مجموعه استفسارات

*حبيت استفسر عن جامعه ساوثرين من ناحيه الصعوبه والسهوله علما ان تخصصي شبكات وسيكيورتي
ماعندي اي معلومه عنها =) اسفه

*وعن مدينه برزبن بالنسبه للسكن والمعيشة
برزبن مدينه هادئه .. تعتبر رخيصه بالنسبه لسدني والمدن الثانيه

*وعن المعاهد الجيده للغه
برضو ماعندي خبره لكن لا تروح ل HHH .. جدا سيء الجنرال انجلش عندهم
احسن لك تروح لمعهد يكون نظام كلاسات
يعني
الجرامر كلاس لحال
والسبيكنج كلاس لحال
والريدينج كلاس لحال ..... الخ
لانهم بهالطريقه يحسنون الشي اللي انت سيء فيه
اما لو كان نظام مستويات مثل
بري انترميديت
انتر ميديت
ابر انترميديت

ماانصحك فيه ابدا
لانهم مايركزون على نقاط الضعف اللي في لغتك ،، يدرسونك كل شي بوقت واحد
وممكن تطلع مستوى اعلى من اللي قبله لكن انت مازلت مو كويس في الجرامر مثلا


*وماهي الاحتياجات الضروريه اللي اجيبها معاي من السعوديه
اعتقد كل شي متوفر هنا
اهم شي الاطلس لا تنساه
ماودي تعتمد عليه كثير لكن بيفيدك
وقهوه وتمر اذا انت تحبها
والباقي ان شاءالله يكون متوفر

واذا كانت رحلتك بتوقف في سنغافوره انتبه تحط عطوراتك بالشنطه اللي بتكون معاك بالطياره لانهم بيفتشونها بس تنزل و يصادرونها عليك

حياك الله بين اخوانك

اخوي الجامعة هذي موقفة من التعليم العالي السعودي والاماراتي ولا فيه دولة عربية تبيها

الجامعة سهلة جدا جدا ولكن الاعتراف فيها موقف مرررررررة

شوف لك جامعة ثانية ابرك لك وانا اخوك

فيه جامعات كثير احسن منها

وبالنسبة لتخصصك فليش ماتاخذ في علوم الحاسب ولا في نظم المعلومات ولا في اي تي

فيه تخصصات اشمل من تخصصك لا تحصر نفسك في تخصص تكون وظايفه محدودة

اخوي مانع مالك لوا
الجامعه كانت موقفه لكن الان مفتوحه ،، ومن قالك انها سهله ،، خبرك عتيق وانا اخوك

ومن ناحية التخصص ،، من قالك انه محدود ،، بالعكس اكثر شيء مرغوب من تخصصات الحاسب ،، غالبا في السعوديه لا يوجد الا دبلوم في الشبكات ولا يوجد اي جامعه على حد علمي تعطيك بكالوريوس شبكات ،، وهذا هو بيت القصيد في هذا التخصص انك تعود الى السعوديه بتخصص جميل وفريد في بلدك

دمتم بخير ،، واشكرك على مساعدتك الدائمة للاخوان الطلاب

بس حلوه ولا فيه دوله عربيه تبيها ،، هههههههههه الله يوسع صدرك بالعافية ،، اجل اللي تخرجو منها وتوظفو ،، تتوقع مزورين الشهادات يعني ،، ولا الاخوان اللي من ليبيا والعراق يدرسون فيها دكتورات وماجستير فيه سمسار لاعب عليهم يعني.. تثبت الله يصلحك وانا اخوك