ماجستير ملابس ونسيج
ماجستير ملابس ونسيج
تنبيه: هذا الموضوع قديم. تم طرحه قبل 5764 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - 7 "لا حول ولا قوة الا بالله العلي العظيم
نسأل الله التوفيق في الدنيا والاخرة لنا ولجميع المسلمين
استغفر الله الذي لا اله الا هو الحي القيوم واتوب الية
- 7 "بسم الله الرحمن الرحيم
استغفر الله واتوب الية - الف مبرووووك يا غلابويه على القبول شوفي ياحلوه أرجع لك ثاني وأجاوب على أسئلتك لأن الأن مشغوله بالفضاوه القاتله اللي عندي خخخخخخخخخ7 "
أنا دخلت من أسبوعين شفت ما في أحد رد بعدي قلت البنات شردو بس أوعد إن شاء الله راح أشقر على الموضوع كل يوم إلين م توصلي على أستراليا عشان أكون معاك خطوه بخطوه من خبيره بتخصصك
وأحمد الله إنه أنا راح أكلها قبلك فتلاقي مين يفيدك لأنه للأسف لحد الآن أنا الوحيد اللي بتدرس دا التخصص في القسم تبعانا ولما أبدأ بعد شهر راح أوافيكم بالجديد أول بأول بس حافضو على الموضوع مفتح
لنا عوده...... ريما - أستخدمتي كل الألوان طيب أنا إيش أحط...؟؟؟؟؟7 "
لنا عوده مع باقي الأسئله ..... تشاوReMaaa + حلا؟؟؟؟
مرحبا وكيفكم يا اخوات عساكم انشالله بخير وعافية !!! احم احم احم
اول شي حبيت ابشركم انه بفضل من الله علي اني انقبلت في نفس جامعتكموالله يجزيكم الجنة على ما معلوماتكم القيمة ولكل من دخل وشاف موضوعنا حنا بنات الملابس والنسيج
RMIT University
الله يعيننا عليك أجل ...خخخخخخخخخخ
وكمان نفس التخصص للماجستير Fashion and Textile
كأن التخصص ناقص زحمة ..... خخخخخخخخ
أمزح معاك أسفرت وأنورت ... نستناك ياحلوه أجل
هذا شي
*على الرغم من اني قدمت على كندا وامريكا وكمان بريطانيا بس الاسرع واللي جاني منها القبول هي استراليا فقلت خيرة واختارها الله مع اني متعشمة على كندا لكن قلت وعسى ان تكرهوا شيئا وهو خير لكم >>> احب الفلسفة مو
الشي الثاني سلمكم الله ودي استفسر عن بعض الاسئلة ولوني محرجة من كثرة هرجي عليكم>>>>> قول هذه والله كثيرة كلام ولزقة,,,, شكرا
الله يعيننا عليكي
س1 كيف التأشيرة بالنسبة للمحرم والاطفال اذا عندكم فكرة عنها ؟
المحرم لوكان زوجك فتأشيرتكم وحده لأن يضاف معاكي إنت وأطفالك وكلمهم يعتبرو مرافقين فما عندك حوسة ولا مشاكل
لو غير كدا فنظام أستراليا ما يعرف حاجه إسمها محرم .... في دي الحاله روحي أقري موضوع الفيزا الأستراليا الخاص بمستر ملبورن عشان لا أفرشك من الزحمة وأعتقد إنه مثبت
س2 انا طلبت لغة قبل الماستر لمدة 7 - 8 شهور في ظنكم تكفيني لبداية الدراسة في الماستر ؟
مدة اللغة ترجع على حسب إنجليزيتك يعني لو ما فراسك إنجليزي يعني تحتاجي أكثر من سنه
ولو عندك مبادئ ممكن تبدأي من المستوي الثالث أو الرابع.... ولو كنت تمام في الإنجليزي فتبدأ من السادس وتحتاجي من 15 إالي عشرين أسبوع
أنا خللت في اللغه خلصتها في 65 أسبوع خخخخخخخخ
على فكره في معهد RMIT فقط مطلوب منك تعدي المستوي السايع أكاديمي وتدخلي الجامعه من غير آيلتس
وإذا تبغي تختبري آيلتس فالخيار لك المستوي الواحد مدته 10 أسابيع 5 منها A ودي متطلب النجاح فيها 30% وغالبا ما فيها رسوب لأنه تمهيد للي بعدها B والنجاح فيه من 60% دا في الجنرال يعني إالين مستوي 5
أما 6و7 فالنحاح من 70% على فكره 7 الآن 5 أسابيع بس محتمل يسير 10 في الفتره الجايه
- 7 "الله يسمع منك آمينReMaaa + حلا؟؟؟؟
س3 بخصوص المدارس للاطفال ( ابتدائي - روضة - حضانة ) هل موجود مدرسة سعودية في هذه المدينة او حتى مدرسة اسلامية او كلها استرالية ؟
طبعا فيه مدارس إسلاميه .... بس مالي خبره في المدارس لأن ماعندي أولاد
وفيه مدرسه معتمده من الملحقيه ... بس على حد علمي الإنتظار فيها سنتين للصف الأول لأن أخويا راح سأل عشان بنته بس ما لقي تسجيل
وفيه طبعا المدارس الأستراليه .... بس للأسف مالي ديك الخبره الكافيه فيها أستني إلين ما أخذ السالفة من أخويا وأشوف إيش راح يسير على بنته على الترم الجاي وأعود بالإجابة......
س4 الاساتذة والدكاترة كيف تعاملهم معاك انتي الطالبة عسى خير ؟
شوفي عشان ما يكون فيه ظلم أو تحيز ...... الأغلبية الكثري منهم جدا متعاونين ويقدرو الطلاب ويحترموهم وبصراحه الأساتذه هنا متواضعين مو زي عندنا في السعوديه
مثال.... لو عندنا دكتور أو عميد ....تلاقي حجم مكتبه والفخامه مهمة عنده أهم من تعامله مع الطالب ولا كلمك كأنه سيدك أو إنت شغاله عند أبوهوإذا ما فيها مبالغه كأنك بتشحتيها مو كأن شغلها أبد
هنا العكس لما دخلت على الدكتوره رئيسة قسمنا رحبت فيا وماهي عارفه كيف تخدمني وكأنها هيا اللي تبغي مني مو أنا على غير عندنا وأزيدك من الشعر بيت لو شفتي غرفتها تلاقي غرقة الفراشين عندنا أكبر منها
المكتب جدا صغير ومتواضع ومليان أوراق طلاب وكتب لطلاب
هنا الإهتمام الأول عندهم شغلهم وما يحسسوكي إنهم دكاتره يطلبوا منك تناديهم بأسمائهم مو تقولي لهم يا دكتور أو يا أستاذ
وفي طبعا منهم متشحدين ضد المسلمين والعرب تحسيهم عنصريين بس بسبب نظام أستراليا اللي يعارض العنصريه فغصب عنهم يعاملوكي كويس ودول في الأغلب يا أمريكان يا بريطانيين وبعض الأستراليين بس نادر ممكن 2%
س5 كيف الناس بصفة عامة ودودين او
عشان مابتخلى عن حجابي طبعا ؟ عسى ما يضايقون المتحجبة ؟
شوفي هنا الوضع عادي تمشي المحجبه بحجابها وعبايتها محد يكلمها ولا يطل فيها لأنهم عارفين عن الإسلام وفي منهم مسلمين كثير نادر ما تلاقي ممكن إستفهام أو إستغراب أو أحد يضايقك أو يسألك
بس لا تستبعدي إنه يجيك رجال مو مرأه يتكلم معاك ويستفسر فحاولي إنك لا تصدي وتعتبريه بيتحرش الأفضل إنك تجاوبي وتشرحي له إنه في ديننا الوضع كذا وتشرحي له الأسباب وممكن تفهميه إنه عندنا النساء ما يكلمو الرجال الأغراب بس عشان عوا مو من ديننا إنت رديتي عليه عشان تشرحي له....
س6 كيف المدينة غالية او لا ؟
المدينه تعتبر زي جدة لو تعرفيها فيها الغالي وفيها الرخيص وإنت لك الإختيار مو بس في الملابس في كل شي العفش الأدوات الكهربائيه المواد الغذائيه الهدايا كل شي متنوع هنا والمكافئه الحمد لله تعيشك في مستوي جيد
لأجل اخذ احتياطي ؟
لا تاخذي إحتياطات زايده وتحملي نفسك وزن زائد كل شي تحتاجيه راح تحصليه
وأسمعي الكلام عشان لا تتورطي زي غيرك لو عندك وزن زايد أو قرنبعات إضافيه حابة تجيبيها فالأفضل إنك تخلي أهلك يشحنوها لك ويرسلوها بعد ما توصلي لأسترالي لأن دا الأرخص والأريح...
واسعار السكن لو ممكن (عيلة مكونة من 5 افراد ) .
السكن في وسط السيتي مكلف... وغالي أخويا أخذ غرفتين بـ 2800 دلار شهريا طبعا عدد عيلته 5 أفراد هوا وزوجته وثلاث أطفال بس .... برا السيتي الإيجارات تكون أرخص والأسعار معقوله والبيوت أوسع واللي يدور راح يحصل اللي يناسبه
س7 كيف الجو عشان اخذ حيطتي من الملابس برد والا حر كيف ؟
ملبورن كدينة الفصول الأربعة في يوم واحد.... يعني الصبح يكون الجومره برد وفجأ تلاقي الشمس سخنت الجو وخلته دافئ وشويه تلاقي الخريف نسم وممكن يقلب الجو ربيعي.....راح تفهمي دا الكلام بعد ما توصلي ملبورن
أما الجو العام فبارد في الخريف شديد البروده في الشتا أمطار وحر في الصيف وعتدل بارد في الربيع
تعتبر المدينه لنا لأهل الجزيره بارده لأننا متعودين على الحر واالصيف .... مثلا إحنا دحين في نهاية الخريف والجو حلوغيوم و ضباب وأمطار ودرجة الحرارة 14 درجة مئويه في الظهر ...خخخخخخخخ ترا من جد ما أمزح
اخيرا دعواتي من كل قلبي ان الله يرجعكم سالمين وغانمين بالشهادة الكبيرة لأهليكم وحبايبكم والله لا يضيع لك متغرب تعب امين
بروح أتغدا وأرجع خخخخخخخ - 7 "هلا (عادل 111)
ياليت اقدر اساعدك بس محد يفيدنا كثير في هذا الموضوع غير الاخوات في استراليا الله يعطيهم العافية ويوفقهم,,
واتمنى انا كمان احد يرد على استفساراتي ..؟؟
لأن عندي سؤال مهم جدا للأخوات اللي راحو قبلي على مالبورن ياترى طلبول منكم TOEFL iBT اوIELTS test
إذا كنت مختبره وجايبه الدرجه المطلوبه واللي هيا بالنسبه في الآيلتس لتخصصنا 6.5 يسير ترفقي لهم الشهاده عشان تدخلي الامعه على طول
وإذا فرضا مختبره ومنت جايبه الدرجه فترسلي لهم الإختبار عشان يحدده مستواك فقط وكم أسبوع تحتاجي في معهد اللغه عندهم
ولو فرضا يعني لازم
إختبار الآيلتس أو التوفل غير ضروري مو لازم يكون عندك ولا لازم تختبريه
وين المكان اللي اختبرو فية ياليت في جدة ؟
في جده موجود في نيهورايزن وأعتقد في بيرلتز .... بس لا تتعبي نفسك
وكم جابوا يعني نسبة محددة ؟او عادي اي نسبة ؟
لا تكثري أسئلة على نفسك
خصوصا اني بسجل لغة في المعهد التابع للجامعة مدة سنة ؟؟!!
خلاص هنا أنتهي الموضوع .... هنا في أستراليا نظام دراسة اللغه كيف بالنسبه للي بيكملو الجامعه ؟؟؟؟ عشان تفهمي بس ... كل جامعة لها معهد خاص بها يدعم الطلاب الأجانب في تعليم اللغه وأسلوب الجامعه وطريقة الدراسة فيها وطريقة التحضير في التوتوريال واللاب والمحاضرات عشان كدا أفضل للطلاب إنهم يدرسوا في المعهد الخاص بالجامعة اللي راح يكملو فيها .... إضافه الي إن بعض الجامعات فيها ميزة عدم ضرورة إختبار الآيلتس في حال إكمالك لجميع المستويات المطلوبه منك بنجاح فتعدي المستوي الأخير وتدخلي الجامعه على طول .... مثل RMIT
بالنسبه لـ RMIT أحيانا يطلبو منك إختبار إنجليزي عشان بس يحددو مبدئيا عدد الأسابيع اللي تحتاجيها في الدراسة عشان يصدرو لك الـ ECOE ودا الإختبار ممكن تعمليه عند نفس المكتب اللي جاب لك القبول ( طبعا دا لو طلب منك) لأن المكتب عندهم نسخة من إختبار تحديد المستوي التابع للمعهد
ولما توصلي أستراليا المعهد راح يرجع يعمل لك إختبار ثاني نهائي يتأكدو من مستواك يعني مثلا .... في الإختبار الأول أعطوكي 55 أسبوع
وفي الإختبار الثاني طلع مستواك أفضل يقصرو عليكي المده ولو مستواكي أقل يزودولك المده
إن شاء الله يكون شرحي واضح لك في كل إستفساراتك
والف شكر لكل من يرد علية
بالنسبة لأختنا عادل ..... نوع التخصص اللي المفروض تدرسيه مو إحنا اللي نختار لك هوا
لللأسف أمور كثيره هيا اللي تحكم قرارك ... مثلا إنت راغبه وحابه تدرسي إيه لو مثلا تخصصك عام ( بس على حد علمي إنه من زمان بطلو حكاية التخصص العام في الإقتصاد المنزلي وسار أقسام تغذية أو ملابس ونسيج أو فنون) فأي قسم إنت تبغيه أو أي قسم عندك خبره فيه عشان لو طلبتك الجامعة شهادة خبره
غير كدا إيش القبول والعرض الدراسي اللي ممكن تلاقيه من الجامعات وأي بلد تبغيها وهل فيها تخصصك
أيضا والمهم مرجع إبتعاثك إيش نوع التخصص اللي طالبه واللي أتسمي عليه قرار إبتعاثك ...
أمور كثيره هيا اللي دائم تحدد نوعية الدراسة والتخصص وأحيانا ماتكوني مخيره فيها وتكوني مجبره
عندك مثال .. أعز صديقاتي ومن دفعة إبتعاثي ومعايا هنا في ملبورن تخصصها تربوي ولكن للأسف قرار إبتعاثها ونظام البرنامج جابرها إنها تدرس كمبيوتر .... فللأسف مو قرارها
آسفه على صراحتي .... لكن للأسف ماأعرف أجامل
ملحوظة:
إجاباتي للأسئلة من خبرتي ومعرفتي بنظام أستراليا و نظام الجامعة اللي أنا بدرس فيها وأنا ما أقول غير اللي أعرفه
فلا أحد يحرج من السؤال ولا يزعل لو كانت الإجابه مو زي مايحب يسمع لأني ما راح أجامل أحد على حساب غربة ممكن تكلف الإنسان إنه يفقد أحلي لحظات من حياته أو يتغيب عن أعز شيي فيها. - 7 "وينك يا غالية واخيرااااا شوفت طلتك المنورة
هلا فيك ReMaaa والله يسعدك ويوفقك عز الله كفيتي ووفيتي
وان شالله لنا تواصل لحد ما اقابلك في ملبورن
>> لزقة امريكي 
كخكخكخك
الف شكر ويعطيك ربي كل خير - 7 "ممكن خدمة
راح اراسلك على الخاص واسألك عن شي
- أهلا أهلا7 "
الك مرحب فيه طالما من بنات الإقتصاد المنزلي
ويلكم ويلكم
ترا بس أبا أأقول حييياكم وأي إستفسار ولا خفتم من الملاحظه الأخيره ..... خخخخخخخخ
والنهاية انا منتظرة ردكم