مساعدة يا اهل سدني

اخوي فيه كذا اعلان في ملتقى نيوساوث ويلز عن شقق شف اي شقه مؤقتا

بعدين اذا جيت زين امورك وانقل لبرماتا لانها مهوب بعيده مره

وبالتوفيق ان شاء الله

اخوي انت تدرس قريب من براماتا والا بس مئقت عشان اقدر اساعدك

شكراً على الردود

انا ابدرس في الويستمد التابع لغرب سدني و ربما اغير من البداية الى الانسيرش فانا احتاج اروح الويستمد وكذلك الانسيرش

ياليت يكون السكن قريب من منطقة تسوق علشان الخدمات وانا تعرف ما دبرت سيارة

طيب اخوي انا اعرف راعي مكتب عقار يقبل بالسعوديين عشان معهم بعثه و يضمن الدفع بالوقت اذا كنت حاب تسكن في براماتا بلغني عشان اعطيك الرقم و اتصل عليه اوصيه عليك

انا ادرس بالسيتي و ساكن في براماتا و الطريق 25 دقيقة بالترين و احيانا اقل اذا الترين اكسبرس يعني ما يوقف الا في محطة وحده و على طول ع السيتي .. براماتا امنه جدا و كل شئ قريب منك اللحم الحلال في قرانفيل و التسوق عندك الويستفيلد فيها كل شئ تحتاجه ..

ربنا يسهل عليك

يعطيك العافية arabic

الله يوفقك

انا ابي سكن مؤقت حق ثلاثة اسابيع فندق موتيل وزي ما كتبت يكون في منطقة تسوق يعني حوله سوبرماركت مطاعم حلال طبعا في البرماتا او حولها المهم يكون المنتصف بين الستي والويستمد

وبعدين انشاءالله لما اعرف الديرة حا ادور على شقة اسكن فيها على طول

طيب فيه منطقة اوبرن اذا تسمع عنها فيها شقق نظيفة و جديدة مره .. انا ما ادري وينها بالضبط بس صاحب المكتب قالي عنها هل لك رغبه فيها او تفضل براماتا ؟

سلمك الله انا حتى مدري اوبرن وين تقع ولكن البرماتا من خلال قوقل ايرث تقع في المنتصف بين الويستمد والستي ولو تشوف لي اسم فندق يكون سعره معقول ويكون في منطقة بها مركز تسوق*

ترى موضوع المواصلات مهم لو يكون الفندق والا الموتيل قريب من محطة قطار

يوجد شقق قريبه من السوق و محطة القطار .. تقريبا 3دقيقتين مشي فقط و ممتازة جدا و نظيفه
اسمها مانترا و هذا موقعها
Mantra Hotels & Resorts | Book Accommodation Gold Coast, Sunshine Coast, Melbourne and more

اوبرن هي اللي تقع في النص ما بين السيتي و ويستميد .. براماتا جنب ويستميد ولا بينها الا 3 دقايق بالترين
انت استخر امرك و فكر و اذا احتجت للسكن يا في براماتا او اوبرن بلغني

مع العلم ان منطقة براماتا افضل من ناحيه الامن .. اوبرن فيها تعدد جنسيات كثير و فيها مشاكل و احيانا قتل .. براماتا جدا آمنه و مريحه و انتي ابحث و شوف اللي يباسبك
وفقك الله ولا تنساني من دعائك