كل يوم أنام جائعة و السبب ....... ؟

ههههههههههه

الله يوفقك حبيت ارفع الموضوع انشالله تجيبك وحدة من الاخوات

بالتوفيق

اهلين اختي
انتي معطيه الطبخ اكبر من حجمه عشان كذا مرتاعه ومختبصه

الطبخ تاافه بس يبي له مقاضي + بال صافي ومرتاح بدون ضغوط + وقت كافي

ومافيه شي اسمه ماعرفت وش الزين عادي خذي اي شركه كله تمام ويمشي
يعني مثلا الفتوتشيني....روحي قسم الباستا..اختاري الفتوتشيني اللي شكلها زي الشرايط ..من اي شركه نو بروبلم كله واحد
الرز خذي بسمتي...فيه بقالات هنديه كثير تبيع انواع كويسه...انا احب اللي اسمه Dawaat لون كيسته فضي وازرق...وفيه ناس يحبون India gate انا ماعجبني
كريمة الخفق بكل سوبر ماركت...روحي للثلاجات عند الحليب الطازج او علب الزبده تلاقين علب بلاستيكيه اسطوانية الشكل شفافه بحيث انك تشوفين لون الكريمه الابيض من خلالها ..والغطا بلاستيكي ملون فيه شركات احمر غطاها احمر وفيه اخضر او اصفر ...خذي اي شركه عادي ..انا جربت اكثر من نوع وتمام

لا تعقدين المسائل خذي اللي تلقينه قدامك ههههههه

:

طريقة الكبسه

المقادير:

كاستين رز غسليها وانقعيها في مويه
لحم او دجاج مقطع الى قطع مناسبه الحجم وشيلي الزوائد والجلد وغسليه ونظفيه كويس
افرمي بصله كبيره ....فيه فرامات بصل يدويه ورخصيه تريحك من هالمهمه المخيسه
افرمي حبتين طماط او حبه كبيره ملعقه كبيره مليانه صلصلة طماطم
بهارات خشنه ( هيل - اعواد قرفه - ورق غار ..(كل البهارات بجميع انواعها موجوده في البقالات الهنديه)

الطريقه:

فوري مويه واتركيها على جنب حطي البصل الفروم في قدر كبير نوعا ما + 4 ملاعق زيت + البهارات واحمسيه على نار متوسطه الين يذبل البصل
ارمي عليه الدجاج وقلبي الين يتغير لونه ويصير ابيض
اضيفي الطماطم والصلصه وقلبيهم مع بعض

ضيفي مقدار من المويه الفايره وغطي القدر خليه يطبخ الين يستوي اللحم او الدجاج

صفي الرز من موية النقع وارميه على التسبيكه السابقه

اذا كانت المرقه غير كافيه ضيفي زيادة مويه...ماعندي مقدار محدد بالنظر .. خليها تغمر الخليط وترتفع فوقه اصبعين تقريبا
اضيفي الملح وذوقيه
غطي القدر والنار شبه قويه وبعد شوي لما ينزل منسوب المويه عن سطح الرز اقصري النار خليها هاديه...وغطي القدر ولما يتشرب المويه بشكل كامل طفي النار... ممكن لو حسيتي المويه باقي فيها شي بسيط والرز محتاج زياده تزيدين ... يعني شي بالملاحظه

:

واذا مره متأزمه فيه بالسوبرماركت اكل جاهز ومجمد انتي بس تحطينه بالفرن...لزانيا وانواع كثير...حطي عندك بالفريزر وبس تحتاج للفرن الين تستوي حسب التعليمات

:

مشو نفسكم بمطاعم لين تتعلمين لك صنف مو حل الواحد ينام جوعان ههههه

اذا انتي بشرق سدني شوفي هالموضوع

http://www.mbt3th.us/vb/forum113/thread173213.html

اي سؤال لا تترددين


موفقه ودعواتك

شكرا لك
.........................................

رورو الف الف شكر لك ماشالله عليك
الله يجزاك خير ,, و بالنسبة للاسئلة اكيد فيه بس لين اجرب
وبالنسبة للطلب اكيد بنطلب زوجي من اول الناس الي تحمسو لفكرتك
بس مع الطلبية اكتبي لي المقادير و الطريقة

مرة ثانية الف الف شكر لك

نفعكـ الأتكالـ علـ والدتكـ او الخدمهـ الله يهديك بس تعلمنا من اول الطبخـ شهرين ..هنـأ...................................

اهلين

تراي عدلت على طريقة الكبسه كان فيها غلط بس تلاحقت عمري لا اورطك هههه

وبالنسبه لموضوع الطلبيات هذا مو انا .. انا بس عطيتك الرابط

انا عساي القى وقت اطبخ كبسه او حتى ساندوتشات او مكرونه ومرات ماالقى وقت

يبدو لي أنك متزوجة حديثا
عموما فيه كتب للطبخ في السعودية ممتازة ودقيقة شوفي أحد يجيبها لك من هناك فيها وصفات رائعة

عليك بالأندومي أختي ، والله يعينك ..

اختي .. النت ما يقصر الصراحه .. فيه كل شي وبالصور .. ولازم طبعا المحاوله مره ومرتين حتى تضبط الطبخه

اقترح يكون فيه موضوع مستقل ... كل واحد يكتب اش طبخ اليوم؟؟ طبعا بالمقادير والطريقة وياحبذا الصور وفي الاخير يطلع الموضوع دليل طبخ مفيد وجميل ....

موفقين