 دولار .. يجي فيها عرض ممتاز جدا ..
تكفيك اتصال لمدة طويلة على السعودية ..
وبالنسبة للبنك انصحك بالكومن وولث .. يحتاج منك جواز السفر وعنوانك ورقم جوالك ..

شوفوا كلام الملحقية:


يجب مراعاة الوصول إلى مقر البعثة قبل موعد بدء الدراسة المحدد في خطاب القبول بعشرة أيام تقريباً ، وذلك من أجل الاستعداد المبكر للدراسة وترتيب إجراءات السكن وفتح حساب لدى البنك ومن ثم بدء الدراسة في موعدها المحدد.


وهذي من طلباتهم لفتح ملف في الملحقية :

1. تعبئة وتوقيع نموذج أ 6 نموذج التفويض Consent Form والتصديق عليه من قبل الجامعة/المعهد ويجب تزويد المعهد و الجامعة بصورة منه والذي يفوض الملحقية الثقافية في استراليا أحقية المطالبة والحصول على المعلومات والمستندات التالية: (تقارير دراسية دورية ، كشف درجات المواد الدراسية ، كشف أسماء المواد الدراسية التي ستقوم بدراستها خلال كل فصل دراسي جديد ، الاستعلام الشخصي عنك وعن حضورك المحاضرات وقيامك بجميع الواجبات المناطة بك من قبل الجامعة) . و في حال وجود نموذج آخر (Consent Form) خاص بالجامعة/المعهد يجب تعبئته والتصديق عليه من قبل الجامعة/المعهد.
2. خطاب من المعهد/الكلية/الجامعة تثبت انتظامك بالدراسة وتوضح تاريخ بداية ونهاية الدراسة وللمساعدة في الحصول على هذا الخطاب بأمكانك الاستعانة بالخطاب المرفق الموقع من الملحق الثقافي واطلاع مسؤولي المعهد أو الجامعة عليه( اضغط هنا) . مثال لخطاب مباشرة الدراسة لنيوزيلندا اضغط هنا. ولأستراليا اضغط هنا.

طيب الحين اذا جيت قبل دراستي بعشرة ايام هل الجامعه بتوافق توقع لي على هذي النماذج ؟؟؟

اشكر كل من مر وننتظر المزيد من المعلومات

يعطيكم العافيه
بس ممكن تشرحلنا ايش هو التيربو تشارجر في اوبيتيس؟؟

غريبه وين اهل استراليا

هذا الله يسلمك عرض من شركة اوبتس الي يشحن موبايلة ب 100 دولار ياخذ 900 دولار مجانا
و يقدر الواحد يستخدمها لمدة شهؤ كامل بعدين يشحن مرة ثانية
و فيه شيء ثاني لا يفوتكم إذا الواحد شحن بـ 30 دولار و ما فوق تجية رسالة على جوالة و قيها رقم سري الي عليه يروح لموقع اوبتس و يدخل الرقم السري الي في الرسالة و رقم جواله و ينتظر ثواني و تجية هدية مضمونه يمكن سيارة او رحلة او مكالمات مجانيه او رسائل

اشكر كل من حضر وننتظر المزيد

افاااااااااااااااااااااااا نسيتونا ياهل استراليا