اخوانى : هل يوجد احد يدرس فى جامعة كوينزلاند للتكنولوجيا Queensland

اهلين اخوي

الجامعه ممتازه

معهد اللغه كان فيه سعوديين كثير ولكن الفتره الاخيره قلو بشكل كبير

عندك خيارين للغه

اما تدرس مراحل اللغه بشقيها اللغه العامه والاكاديميك واذا عديت في الاكاديميك بمعدل 65 من ميه تدخل الجامعه على طول

اما الخيار الثاني وهو الايلتس لازم 6.5

في حاله لم تحصل على 65 في الميه في الاكاديميك وجبت درجه بين 50 الى 64 تدخل برنامج اسمه البريجنق

وتقبل تحياتي

اخي الكريم

مثل ماقلت لاخوياك من قبل

حاول ماتدرس في المعهد حق الجامعة نصيحة اذا كانت النصيحة اليوم تنسمع

والله والله انه لا ناقة لي ولا جمل في هذا الموضوع ولكن ياناس الساكت عن الحق شيطان اخرص

المعهد سئ وجالسين للسعوديين وتخيل عدد الطلاب لعام 2008 اللي هجو من المعهد حسب احصائية الملحقية وبرضه 2009
66 شخص يعني كل هذولي مايعرفون لغة

والباقين الى الان اغلبيتهم يدرسون بريدجينغ كورس مع ان لغتهم بيرفكت وماشاء الله عليهم

انصحك تشوف لك معهد يأسسك في اللغة ولا معهد يدربك على الايلتس

واي شي ثاني انا حاضر

تحياتي

انا اعارضك الراي اخوي مانع

كثير من الشباب طلعوا من المعهد وراحو يدرسون ايلتس واختبرو والاغلبيه لم يحقق الدرجه المطلوبه في الايلتس

فبعضهم رجع للمعهد والاخر ذهب الى جامعات اخرى بقبول غير مشروط

انا اشوف انك تلعب في المضمون

اختلاف الراي لايفسد في الود قضيه

السلام عليكم اخواني المبتعثين والمبتعثات. ابقولكم قصتي وابي منكم النصيحة انا الحين في كندا ابتعثت هناك لدراسة الماجستير في الصيدلة وصراحة واجهت تعقيد مو طبيعي من ناحية الاختبارات اللي طالبينها وابي احول استراليا وقالوا مافي الا 8 جامعات معترف فيها وبعضها موقفين الماستر وكلمت مكتب في الرياض و قالي على جامعة كوينز تكنولوجي هذي اللي تتكلمون عنها ف انا ابي اعرف هل لازم اجي وادرس انجليزي ولا ارسل لهم ورقة من الجامعة ان دراستي 5 سنوات كانت بالانجليزي . يا ليت اذا في احد قريب من الصيدلة او المجال الطبي يقدر يفيدني . مشكورين

شوف بعلمك شي ونت احسبها بطريقتك
انا في نفس المعهد
هو صح التعليم في كل المعاهد يعطيك 45 في الميه
لكن المشكله لو خرجت من معهد الجامعه وبتدخل اي جامعه لازم تجيب الايلتس
شوف معهدنا افضل من بعض معاهد الجامعات الثانيه
لكن والله يبغاله مذاكر كل يوم وشدت حيل
كثير من الشباب تعرفت عليهم هنا تخرجو من المعهد ذا وراحو يجربون انفسهم في اختبار الالبتس وجابوه
لكن مدري عن الاخ مانع المشعل يحبط الناس بكلامه الي جايبه من 2008
المعهد تبي تشتغل وتذاكر مزبوط تمشي
بتجلس تلعب والله لو عندك معهد يعلمك اسباني معه ماراح تفلح
شوف كلام واحد قالي يوم دخلت المعهد ويقول لي ليه ياخي دخلت المعهد ذا
والله فاشل وماراح يعلمك شي ومدري وش وشباب كثير خرجو منه
سألت انت في ايت معهد قال لي انا في معهد تجاري
قلت له كم لك هنا تدرس قال لي سنه ادرس انجليزي قلت طيب الان وش صار معك قال الان اخذ دوره ثانيه عشان اختبر الالبتس دوره 3 اشهر
يعني هو رد على نفسه بهذا الكلام له سنه وحايص ماقدر يدخل اي جامعه الا باللتيس والان يدخل دوره ثانيه عشان الأيلتس
ونا اخوك لا تحوص نفسك وخلك في السليم