18+ من الألف الى الياء هديه من خرمان لمبتعث

February 7th, 2008, 03:53 PM

السلام عليكم ورحمة الله وبركاتة
هدية من خرمان لبن لأحلى منتدى ولأحلى اعضاء في الشبكة العنكبوتية
اول شي هذا الموضوع كتبتة لاني عارف ان في ناس جايين على استراليا بعد مده يعني هذا الموضوع بيفيدهم اول شي للي ما يعرفون شنهو ال18+
هذي بطاقة طال عمرك ما تحتاج انك تشيل الجواز بعدها
يعني تتطمن على جوازك وما يحتاج تشيله معك كل مكان تمثل الاثبات في استراليا


اول شي الموضوع حصري لمبتعث وياويل الي يسرقه ولا يسووي دعايه لمبتعث خخخخخخخخ

يالله نبدأ
الابلكيشن بهذي الطريقه تعبيه


بالنسبة لسكان برزبن
تروح طال عمرك لQueensland Government
الي هو في Elizabeth Street
وين هذا؟؟
طبعا بالستي
وهذي خريطه من رسمي خخخخخخخ لحد يضحك ترا بطب عليكم خخخخخخخ



العنوان
ELIZABETH STREET
N 229

اول شي طال عمرك الخريطه واضحه تعدي EDWARD ST
وانت ماشي طوالي ومخلي الماير وستاربكس خلفك
وADELAIDE ST يسارك
تمشي بعد ما تعدي EDWARD ST
تعد بنايه البنايه الثانيه فيه درج ترقى معاه وتحصل قدامك مكتب ويصير يسارك حديقه صغيره ووراها كنيسه
امش شوي بين الحديقه والعماره تلقى المكان على يمينك يمكن 100 متر بعد ما ترقى الدرج

اول شي تدخل طال عمرك وتحصل قدامك اوادم لا تحسب انك بالسعوديه دف وامش
خلك راقي << راقي ولا نازل هع هع هع
المهم موضوعنا تلقا ابليكيشنات كثيره يسارك خذ لك حقت ال18+ وتلقا قدامك مكينه تأخذ الارقام منها
خذ لك رقم واجلس
الي يقوولي كيف ما اعرف اقوولك طيب ياعمي
تلقا الشاشه قدامك باللمس انتبه عليها لا تضغطها بقووه وتخرب وتدفع حقها خخخخخ امزح
اقوولك تلقا ايقوونه تحت اخر شي يسار
مكتوب عليها OTHER
باللون الازرق الفاتح
اضغط عليها
بتتغير الشاشه
بيجيك فوق يمين اول وحده مكتوب فيها 18+card
اضغطها
بيطلع لك رقم
بدايته E
خذه طال عمرك واجلس انطق بالكرسي لين يجي دووورك
وانت قاعد تنتظر الله لا يهينك عب الابليكيشن وش عندك قاعد كذا لا شغل ولا مشغله عبه انت وخشك تنتظر يجوون يعبوونه لك طال عمرك اخلص عبه لا تقوول ما اعرف لاني علمتك كل شي ما بقى الا انك توقع ما اعرف وش توقيعك والتاريخ الي بترووح فيه الله لا يهينك

طيب الحين عبيتها
جاء دوورك
رحت لها او له بيطلب منك الجواز وبطاقه الطالب وبطاقه البنك والفيزا اذا كانت الكترونيه
عشان النقاط لانهم يبون 100 نقطه عشان تطلع ال18+
عطيتها اوراقك طيب تدفع لها 23 دولار وكم سنت يعني قل 24 دولار
بيعطونك ورقه توقعها وتشيك على الاسبيلنق حق اسمك

دفعت طيب خلاص شوي شوي لا تدف
بيقوولون لك تعال صوور
ترووح طال عمرك وتلقا كرسي وتجلس عليه وقدامك كميره يصوورونك ويقووولون لك انتظر شووي لو سمحت <<< شفتوو هم مؤدبين ترا ما يعضوون

بعد 10 او ربع او نص ساعه بينادوونك حسب الزحمه الي عندهم يعني الحين الله لا يهينك وش مجلسك رح خذ بطاقتك ومبروووك عليك
الحين لا تشيل جوازك معاك ابد
خله بالبنك او بالبيت الي انت تبي
يا ويل احد يسألني بعد كل هلشرح ويجيني يسأل سؤال ذكي ترا تعبت
خخخخخخخخخخخخخخخخخخخخ

امزح الي مو فاهم عادي اشرح له مره مرتين الف الين ما يفهم يعني طيب غصب بتفهم

ومبرووك عليكم مقدما

مراسلكم
خرمان لبن
من برزبن

• نشر عبر تويتر
• نشر عبر فيسبوك
• نشر عبر جوجل