نصيحتكم ... بعثه الى استراليا

تنبيه: هذا الموضوع قديم. تم طرحه قبل 3382 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

shoshiabdullah
مبتعث جديد New Member

غير معرف
shoshiabdullah
غير معرف

غير معرف

غير معرف
غير معرف

غير معرف

Aug 2015
المزيدl
August 20th, 2015, 01:08 AM
August 20th, 2015, 01:08 AM

السلام عليكم ورحمة الله ..

ابي مساعدتكم في موضوع ..
زوجي جايته بعد اربع شهور تقريبا بعثه الى استراليا . في شهر 3 عربي
بعثته من جهة العمل و راتبه ممتاز ولما يجي من البعثه ماراح يتغير راتبه ....
هو تفكيره انه ياخذنا معه عشان انا اكمل الماجستير و عشان العيال يتعلمون انجليزي ...
مشكلتي ... خايفة من مسألة الابتعاث عشان أوضاع المبتعثين هالفتره ..
شرايكم بالغربه بالذات اني مررره متعلقه بأهلي و مدري استفيد شي من البعثه او لا ... و انه بعثته خمس سنوات يعني خمس سنوات مو سهله
و عندي اولادي واحد ابتدائي و الثاني بالروضه .. مدري راح يتأقلمون مع الوضع الجديد او لا .. لان الناس قالوا لي انه العيال من الغربه يمرضون لانهم يبون أهلهم وهذا اللي مخوفني
المدارس مدري اذا رجعنا الى السعوديه راح يقبلونهم او لا ... لان في ناس رجعوا و توهقوا بعيالهم ..
غير كذا بإذن الله راح يصير في مولود جديد هل اقدر احطه بحضانه مثلا ...

علما انه منطقة ابتعاثه استراليا برزبن .... هل هي امان او لا .. لاني جدا جدا خايفه على عيالي اني اخذهم و اتسبب فيهم ..

صليت استخاره و نفس الشي متردده ... المشكله زوجي مخلي القرار لي .. لانه بالنسبه له مو محتاج البعثه مره و يبي احنا نستفيد ...

تكفون انصحوني و ارشدوني جدا جدا محتاره و مالي بعد الله الا مشورتكم ... لان ما عندنا احد مبتعث الى استراليا ..
يا أختي
أنت زوجته و غطاء له و حصن
الرجل مبتعث يعني مدفوعة له تكاليف الدراسة و السكن و المعيشة و مكافأة
و وظيفته تنتظره
حتى لو ما بغيتي تكملين دراسة ، اسمه أنك جالسة عند زوجك تسلّينه في غربته و أنت بنفسك تتعلمين أمور جديدة في الحياة
و عيالك يتعلمون في مدارس أجنبية و أتوقع فيه إسلامية و يقدر أيضا يواصل مع المدارس السعودية من المنزل و يختبر في الملحقية (على ما أظن و هذا الشي موجود في دول كثيرة و اعتقد استراليا من ضمنها)
و أهلك .. بسيطة .. وسائل التواصل خلت البعيد قريب
الواتساب و الإنستاقرام و السكايب و بقية البرامج ما يحتاج كل شي متيسر و ما تحتاجون إلا إلى اشتراك إنترنت
و كلها سنتين ثلاث و ترجعون ، و خلال هذي الفترة فيه إجازات تبون ترجعون فيها و تشوفون أهاليكم
بالنسبة للأولاد ، بالعكس ، سنهم صغير و أفضل شي لأن هم اللي عندهم القدرة الهائلة على التعلم ، بعكس إذا صاروا في المتوسطة أو الثانوية
و ما شاء الله روضة و أولى ، سن مثالية لتعلم الكثير
وفقكم الله لما يحب و يرضى
Hajime No Ippo
August 20th, 2015, 10:07 AM
7 "
انا كنت مبتعثه لاستراليا في مدينه كانبرا المعيشه في استراليا جداااا رايعه بكل المقااييس تعليم / ترفيه / تغيير للفكر وللسلوك للافضل / القدره على تربية اولادك بالطريقه اللي تريحك لان مافي احتكاك والتاثر باللي حوله كثير مثل اولاد العم والاخت ········الخ / تعليم اللفه وهذا اهم شي الان الناس تدفع بالاف في المدارس العالميه لتعليم اللغه الانجليزيه وغيرها من المميزات كثير ،
اختي كانو اولادها في سن مدارس وكانت معاي ماشاء الله الصباح يروحو مدارسهم االي هي اسلاميه انجليزيه اسمها islamic school of canberra والعصر تحفيظ قران وانا من اللي كانو نحضر حلقات تحفيظ قران ومحاظرات ولمن جيت السعوديه سبحان الله ماعاد عندي وقت
لو يرجع فيا الزمن وتتيح لي الفرصه لارجع استراليا ولا اتردد لان استفدت الكثير ولا شعرت بالغربه وكانت لي الان كاحلى الذكريات
وبرزبن مدينه جميله تتميز بالطبيعه
وفقك الله وهذه النصايح من تجربه شخصيه تعايشتها في استراليا
ام حلا وغلا
August 20th, 2015, 10:20 AM
7 "
جزاكم الله خير ... و يعطيكم العافيه . ..
بس هل المنطقه امان
shoshiabdullah
August 21st, 2015, 05:03 AM
7 "
لا تقلقي من ناحيه الامان كل المناطق امان وزياده كمان اتبعي ارشادات الامن والسلامه المرسله دايما من الملحقيه لانهم على اطلاع دايم بكل مايحدث في جميع مناطق ومدن كل دوله وانشاء الله مايجيكم الا كل خير
انا كنت ساكنه في شقه في عماره وكان باب العماره طوال الوقت مقفل وكنت احس بالامان دايمااااا ولله الحمد بعد رعايه الله ابعدي عن البيوت اللي يسمونها house صحيح انها كبيره وتحي طابقين لكنها تخوف انا افضل الشقق امانها اكثر
وبالتوفيق
ام حلا وغلا
August 21st, 2015, 05:21 AM
7 "
انا قالوا لي خذي بيت اريح ... بس مدري ايش نضامهم ...

بس بعد كلامك شكلي بقرر على شقه بعماره ...

- - - مشاركة محدثة - - -

وحده قالت لي انه فيها فيضانات و عناكب سامه و حشرات و فيها قنديل البحر وقرش .. ومدري ايش ؟

هل هذي االاشياء خطره
shoshiabdullah
August 21st, 2015, 05:37 AM
7 "
والله هذا رااي الشخصي انا كنت بمجمع كله عماير وكان في الوسط مساحه يقدرو الاطفال يلعبو فيها البيوت عاده تكون اكبر ويكون عندك حديقه خلفيه بس انا مررره اخاف من البيوت اللي تكون مداخلها كثيره ومايكون حولي احد بخلاف الشقه يكون بابها واحد
ام حلا وغلا
August 21st, 2015, 05:39 AM
7 "
ام حلا و غلا .. يعطيك العافيه ..
و حلو خليتيني افكر بالموضوع بايجابيه

ربي يوفقك و يسهل دربك ان شاء الله
shoshiabdullah
August 22nd, 2015, 04:20 AM
7 "
ويعافيك اللهم امين وياك الله يوفقنا جميعا يارب
ام حلا وغلا
August 22nd, 2015, 05:22 AM
7 "