نصائح أبو نواس المرصعة باللؤلؤ والألماس

وأخيراً وصلت بالسلامة والحمد لله إلى مدينة برزبن .. بعد رحلة شاقة وطويلة لكنها بالتأكيد كانت ممتعة مع طيران الإتحاد << مايسوي دعاية أبد

عشان ماأطول عليكم ياحبايبي ثم تملون مني وتصكرون الصفحة ماراح أقول لكم قصتي الطويلة المملة إلا إذا تقابلنا إن شاء الله << من زين هالقصة عاد

لإن القصة طويلة ولو أبسولف من هنا لبكره ماخلصت فالسفر سبحان الله لازم تصير فيه مفاجآت

لذا راح اختصر الموضوع بجملة من الفوائد والنصائح والتجارب اللي استخلصتها من سفري وتجربتي منذ وصولي وحتى حصولي على السكن وفتح الملف إلخ

1- طيران الإتحاد الحجم المسموح به 30 كيلو للشخص الواحد ..فإذا كانت الشنطة أثقل من كذا أنصحك تشتري شنطة صغيرة وتحاول تخفف من الشنطة الكبيرة بوضع بعض الأغراض في الشنطة الصغيرة زي ماسويت أنا عشان ماتدفع 115 ريال على كل كيلو زيادة .. بصراحه أنا عقدوني في المطار لإنه كان معي شنطتين فوق الحد المسموح ونصحني أحد موظفي العفش أروح أشتري شنطة صغيرة عشان أخفف من أحد الشنط وبالفعل رحت شريت شنطة وخففت من الشنطة الثقيلة ومررها لي الموظف بدون ماأدفع ولاريال زيادة .. بس بصراحه استغلني المحل اللي في المطار لإنه هو الوحيد اللي يبيع شنط في صالة الرحلات الدولية وماباقي على رحلتي إلا ساعتين فدبل السعر عليّ مرتين لذاأنصحكم بزن شنطكم قبل ماتجوون المطار وأي شنطة وزنها أكبر من 30 كيلو تخففون من الأغراض اللي فيها بوضعها في شنطة إضافية أخرى .. وعشان بعد تحسبون حسابكم إن احتجتوا شنط إضافية وتشترونها قبل ماتجوون للمطار لإنها في المطار غالية

2- حاول تختار مقعدك في الطيارة بعناية وتطلب من الموظف اللي بيقص البوردنق إنه مايحطك بجنب الجناح أو آخر الطيارة لإنه مزعجة جداً وقت الرحلة ..وإذا من كنت عشاق النوم أكل لك حبتين بناول نايت وحط راسك

3- أي شيء معكم من شامبوهات أو كريمات أو أي شيء ثاني حجمه أكثر من 150 مل لاتحطونه بالشنط الصغيرة اللي بتاخذونها معكم داخل الطيارة .. لإنهم بيصادرونها في أحد المطارات اللي بتمرون عليها لذا من الأفضل زقلها بأحد الشنط الكبيرة اللي بتروح مع العفش أضمن لكم

4- إذا جيت تعبئ كرت الدخول لأستراليا .. لازم تعبيه وأنت مركز ومفتح مخك لإن الدعوة فيها سجن وغرامات الله يكفيكم شرها .. بالنسبة لي حطيت علامة صح عند أغلب المواد اللي في الكرت (بإستثناء الكحول والسجائر والمبلغ المالي) عشان لو حصلوا شيء أقولهم هه تراني معلمكم من قبل وشوفوني حاط علامة صح عندها في الكرت

5- أول ماتوصل برزبن وتلخص إجراءاتك وقبل ماتركب لك تكسي .. يفضل أنك تأخذ لك شريحة من المطار ( بالنسبة أنا أخذت شريحة مسبقة الدفع من شركة فودافون بـ 29 دولار وفيها رصيد 150 دولار ومدتها شهر ) .. طبعاً يقولو فيه شركة أوبتس أحسن بس ماحصلت لهم كاونتر ي المطار في فودافون .. عالعموم بعد ماجربت فودافون مدة أسبوع عرفت إنها اختيار صائب

6- إذا ماسبق لك حجز السكن قبل الوصول .. تقدر تحجز فندق في المطار عن طريق تلفون مخصص فيه عرض كامل للفنادق وأسعارها .. وأبد شف الفندق المناسب واتصل عليه وأسأل إذا عنده غرف شاغرة أو لا .. إذا عنده احجز وقل له إني جاي بالطريق مسافة السكة .. بالنسبة لي حجزت في فندق في وسط المدينة اسمه جورج ويليامز ( 4 نجوم بس رخيص مقارنة مع غيره وميزته قريب من الكوين ستريت وتحته بقالة 24 ساعة فاتحه )

فيه وسيلة نقل في المطار أرخص من التاكسي واسمها ( coachtrain) وهذي تقدر تحجز لها من كاونتر خاص بالترانسبورت في المطار وهي عبارة عن باص يحمل عدة ركاب ويوصلهم لأماكنهم المطلوبة حسب أولوية الحجز .. طبعاً كل 25 دقيقة يطلع باص وبسعر رمزي

بالنسبة لطلاب لـ UQ

7- اليوم الثاني على طول رح المعهد وخلهم يسوون لك اختبار سبيكنق (تحدث) ويلقطونلك صورة عشان البطاقة الجامعية وتاخذ منهم بعد خطاب مباشرة مختوم من عندهم لإنك بتحتاجه إذا جيت تفتح الملف في الملحقية

8- فيه فرع لبنك كومونويلث في نفس الجامعة وقريب من معهد اللغة .. رح عندهم ومعك الجواز وافتح حساب streamline unlimited .. طبعاً هالحساب هو الأنسب لطلاب الجامعات حسب كلام موظفة البنك .. بتعطيك رقم الحساب وإذا كان عندك عنوان دائم بيطلبونه منك عشان يرسلون بطاقة الصراف عليه وإذا ماعندك بيقولون انتظر لين تحصل على سكن دائم ثم تجي وتعطينا عنوانك الدائم عشان نرسل لك بطاقة الصراف عليه واللي غالباً تاخذ اسبوع على ماتوصلك

9- انقز لمكتب عقاري قريب من الجامعة اسمه elite في شارع هوكن رود .. عشان تدور لك على شقة مستأجرة قريبة من الجامعة .. وأنا أنصح بالبحث في الشقق اللي تتواجد في هالشوارع الثلاثة لإنها هادية وقريبة من الجامعة ومواقف الباص ومن مطعم ناندوز اللي يقدم وجبات حلال ومن سوبر ماركت كبير .. وهالثلاث شوراع متوازية واساميها كالتالي Warren St. - Durham St. - Mitre St.