اريد الابتعاث الى توومبا الرجداء المساعده

اتمنى احد يعبرني

تومبا كئيبة ماانصح اببد تروحون لها .. اذا كانت لغة بس روحوا للقولد كوست سياحة ودراسة والانضمام على حسب مزاجية الملحقية

انصحك بالقولد كوست او برزبن لانه تومبا جدا كئيبه ومافيها شي ابد

اهلا وشكرا على التفاعل

هل القولد كوست كويسه للعوائل بالنسبه للنقاب او الحجاب؟؟

وكم تكلفة ثلاث شهور تقريبا بالمعهد والسكن وكل شي؟؟

وهل تكفي ثلاث شهور للحصول على لغة؟؟



وشكرا

القولد منطقة سياحة جيدة ورخيصة من ناحية السكن

وبرزبن كذلك مدينة في وجه نظري رائعه جداااا

يوجد معاهد كثير وفية معهدين انصحك فيهم منها واحد عراقي يشتغل فيها ورخيص عطاني مرة قبول لولد اخوي 7اسابيع +1 اسبوع مجانااا اعتقد انة باقي عندة عروض كثير اذا حابين اتواصل معاه ماعندي مانع
وانصحكم بالبداية بالسكن مع عائلة وهو يقدر يساعدكم وانا بعد مشترك في موقع للهوم ستي علشان ولد اخوي السنة الماضية ولازال توصلني منهم رسائل بالعوائل المتوفرة كل اسبوعين

اذا كنتوا تبون تبتعثون لازم تكون فيزا دراسية يعني اخذوا فيزاء دراسية ستة شهور وبقولكم على طريقة كويسة تسونها علشان الانضمام للبعثة طبعا من الافضل يكون معك قبول جامعه انا حاليا بالسعودية وبعد اسبوعين ونص مغادر لبرزبن اذا حابين تعرفون اكثر انا مستعد تواصلوا معي وانا بوضح لكم كل شي واذا تبون ايميل العراقي او رقمة تواصلي معي تراااا واللة مو مستفيد شي بس ابي اخدمك

أختي أولا أنصحك تبعدي عن توومبا حتى لو أن المعيشة بها رخيصة لأنها قرية كئيبة ومافيها خدمات أو ترفيه مقارنة ببرزبن والقولد كوست وأضيفي إلى ذلك أن التعليم في معاهد اللغة الجيدة وإن كانت غالية حبتين راح يعطيك ميزتين تعليم جيد وتتطور لغتك وثانيا شهادة اللغة تكون معتبرة عند الجامعات الأسترالية.

ثانيا بالنسبة للإنضمام للبعثة تغيرت أمور كثيرة من السنة اللي فاتت والشروط الأن للإنضمام إنك تخلص اللغة على حسابك وإذا جيت تدخل الجامعة يمقن يضمونك ويمقن لا لذلك مافيه شئ مضمون والأفضل إنكم تلتحقون بالبرنامج مع الدفعة الجاية وتكون بعثتكم مضمونة أو تحطون لكم ميزانية محترمة تمشيكم لسنة أو أكثر في حالة الإجراءات الروتينية طولت وعلى فكرة من الممكن أن الإنضمام في الدول المفتوحة للإبتعاث (أمريكا وكندا) تكون فيها مرونة أكثر من الدول المقفلة (أستراليا وبريطانيا) والله الموفق.

وعليكم السلام ورحمة الله وبركاته
اختي .. انا من المبتعثين بمدينة توومبا
بصراحة الاخوان الي قبلي ما قصروا .. عطوك نظرة سلبية جدا عن توومبا
لكن بما اني عايش فيها راح اعطيك المختصر عنها ..
المدينة بنظري مناسبة جدا لسكن العوائل .. ومتوفره فيها كل الخدمات الي تحتاجينها لكن مو بالكثرة مثل المدن الكبرى مثل برزبن والقولد كوست
جوها جميل جدا .. ما يعيبها قلت الاماكن السياحية فيها .. لكن هذا بنفس الوقت يميزها بهدوءها الجميل بالليل ..
اسعار المعيشة فيها رخصية مقارنة ببرزبن والقولد كوست .. ومدينة امنه بأذن الله
اما بالنسبة لمعهد اللغة .. فانا انصحك بمعهد جامعة usq .. انا واحد من الناس الي ولله الحمد استفدت كثير من هذا المعهد ..
وتعاملهم راقي بصراحة خاصة مع الطلاب الي على حسابهم ..
اما بالنسبة لاسعار المعيشة .. يعني اذا كنتي انتي وزوجك ممكن تحتاجون ٢٠٠٠ الى ٢٥٠٠ دولار شهريا ( شامل السكن ) وانتو عايشين مثل الملوك هناك بأذن الله
والي اعرفه انو رسوم المعهد ٣٠٠٠ الى ٣٥٠٠ دولار للكورس الواحد الي يتمد لمدة ١٠ اسابيع ..
بالنسبة للانضمام .. بصراحة ما اقدر افيدك كثير فيه لكن الي اعرفه اني شفت طلاب كثيرة جاو على حسابهم وتم ضمهم في مدة ما بين شهرين الى ٤ شهور
اتمنى اني افدتك .. دمتي بكل خير

هناك نقطه مهمه وهي ان المهعد والجامعه في توومبا موقوفه من قبل الملحقيه للتكدس
لذا ارجوا التأكد من موقع الملحقيه عن الجامعات الموقوفه لانه يتم تحديثها باستمرار


بالتوفيق

بصراحه كفيتو ووفيتو الجميع

وشكرا لكم وبشوف اواضاعي

واعاود