سوال بخصوص اختبار الايلتس... لأهل الخبرة

اذا لغتك اوكيه اخوي فواز وكنت تظن ان المعهد اللي انت فيه سئ من ناحية ان المادة اهم شي عندهم الخ ....
واذا تظن انك تقدر تجيب الـ 6.5 من 9 انصحك بشراء كتاب اختبار الايلتس موجود في اغلب المكاتب وابدأ في معرفة طريقة الاختبار وهيئ نفسك وادخل الاختبار وانصحك تسوي الاختبار بالسعودية في برتش كونسل في حي السفارات رحل للقنصلية البريطاينة وسجل رسوم الاختبار اظن 800 او اقل بشوي

انا زميل لي اختبر الايلتس في الرياض جاب 7.5 من 9 واذكر الموضفين منبهرين منه وانا اعتبر لغته ممتازة بس حتى الاكسنت ما اهتموا له لانه باكستاني والاكسنت تبعه شوي لك عليها

فتوكل على الله برأيي واختبره بالرياض


موفق

يعطيك العافية اخوي exile على ردك
والله وهذا الي كنت ناوي اسوية لان فية واحد من الشباب كلم المجلس الثقافي البريطاني الي في الرياض واظن قالولة الاختبار في 13\6 وانشاء الله باختبر وعلى بركة الله بس تظن يحتاج ادخل معهد تحضير ولا ما يحتاج انا سالت وقالولي في كامبرج الي عندنا في بيرث كويس وش رايك
وشاكر على مرورك وردك ويعطيك العافية

مرحبا اخوي فواز

والله معهد التحضير يهيئك نفسيا وكل المعهد اظن قائم على شرح طريقة الاختبار وهو موجود بالكتب اللي تتحدث عن اختبار الايلتس الموجوده بالمكاتب

اذا رحت تسجل في الرياض ان شاء الله يعطونك كورسات(اختياري اذا تبي ) ما قبل الدخول للاختبار ووتتم في مدة في 3 اسابيع اظن
والظاهر ان رسومها اذا ماني مخطئ 1200 او 1500 ما متذكر
بس رسوم الاختبار بحدود الـ 800

صرت شايب <<< ينسى

موفق

الاختبار في كل مكان بالعالم نفس المستوى تماماً...مو صحيح اللي يقول بمكان اسهل من مكان
بس احيانا يجي امتحان اسهل من امتحان ...او اسهل للبعض واصعب للبعض ...يعني هو حظ شوي ...بس لو انت مثلا مستواك 6 في الايلتس ...مارح تجيب 7 بالحظ ...يعني الحظ بيفرق نص اقل او اكثر ...

بالتوفيق

exile و انسانة طموحة الله يعطيكم العافية على الرد