تجربتي-التقديم على الجامعة - الفيزا- الطيران - السكنQUT

[quote=احمد888;بصراحة انا الحين لي 5 اسابيع ادرس مستواه اقل من عادي تدريس زي قلته او بالاصح مافيه تدريس المدرسين ماخذينها ضحك وسعه صدر وانصح اللي لغته ضعيفة انه مايجي للمعهد هذالانه بيتعب مرة يمكن اللي معه شوي لغة يكون وضعه احسن . على العموم هذا اللي في بالي حبيت اقول للمنتدى هذا لاني استفدت منه قبل اجي واحب افيد اللي مابعد جو . وسلالالام[/quote]


يعطيك العافيه يا أحمد على هذا الموضوع الذي يحكي لنا تجربتك من البداية وحتى بداية الدراسة لمدة خمسة أسابيع .

ولكنني عندي ملاحظه تعرف أن لك أخوان قادمون الى نفس جامعتك لدراسة اللغة في نفس معهدك لكنك وصفته بالتعبان والضعيف ومن واقع تجربتك أنها 5 أسابيع فقط . فأعذرني أقول لك قد اخطأت في التعبير والحكم على هذا المعهد في فترة بسيطة جدا . يعني لا تحبط القادمون الى بريسبين وشكرا .

من جد يا شباب المعنويات بالحظيظ
يكفي ضغوط في القبول الين ما جاء و الفيزا اللي لسه

بالنسبة لمستوى الجامعة في الدراسة الاكاديمية فيعتبر ممتاز على ماسمعت من الشباب اللي هناك يدرسون خاصة في تخصصات تقنية المعلومات والادارة - وبالنسبة للمعهد اقول لكم انه عنده نظامين لغة انجليزية جنرال يعني عام والثاني لغة انجليزية اكاديمية EAP طبعا الزبدة في الثاني الاكاديمي لانك اذا اجتزته بمعدل 65% خلاص تدخل الجامعة على طول . الدراسة في الجنرال سعة صدر ومدرسين مستواهم عادي جدا ( انا درست في الرياض في المعهد المصرفي واكاديمية الفيصل والاي ال اس والله انهم ابرك منهم ) الاكاديمي يختلف الموضوع 180 درجة كرف وكتابة بحوث ودراسة صح ومدرسين صح طبعا الاكاديمي مدته 12 اسبوع ويعقد 3 مرات في السنة في مارس ويوليو واكتوبر ومهوب لازم انك تجتاز برنامج الجنرال كله عشان تدخل الاكاديمي لا. هم قبل مايبدا كل كورس اكاديمي يسوون اختبارلطلاب الجنرال مدته ساعه عبارة عن قطعة مستواها صعب وعليها اسئلة(30 دقيقة 10 درجات) + يطلبون منك تكتب موضوع عن شي معين يطلبونه منك (30 دقيقة 10 درجات) اذا جبت فوق 10 من 20 خلاص تدخل الاكاديمي طبعا الاختبار هذا صعب شوي ومو سهل انك تعديه لكن ترجع للاساس اللي عندك خاصة القواعد اذا كانت مضبوطة في الكتابة تعدي لانك اذا دخلت الاكاديمي ماراح تدرس قواعد وفيه ناس دخلت الاختبار وهم مالهم الا شهر واحد بس ونجحو وفيه ناس لهم سنه وعجزو يدخلون طبعا ترجع هي غالبا للاساس عندك وانا ماقصدت والله الاحباط وانا ماحكمت وجبت ها المعلومات الا بعد جلست مع ناس درسو في المعهد مدة طويلة بس من كلام الشباب انه غالبا اللي يجي لغته ضعيفة انه بيتعب مرة في الجنرال وهذا كلام مو خبرة 5 اسابيع ناس لهم 7 و8 و11 شهر ( فيه خيار ثاني للطالب عشان يدخل الاكاديمي انه يجيب درجة 5,5 في الايلتس وبكذا خلاص يدخل مباشرة بدون اختبار ابو 20 درجة)انتظر اي ملاحظة او استفسار من الاخوان ومن عيوني ارد باللي اعرفه او اسال لكم

يعطيك العافيه يا أخوي أحمد 888 على التوضيح وشكرا لك والله يعين الواحد لازم يشد في البداية وان شاءالله يرتاح في النهاية وما قصرت ويعطيك العافيه