لكل طالب ذااهب على حساابه الخاص الى استراليا

مشكور على التنبيه

وعليكم السلام اخوي مشعل

طيب اخوي انا معاي ضمان مالي والوزارة اعطوني تذاكر بس مامعي صورة من امر الاركاب لأن مكتب الطيار اخذ الاوراق واعطاني التذكرة وش السواة ؟؟؟ هذا اولا

ثانيا هل تعرف احد معاه ضمان مالي من الوزارة والحقوه مباشرة بالبعثة؟؟؟ ياليت تفرحني وتبشرني الله يبشرك بالجنة

حبيبي انا معي ضمااان مالي بس مامعي تذاااكر..


الموضوع مو موضوع الالحاق على طول ولا بعد شهرين..

الموضوع انهم ماراح يرفعون اوراق للوزاره الا اذا معك ضمااان مالي او تذاكر..

يعني اذا معك ضمان مالي تمسك سرا مع الناس واذا مامعك لازم تكمل الشروط الي قالوا عنها وبعدين تقدم...

بالتوفيق ان شاء الله لنا ولكم

مشكور على الرد السريع اخوي

طيب اخوي انت باستراليا ولا بالسعودية ؟

واذا كنت باستراليا هل ارسلت اوراقك للملحقية ؟

سامحني اخوي غثيتك بس وش اسوي سفري بعد اقل من شهرين وانا ماني عارف راسي من ساسي.
وياليت تمر على الرسائل اللي عندك

الله يوفقك ويجزاك بالخير
اللحين نقدر ندبر نفوسنا بضمان ولا بتذاكر
قبل ما نروح ونتوهق
وبصراحة انا ودي اخذ ضمان من الوزاة ولكن يقولون صعب جداً
وهالواسطات ما خلتنا ناخذ لا حق ولا باطل
الله ييسرها ,,,

الله ينور عليك يالغالي ..

ياحبيلكـ يامشعل عز الله انكـ نشمي وراعي فزعة ..

الحمد لله انا معي ضمان مالي وأمر أركاب من الوزارة .. يعني أموري بالسليمـ ..

اخوي لاتخاف إن شاء الله حتى لو نسيت تأخذ الورقة من مكتب الطيار اللي فيها خط السير وتثبت ان معكـ أمر اركاب ..

يكفي تصور لهم التذاكر وتعطيهم صورة منها لأنه مكتوب عليها من الوزارة وتشوف بتذكرتكـ كلمة mohe

واسئل الله لكـ التوفيق ..

عزيزي مشعل

الله يعطيك العافيه على هالموضوع

انا عندي استفسار اذا سمحت...

انا راح ادرس على حسابي الخاص وان اشاء الله عن قريب بكون في سدني ..... بس موضوعك لفت انتباهي و خطر على بالي ها لسؤال

كيف انا بدرس على حسابي الخاص و لازم امر على الوزاره اخذ امر اركاب و ضمان بنكي؟ انا اتوقع انه من الطبيعي ان الموظف هناك راح يقول انت على حسابك الخاص وشلون نعطيك امر اركاب و ضمان بنكي؟؟؟ وش الجواب
او ان هناك معلومات اخرى ليست لدي؟ مثلا..... الوزارة تعطي تذاكر مجانيه للطلاب اللى يروحون على حسابهم...........الخ

الف تحيه
وفقك الله الى كل ما تحبه