قضية المرافق!

عليكم السلام ورحمة الله وبركاته

مثل ماذكرتي موضوعك مع الوزارة ومشكلتك فقط في وصول المحرم وبعدها يقدر يسافر ومحد راح يعرف هالشي اذا نتكلم عن النظام.

السلام عليكم
و الله اتعاطفت معاك يا اختي
هادي مشكلة المبتعثات و حال المراة في السعودية بشكل عام
ما ادري ايش دخل المحرم في الموضوع
بنات كثير عندهم طموح و ماينقصهم شئ و زيهم زي الشباب .. نفسهم يسافروا و يدرسوا لكن العائق المحرم ..
فين المساواه بين المواطنين ؟
الوحدة طول بعرض ... لسه بيقولوا لها فين محرمك ؟
ايش معنى الشباب الصغار اللي توهم اتخرجوا من الثانوية ما حطوا لهم محرم .. حتى هادول كمان يحتاج لهم محرم
هادا لو جينا ندقق و نحسب( ايش الغرض من المحرم بالضبط ؟؟؟؟؟)
اين الثقة و ايش دخل المحرم في الموضوع
نفرض انه محرمي جاهل و سفيه ما يعرف قيمة الدراسه... ايش اسوي في هادي الحالة ؟
نفرض انه عندي مشاكل عائلية مع اخوي او زوجي ايش اسوي ...؟
نفرض محرمي ما يبغى يسافر و انا ابغى ( ايش دخلوا في مستقبلي ؟ )
و الله شئ عجيب
فين الثقة
ايش فايدة المحرم ما ادري ؟؟؟!!!

و الله موضوع المحرم هادا ينرفزني ...

المهم يا اختي و الله انقهرت لموضوعك

بس حبيت اسالك انتي ليه اتكلمتي و قلتي انه محرمك مو معاك لو سكتي ايش يدريهم
اعرف بنات كثير مو معاهم المحرم حقهم .
و اكبر مثال صديقتي درستو والله محد داري عنها
لا محرم و لا خرابيط
اللي ابغى اقوله لك
سوي اوراق ابوك
واكيد اوراق ابوك جاهزة ناقصة الفيزة بس
روحي سجلي ابوك في اي معهد و طلعي له فيزا و وكانه ح يدرس .. طلعي له حقت شهرين او ثلاث ، حاولي تدبري المبلغ المهم انه تطلعي له فيزا طالب
و بعدين قدمي اوراقك وعااادي و لا تتصلي ولا تتكلمي ولا تنبهيهم و تلفتي نظرهم عليك
اتعامل بالايميلات معاهم من بعيد لبعيد الا اذا احتجت
المهم و قدمي و ان شاء الله تتصلح امورك بس اهم شئ لا تتكلمي و حتى لو سالوا ادخلي في عينهم و قولي لهم انه معاك .
صدقيني لو اتكلمتي يعرفوا ،، وولو ما اتكلمتي مح يعرفوا و جمدي قلبك و حتى صحباتك لا تبيني لهم انه ما معاك احد ، و ريحي نفسك .
انا اعرف وحدة جات و سوت كده و محرمها رجع و الله ولا دارين ولا شئ و عاااادي .
اهم شئ ختم الدخول و سوي لابوك فيزا طالب و لا ح يسالوا و اذا مشيت امورك
اسحبي فلوسك من المعهد
ولا تتكلمي
الغرض : اهم شئ انك توري الملحقية انه محرمك معاك و بيدرس ترى ما يدققوا في التواريخ .
و اتوكلي على الله .
حتى لو ما اقتنعتي بكلامي .. انا ما حبيت اقرا معاناتك و امر بدون ما افيدك .. بس اعمليها ممكن تظبط معاك .

و بالتوفيق..

ماذكر غير صحيح وارجوا عدم تقديم معلومات مغلوطة لعدم تشتيت القراء في موضوع حساس كهذا

لا تستطيع اصدار امر الصرف بدون تقديم ختومات دخول المحرم كخطوة نهائية للسيناريو المذكور اعلاه

السلام عليكم اخي الكريم ابو غادة
اتمنى ان تقرأ ما كتبته جيدا لاني ذكرت ما ذكرته انت
الا و هو ختم الدخول
و بالتالي لم يكن هناك معلومات مغلوطة و و و.....
انا نقلت تجارب عايشتها بنفسي و لم أفتي من بنات أفكاري...

...................
و كما اخبرتك أختي العزيزة
توكلى على الله و جهزي اوراق والدك من ضمنها ختم الدخول الذي ذكرته سابقا
و سجليه في اي معهد رخيص للحصول على الفيزا
........
على فكرة البنات اللي أعرفهم نفس وضعك ، انه المحرم لا يستطيع الحضور
و عملوا هادي الخطوة و بعدها رجع المحرم.

واضح انك مش فاهمه وش يعني ختم دخول ؟ ختم دخول يعني تواجد المحرم داخل بلد الابتعاث وهو الحل الغير متوفر ب اي شكل من الاشكال لصاحبة الموضوع

مرحبا اختي

راح اقلك شي متاكده منه عن تجربه , خلي اول شي محرمك يطلع معك لو اسبوع .
في ذا الاسبوع طبعا ما يتم الصرف لك الا بعد ارفاق ختم دخولك + محرمك , طبعا اول ما تجي خلي محرمك يجلس لو اسبوع
في هذاا الاسبوع خذي ختم محرمك وارفقيه للملحقيه وباذن لله يتم الصرف لك , بعدها يقدر محرمك يرجع السعوديه , وتجلسي ولا احد يعلم والله يستر علينا يارب .

عن أبي هريرة رضي الله عنه قال : قال النبي صلى الله عليه وسلم : لا يَحِلُّ لامْرَأَةٍ تُؤْمِنُ بِاَللَّهِ وَالْيَوْمِ الآخِرِ أَنْ تُسَافِرَ مَسِيرَةَ يَوْمٍ وَلَيْلَةٍ إلاَّ وَمَعَهَا حُرْمَـةٌ .
وَفِي لَفْظِ للْبُخَارِيِّ : أن تُسَافِرُ مَسِيرَةَ يَوْمٍ وليلة إلاَّ مَعَ ذِي مَحْرَمٍ .

أنا من وجهة نظري بأن المحرم مهم في البعثه لأن المرأه ضعيفه ووجود رجل معها يقويها ويعطيها الثقه بنفسها
إذا أبوك مريض ليش مايروح معاك ويتعالج هناك أحسن له لأن الطب متطور ويستفيد من التأمين له كمرافق

هذه وجهة نظري ليس إلا وبالتوفيق


( تمت المشاركة باستخدام تطبيق مبتعث )

شكرا لكم .. الطالبة تبحث عن حلول