.·´¯`·-> (تجمع خــــــــاص بطلابـــ برزبن ) &

السلام عليكم ورحمة الله وبركاته
أخوي خرمان لبن
أتمنى منك شرح كيفية حجز سكن عند عائلة وإذا عندك مواقع للنت للحجز لا تبخل علينا
إن شاء الله جايكم شهر مارس

علووووشوو هلا مشكوور على المرووور والاضافات خيووو وتعال باي وقت

اهلين اخووي what`s up
اخوي الجدول اليومي للجنرال انجلش من الساعه 8ونص صباحا لين 3 ونص عصرا
في بريكين
بريك من الساعه 10ونص لين 11 تطلع تشرب لك فنجان قهوه ولا شاي ولا تفر بالمعهد تحرك الدم وتغير جو لمده نص ساعه
والبريك الثاني بريك الغدا من الساعه 12ونص لين 1 ونص
والمدرسين مره متعاونين وحليلين لكن مو كلهم
اكيد فيه الزين والشين لكن انا الحمدلله المدرسين حقيني مره حبووبين وراعين ضحك وفله بالحصه يعني ما تحس بالملل بالحصه
والطلاب في الزين وفي الشين مثل ما قلت لك لكن حاول تحتك باالاجانب بكثره يعني خل لك ربع تسوولف معاهم انجليزي بالبريكات وان كان تطلع معاهم وترووح وتجي تمارس اللغه يعني معاهم
وبالنسبه للسكن
بيكلفك واجد لو سكنت شهر كامل بهوتيل
احسن شي انت احجز مع عايله وتعال واقعد عندهم شهر وبخلال الشهر انت دور سكن على نظرك ويعجبك
اهم شي لا تنسى تجيب معاك قاموس انجليزي انجليزي مره مفيد
وانت اذا بتجي بشهر 3 يكون بعلمك بس ان البرد بيبدا يدخل على شهر 4 يعني
والبرد هنا توصل درجه الحراره 12 او 10 تقريبا
يعني حاول تجيب معاك ملابس شتويه وشوي ملابس صيف وفي شي مهم ياشباب الا وهو اللابتوب
لابتووبك اذا تحس انه بيلعوزك يعني انت شاريه من مده سنه ونص سنتين
خذ لك واحد جديد احسن لك هذا الي في بالي الحين
واذا عندك اي استفسارات ثانيه انا بالخدمه

هلا اخووي assa
وعليكم السلام والرحمه هلا اخووي الله يعافيك ان شاء الله
بالنسبه للتخصص انا للحين ما بديت توني بالانجليزي لكن على حسب كلام الي درسو التخصص والي يدرسوونه الحين
يقووولون يعني مو صعب لهذيك الدرجه والجامعه قويه بالتخصص هذا
اذا اجلت الدراسه راح تبدا بشهر مارس تقريبا يا 17 او 24 مارس
وبالنسبه للمعهد والدراسه المعهد قوي والدراسه ممتعه فيه
لكن المعهد ما يدرسك كل شي في اشياء لازم انت تدور عليها وتبحث عنها
يعني يمكن تقريبا 40% على المعهد
وال60% الباقي عليك
وعلى مراجعتك للدروس والقواعد اول باول وحفظ الكلمات هي صحيح صعبه شوي
وانا للحين اعاني مع المعهد لاني ما ادري من وين ابدا لكن خلاص الحين اخر اسبوع الاسبوع الجاي وبعدين يبدا المستوى الي بعده
علما بان كل مستوى 5 اسابيع
انا للحين ما كملت شهرين
لكن اشووف لغتي تتطور على خفيف احسن من يوم اني بالسعوديه
واحسن من اول يوم وصلت

بالنسبه للسكن اذا رحت للمكتب قله ابي سكن بnewmarket هذا الحي قريب من الجامعه وفيه عوائل كثيره
وبتلقا ان شاء الله عائله حليله ان شاء الله

ارجوا اذا عندك اي استفسار ثاني لا تستحي عطني خبر

اخوووي ميتو تو
بالنسبه للسكن عند عايله انا ما انصح انك تدور عايله عن طريق النت وانت بالسعوديه
خل مكتب يجيب لك عايله او الجامعه لو جيت هنا يجيبون لك عايله
بتقوولي ليه
بقوولك ليه لان اذا جبت من نفسك عايله انت الي راح تتحمل مسؤلية نفسك لو صارو شينين او ما ارتحت معاهم بتكون انت الي اخترتهم
لكن لما تأخذ عايله عن طريق الجامعه اول شي لما تكون العايله مو كويسه معك تجي وتكلم الجامعه وتقوولهم كذا وكذا وانا ما ارتحت معاهم
ويغيروون العايله لك وكل شي وهم الي يتحملون مسؤليه العايله
فهمتني
واتوقع الاي دي بي يجيب عوايل
ماني متأكد لكن على ما اظن

وبالنسبه للروابط كان في وحده من الاخوات حاطه موقع للبحث عن عوايل في استراليا وامريكا ونيوزلاندا وبريطانيا وكندا
بصراحه الموقع فيه عوايل كثيره
لكن ما ادري عنهم زينين موب زينين
يعني بتكون على مسؤلية نفسك محد له دخل فيك

اذا عندك اي استفسار ثاني اخووي انا بالخدمه

خرمان اللبن انشاء الله بجيك على شهر 7 july ودي اعرف على اي خطوط ناقله انت ذهبت او انت جيت على السفينه <<<<<<<<<<<< خبل ودي اسافر يكون في ترانزيت اي ان اتكي في نصف المسافه دلني دلك الله على الخير وشكراا وبتوفيق

شكرااااا الله يعطيك العافيه ماقصرتش

طيب كيف السكن مع عائله مايسولك رجه بالنظام الاكل او النوم او او ...

وبعدين ماقلتلنا كيف البلد حقت فله ولا اي كلام

والله يوفقك دنيا واخره