مساعدة طالبه اردنيه احتاج معلومات عن بريزبين

March 1st, 2019, 02:01 PM

السلام عليكم...
انا طالبه من الاردن.. حصلت قبول ماستر فى جامعه كوينز لاند..
الدوام يبدا فبراير القادم.. بعرف انه بكير بس حابه احضر نفسى...
رح اسافر مع زوجى و بما انى بدرس ماستر حكالى المكتب انه رح يكون مسموح الى انا اشتغل ٢٠ ساعه بالاسبوع و زوجى ما فى عدد ساعات محدد... طبعا احنا طالعين على حسابنا الخاص
يا ريت تفيدونى بخصوص الامور التاليه..

بخصوص عدد ساعات العمل الى و لزوجى هاد الموضوع مضمون و لا بس حكى من المكتب؟
طبعا انا و زوجى محتاجين انا نشتغل هناك لحتى نقدر نتحمل التكاليف.. فبخصوص الشغل، هل سهل الاقى شغل و انا محجبه مع العلم لغتى الانجليزي ممتازه. و بالنسبة لزوجى عم يبدا يتعلم لغه، وهوه مجال شغله مهنى، ايش الاشياء الى بتساعدنا نحصل شغل هناك باسرع وقت من الوصول؟
بخصوص السكن، بدنا شقه غرفه واحده قريبه من جامعه كوينزلاند نوعا ما، كم نحط ميزانيه تقريبا للاجره بالاسبوع؟ وين الاحياء الى فيها عرب؟
كم نحط ميزانيه لباقى المصاريف بالاسبوع؟
اخر سؤال بعرف غريب شوى بس كتير مهم بالنسبه الى،
انا عندى فوبيا مرضيه من الزواحف والحشرات والقوارض و كل ما عم بقرا مقالات عن استراليا بلاقى معلومات مرعبه بخصوص الموضوع، على ارض الواقع قديش احتماليه تواجد هيك حيوانات بالبيوت والشوارع؟ و لو سكنت بشقه مش ارضيه هل رح تكون مكلفه اكتر؟؟


يا ريت تفيدونى و شكرا كتير

• نشر عبر تويتر
• نشر عبر فيسبوك
• نشر عبر جوجل