ما خاب من إستشار

السلام عليكم ورحمة الله وبركاته للجم

السلام عليكم ورحمة الله وبركاته...

لدي بعض الاستفسارات والاستشارات التي اتمنى ان تفيدوني فيها ؟؟

أولا :
أنا قادم بإذن الله تعالي يوم27 فبراير من جده الي كوالا على السعودية ومن كوالا إلى ملبورن على المالزية ....
وقد سمعت أن الوزن على المالزية هو 20 إلى 25 كيلو شنطة شحن وشنطة اليد 10 كيلوا بدون
الاب توب
ولما حطيت في شنطتي بعض الاغراض لقيتها وصلت 30 ولسه باقيلي أشياء ..
أخواني والله محتار ماني عارف اش احط واش اخلي .. يعني بصراحة انا رايحة فترة طويلة
مو سياحة ... والاسعار العالمية زي منتوا شايفين غالية علشان كذاا بأخذ كل شي من السعودية
مدري إش رايكم .... أفيدوني ؟؟

أول شي ماعندي خلفيه عن الخطوط اللي إنت طالع عليها كم لوزن فيها .... بس بالنسبه لكلامك عن الأغراض والأسعار أول شي لازم تعرفه .... إنك جاي على أستراليا مو صحاري ديزرت

يعني كل شي هنا موجود بإستثناء أشياء جدا بسيط زي مثلا البخور ....خخخخخخ ما أنصحك تجيبه معاك أو سفر الأكل عموما

أخوي لا تكثر على نفسك أغراض الملابس خذ معاك الملابس الصيفيه لأننا في الصيف والملابس الشتوية ممكن تشتريها من أستراليا موضة سنتها لو تحب .... ولأسعار هنا تتفاوت زي السعودية بالضبط في الغالي وفي الرخيص
وإنت سيد الإختيار
طلع معاك الشي الضروري زي المراجع اللي تحتاجها للغه لاأطلس شوية ملابس والفلوس أهم شي

راح تلاقي الوزن بزياده باقي التهاويل الها داعي تغلب نفسك فيها

واللي فهمته منك إن مدامتك ونونواتك ماراح يكونو معاك يعني ماراح تحتاج قرنبع كثير أطلع أكتشف الوضع بنفسك ...

العفش الباقي والحاجات اللي تنقص عليك بعدين دونها عشان لما تنزل تجيب الأهل تكون عارفها ووقتها لو عندك وزن زيادة أشحن الأغراض يكون أصلا إنت أستقريت وعرفت البلد

لا تزود على نفسك حموله وإنت جاي خليك خفيف عشان ما تتغلب في الهجوله....خخخخخخخخ من غير ما تنفجع


ثانيا :
انا جاي معايا واحد من الشباب وحنا اصلا متزوجين وعند كل واحد منا طفلين ..
بس احنا جايين لحالنا اولا نرتب الموضوع وبعدين نجيب اهالينا ..

أحلا شي شوية نفس ....خخخخخخ قصدي أريح لهم عشان صعب عليهم الهجولة لوحدك تاكلها على راسك أحسن


وكانت فكرتنا اننا ننزل في فندق اول ثم ندور على سكن وسمعنا من الشباب هناك ان الفندق غالي
ولا يمكن انك تحصل على سكن على طول

حبة حبة عليا... الفنادق غاليا صح بس لازم تحتاج إنك تسأجر فندق ولا فين راح تنام لو بس لكم ليله ولازم تحجز قبل لا تسافر عشان تضمن إنك ما تبات في الشارع

... ثاني شي سمعنا كمان ان العقود هناك تجبرك
تستأجر سنة ...

ممكن سنه أو 6 شهور على حسب اللي المكتب طالبه أحيانا بعض المكاتب ما تلاقي قدامها عروض كثيرة فيرضو بالأمر الواقع أحسن بدل ما يفضل البيت فاضي

وهذا الأمر صعب بالنسبة لنا مانعرف اش السكن بالضبط .. كلام سليم بالذات أول ما توصل محد راح يأجر لك غير لما تكمل أوراقك وتعادل النقاط اللي طالبينها ودا ياخذ من أسبوعين لثلاثه


هذا بالإضافة الي
انو لما تروح تشوف الشقة يروحك معاك تقريبا 25 واحد يشوفها كمان حسب ماسمعنا ... خخخخخخخخ ممكن أكثر أو أقل... بس مو شرط دا يرجع على حسب الوقت اللي بتقدم فيه يعني مثلا فبراير ومارس يكون بداية الدراسه وأغلب الطلاب بيرجعو على أسترليا والكل بيدور سكن فيكون الأمر زي ما وصفت .... بس إذا قارنت الوضع مثلا في نوفمبر أو ديسمبر راح تلاقي شقق كثير ومافي أحد يقدم عليها أصلا لأن الكل أنهي عقوده وراجع ومافي إلآ قله اللي بيدورو فالفرصه هنا في يد اللي بيدور يلعب على المكاتب ويخالر اللي يبغاه مثلا يعني

ثم فكرنا في عائلة ...فكرة حلوة
لغتنا لا بأس بها ... جيد العائله تساعدكم في التطور
بس خايفين نتقيد بالعائلة .. ما أعتقد إنه الموضوع في تقيد زي عقد سنه لأن إذا لعائله ما اسبتك تسحب عليهم وتدور عائله ثانيه إنت صاحب القرار

أو يطلع حظنا مو كويس.... إنت أدرا بحظك ..... بس العائله ماراح تلتزم معاها اللي إذا رحت وشفتها

أرجوكم أفيدونا ... ننزل في فندق ول عائلة ... ول إش نسوي

أفضل شي راسل لجنة إستقبال الطلاب الجدد في النادي السعوي بملبورن عشان يساعدوك في السكن والإستقبال لو تحب طلاب كثير أستفادو منهم لو تبغي تفاصيل أكثر عندك موقع النادي ... الويب تبعهم

أو أدخل على ولاية فكتورة هنا في مبتعث راح تحصل موضوع مثبت يخص اللجنه وأضن في الإيميل الخاص باللجنه ...

قال صلى الله عليه وسلم (( إن الله يكون في عون العبد مادام العبد في عون أخيه ))

أنتظر منكم النصيحة ... ولكم مني كل تقدير واحترام