طريقة تعبئة بطاقة الدخول الى استراليا ....صور وشرح بالعربي

السلام عليكم ورحمة الله وبركاته
عليكم السلام ورحمة الله وبركاته
اختي الله يعطيك العافية عالموضوع الرائع وبصراحة استفدت منه كثير ولكن لي بعض التساؤلات في حال قدرتي تجاوبيني عليها او أي احد عنده الجواب عليها لا يحرمني من الإفادة عنها لأهميتها.

سؤالي الأول يتعلق فيما يخص بالممنوعات وخاصة أن الأدوية مذكورة مع الاسحلة والمخدرات فودي اعرف شلون اكتب نعم معي وانا اقصد انه معي أدويه وليس ما ذكر من بقية العباره فهل هم يسالوني وش بالضبط معك بالإضافة إلى مدى امكانيتي لأخذ ادوية وهل مسموح بذلك أو لا ؟
تكتب نعم بيطلبون انك توريهم الشي اللي معاك وتريهم الادوية، والافضل انك ماتجيب ادويه معاك وبلاش توجع راسك.
وحبيت اسال انه الحين الورقة متعلقة بكل شخص على حده ؟
نعم كل ورقه لشخص.
وهل لو كانوا عائلة ومعهم مثلاً أدويه فمن الذي يذكر في بطاقته انهم معهم ادويه الزوج أم زوجته ؟
تكتب في بطاقة الشخص صاحب الادويه اذا كان انت او زوجتك، واذا كانت الادوية بس مسكنات وخلافه انصح لا تجيبها وموجودة هنا وتشتريها بسهوله.
والسؤال الثاني يتعلق في مددة الإقامة حبيت اتاكد انه المفترض اكثر من 12 شهر وخاصة ونحن طلبه فاكيد نبي ندرس ونجلس اكثر من 12 شهر صح أو لابد من توضيح هل ممكن خلال الـ 12 شهر ممكن انه نسافر مرة أخرى لللإجازة هم نرجع مره ثانيه لاستكمال الدراسة ؟
نعم تكتب انك بتجلس اكثر من ١٢ شهر وممكن تسافر خلالها مو مشكله، وفيه سؤال ثاني يوضح كم المده اللي بتجلسها اكتب مدة دراستك.
والسؤال الثالث يتعلق وش المقصود في مشتروات اكثر من 400 دولار استرالي يعني شي شريته من المطارات السابقة الي انا جيت منها او مشتروات شاريها قبل اجي لاستراليا بشكل عام ؟؟
هاذي المقصود فيها اللي شريتها من الاسواق الحرة في المطارات السابقه اللي جيت منها فقط.
والسؤال الرابع يتعلق بوضع اشارة اكس على مكان السواح والزوار وخاصة انه نحن طلاب دراسة هل نصنف كزوار أو سواح او هل هنالك خيار توضيحي لمثل هذا الأمر بالإضافة إلى مسمى العمل الحالي في حال كوني موظف مبتعث هل اكتب اني مجرد طالب ام اوضح واكتب اني موظف مبتعث للدراسة واكتب مسمى الوظيفي الخاص بي؟
نعم تصنف على انك زائر والوظيفة سجل فيها انك طالب لا تذكر عملك السابق.
اعتذر عن كثرة اسالتي ولكن يعلم الله انها مهمة بالنسبة لي وياليت أي أحد يقدر يفيديني والله يكتب اجر ذلك للجميع يارب

وشكراً