أرجو المشاركه عن كل ما تعرفه عن جولد كوست (gold coast)

السلام وعليكم

ارجوا من الاخوان الي عندهم خلفيه عن جولد كوست يساعدنا بليييييييز ولا يبخل علينا ومالكم الا الدعاء.

وشكرا

بالنسبة لقولد كوست ...
السكن :
بالنسبة للعزاب تتواجد خيارات كثيرة للسكن منها ال Flat share وهي عبارة عن استئجار غرفة في بيت و السكن عند عائلة وكذلك السكن في شقق مفروشة ..
الاسعار للفلات شير تتراوح ما بين 140 الى 180 دولار حسب النظافة وحجم الغرفة واذا ما كان بها دورة مياه وانتم بكرامه خاصة بك ام لأ ..
بالنسبة للعوائل اشوف خيار السكن في شقق مفروشة افضل ...
وعموما تصميم مدينة جولدكوست مشابه نوعا ما للطراز الامريكي ، بمعني ان يوجد للمدينة City Center وباقي الاحياء السكنية على شكل Suburbans او ضواحي بعيدة قليلا عن المركز ، وفي كل ضاحية تقريبا يوجد مجمع تجاري او سوق تجد فيه كل احتياجاتك ...

بالنسبة للمواصلات فهناك التكاسي وهي غالية نسبيا ، و الباصات رخيصة ، تكلفة الرحلة ون واي بـ 1.20 دولار للطالب و ضعفها لغير الطلاب ، وتكلفة نذكرة اسبوع تبدأ من 9.60 دولار وتستعملها على مدار الاسبوع بغض النظر عن عدد المرات ..

بالنسبة لشركات الاتصالات فيوجد عدة شركات منها Vodafone و Optyes و Telseria وانا جربت فودافون وتيليسيريا ، والاخيرة سيئة جدا بنظري و اسعارها غالية ..
فودافون اشوفها الى الان الافضل ، عندهم عرض ، تشحن ب 79 دولار يعطونك 650 دولار = صالحة لمدة شهر ، وتشحن 99 دولار يعطونك 1000 دولار على ما اذكر ...
انا استعمل باقة الـ 79 دولار ( مسبق الدفع ) وجدا ممتازة معاي في الاستخدام واكلم فيها دولي كثير وتمام ...
يعني 79 دولار هذي تكلفة الاتصالات هنا شهريا ممكن نقول ..

الانترنت يتوفر في كل الجامعات مجانا ، وبالرغم ان الحدمة جيدة فلاتتوقعون انها مثل السعودية مثلا ، السعودية من افضل دول العالم في الانترنت ، حقيقة اكتشفتها من خلال تجربة الانترنت في الامارات والبحرين و استراليا وعدة دول ... طبعا بالنسبة للاشتراكات في المنازل اطلعت عليها بسرعة ونادرا تجد شركة توفر اشتراك مفتوح التحميل للاسف والاسعار تقريبا مثل السعودية او اغلى شوي .

بالنسبة لاماكن الترفيه فيوجد الكثير ولكن :
اذا كان معاك سيارة فاعتقد راح تستانس احلى وناسة في حياتك ، استراليا بلد جميل وفيه الكثير من الاماكن الترفيهية ... وبالذات قولدكوست ..
يوجد ملاهي اسمها Dream World وفيها الكثير من العاب الحركة السريعه مثل قطار الموت وعلى هذه الشاكلة ، وبها قسم للالعاب المائية ما دخلته .. وهناك كذا ملاهي مشابه لم ازرها ..


بالنسبة للمطاعم العربية سمعت انها تتواجد في شارع الـ Surfers Paradise ولكن للاسف انا ما اروح هناك الانادرا وبالنهار ، لأنه بالليل يصير مرتع للسكارى و المشاكل ... وفي الصباح اكون كسول وما احب اروح الا اسواق مكيفة اكل فيها و اشوف فيلم في السينما مثلا ..


معلومات هامه وملاحظات :
1 - استراليا بلد شدبد فيما يتعلق بالتعامل مع الاشخاص اقل من 18 سنة فلاتحتك فيهم ابدا وانتبه .
2 - الاحساس بالغربة هنا قليل او ضعيف من خلال تجرتي في السفر ويبدو ان عامل الجو له تأثير كبير .
3 - لاحظت كثرة الغربان بشكل عام لا ادري لماذا .
4 - الطبيعة هنا جميلة و قبل كم يوم لقيت ضفدع كبير في الشارع ينقز ، وقبل كم يوم دخل بمحيط الجامعة ارنب يجري .
5 - لاحظت كذا مرة في المطاعم ان الاستراليين يلعقون اصابعهم بعد الانتهاء من الاكل مثلنا .
6 - يسألون بكثرة عن الاسلام .
7 - اللبنانيين لهم ثقل كبير في الدولة الاسترالية و كل يوم اكتشف ان بعض الطلاب الاجانب لبنانيين او لبنانييات بالصدفة ، بالرغم ان تواجدهم في قولدكوست يعتبر قليل .
8 - اللي يرتب نفسه زين في هالبلد ويكون مبتعث ويشتري سيارة ويوفر سكن ممتاز ، اتوقع راح يتعلم زين و راح يستانس بكل ثانية من جلسته في استراليا .



واي اسئلة انا حاضر ، واعذروني يا اخوان على بعض القصور لأن اعتبر جديد على قولدكوست ، الان كملت شهر ونص فقط وكل فترة اكتشف اشياء جديدة








اخوكم ماجد الشمري

أشكرك يا ولد شمر على الطرح الجميل

بالنسبه للطقس في القولد كوست وبرزبن كم تقريباً درجات الحرارة طوال السنه

تقبل تحياتي

الله يعطيك العافية

مشكورررررررررررر

بارك الله فيك ماجد ويسر امورك..

ماقصرت اخوي ماجد يعطيك العافيه على توضيحك الوافي

يعطيك العافية أخوي ماجد .. نصايح قيمة ..

بس سؤال آخوي مآجد ..؟
اش سالفة التعامل مع الي تحت الـ18 بأسترليا ..> فأستراليا بلد شديد ؟!!!
وليش مانحتك آبهم ولا نتعامل معاهم؟!

صآدني فضوول .. آتمنى تجاوبني ..؟!

انا اقول لك بحكم خبرتي المتواضعة
موضوع الاحتكاك مع الي اقل من 18 سنه موضوع حساس و سواء كان ولد او بنت
لانهم يخافون من الابتزاز او التحرش الجنسي و الاستغلال
و عليكم الانتباة من هالنقطة و لا تسلمون على الاطفال الي ما تعرفونهم و حاولوا ما تطلعون مع طفل اجنبي لحالك لان يمكن الواحد تجيه تهمة وهو بريء منها
و ترى عقوبه التحرش الجنسي بشخص اقل من 18 سنه مدتها سجن 25 سنه