انا طااالب جديد ياجماعه في امباسي - برزبن - وابي منكم الفائدة

وعليكم السلام ورحمة الله وبركاته

تجد الإجابة في المواضيع التالية:

http://www.mbt3th.us/vb/forum111/thread8650.html

http://www.mbt3th.us/vb/forum111/thread2517.html

ممكن تطلب كرت الدخول باللغة العربية في الطيارة أو في صالة القدوم, وممكن تطلب موظف يتكلم عربي في حال إنك ماعرفت تتفاهم معهم والأهم لا تجاوب على شئ إلا وأنت فاهم وش يقصدون بالضبط فمثلا يقولون معك الشئ الفلاني وانت مو فاهم وتقولهم لا وبعدين يلقونه معك ممكن يعطونك غرامة فضلا عن التأنيب واللوم.

بالنسبة للسكن اطلب من المعهد.

توقع وجود عرب كثير لأنه الأمبسي مشهور لدى الخليجيين وبالذات السعوديين.

الامور سهالات في مطار برزبن ..
اقرأ عن كرت الدخول .. واعتقد فيه شرح عنه .. ومترجم ..
اول ماتدخل راح تصف بطابور الجوازات .. وانت بالطابور راح يمر موظف الجوازات على كل شخص للتشييك على كرت الدخول .. وراح يسألك عن المأكولات اذا معاك ..
وان عرف انك سعودي ماراح يسألك الا عن القهوة والتمر ..!!
المهم كون صادق في هالمواضيع ..
لانه فيه تفتيش بعد ماتعدي الجوازات .. وماهو للكل .. حسب أمزجتهم .. يعني ممكن ياخذو عشرة عشرين شخص من مجموع الركاب .. ويمكن تكون واحد منهم !!

بالنسبة للسكن ..
خلي المعهد يوفرلك حسب الشروط اللي تبغاها .. مع ترتيب أخذك من المطار ..
بالاضافه الى شرط مهم جداً ..
أشرط عليهم انك تستخدم باص واحد من السكن للمعهد .. والعكس ..
بمعنى انك تكون بمنطقة قريبة من المعهد ..

والله يسهل امورك ..

معهدك في قلب الستي ..
راح تنبسط اجل ..


شيكت على خيرات السكن عندهم ..
الهومستي سعره مناسب اذا كان شامل الفطور والعشى .. ولكن طبعاً المكان غير معلوم ..

بالنسبة للشير هاوس ..
حسب ما اتضح لي هم متعاقدين مع هالمؤسسة Adalong Student Guest House ..
وهو سكن خاص بالطلاب .. موجود في South Bank .. وهي منطقة جميلة في برزبن .. راح تنبسط لو سكنت في هالمنطقة ..
وقريبة جدا من الستي .. ومعهدك طبعاً .. من والى معهدك أقل من 20 دقيقة ..
محطة الباص محطة رئيسية ومحطة القطار قريبة منها .. حوالي عشر دقايق مشي من الهاوس شير ..
حسب كلام واحد من الشباب كان بيسكن فيه ..
السكن مديرته المانية .. واغلب اللي ساكنين فيه اوروبيين ..
وفيه طباخ خاص .. والسكن نظيف جداً .. والله يكرم الجميع الحمام مشترك .. وغسيل الملابس عليك بمبلغ بسيط ..

وللتنبيه .. الامباسي يعطيك الاسبوع في الشير هاوس هذا بـ 313 دولار ..
بينما لو تحجز عن طريق موقع الشير هاوس بـ 285 دولار ..
الفرق انت اولى فيه ..!
وهذا الموقع :
Adalong Student Guest House

طبعاً انا ما اقدر اعطيك رأيي في اي الاماكن افضل لك .. الهومستي او الشير هاوس .. لان هالشي راجع لك ..
لكن نصيحتي لك انك اذا تعاقدت معهم في السكن .. خذ اقل فترة ممكنة اسبوعين مثلاً للتجربة..
حتى لو تبغى تغير بعد نهاية هالاسبوعين تغير بكل سهولة .. بعيدا عن مشاكل العقود الطويلة ..

موفق للخير ..

وعليكم السلام
وياهلا وسهلا فيك

المعهد مافيه عرب كثير
بالنسبه للسكن رايي انك تاخذ سكن مؤقت في البدايه واذا وصلت بالسلامه ان شاء الله تختار اللي يناسبك

مشكووووور ياصالح وعسا عمرك طويل ك طويل على هالمعلومات

الله يعطيك العافيه وبيض الله وجهك ويجزااك خير وكل كلمة كويسه تستاهلها

انا اول اسبوع بسكن عند ولد خالتي في 37 , Chermside الين اطلع شريحة واطلع صرافه وبعدها ابي انفررد اللحالي باللغه مع عائلة ولا للهوم شير ..


بس اوصل باذن الله راح اكتب موضوع واطمن الجميع < يارجال محد درى عنك هع هع

المهم ماقصرت مره ثانيه ومشكوور

حامد الله يكثر من امثالك ويحفظك ..

وان شاء الله راح نتواصل