هل النادي السعودي يقدم فطور للصائمين

برد عشان اخيب ظنك




فيه فطور جماعي في منطقة شرق سدني في مسجد الزت لاند على العنوان التالي

وانتي بصحة وسلامة

هل الفطور بتقديم النادي السعودي ؟ او برعاية النادي السعودي ؟

ثم ياليت أحد يخبرنا حتى لو كانت الإجابة للأسف لا

أذا كان فيه مسجد قريب من اليو تي اس يكون فيه فطور مقدم من النادي السعودي ؟

مع العلم أن هناك مسجد داخل الجامعة لكن لا يقدم فيه الفطور

الفطور مدفوع من ضمن ميزانية النادي السعودي قرابة 1500 دولار يوميا

الفطور اللي برعاية النادي في مسجد الوترلوو

طيب هل في مكان مخصص للطلاب في الجامعة أو في مكان قريب من الجامعة ؟

يااخي اذا تبي فطور بسيطة .. ترى أنا أبغى أصحاب بس وابشروا بعزكم فطور وسحور وفلة حجاج

والنادي يسوي افطار يومي ع حد علمي كما ذكر احد الاخوان لكن مشوار والمحاضرات كلها مسائية

مسعود الشلوي انت وين ساكن والله انك كفو يالذيب

ساكن بالستي آخر الجورج ستريت

ونس ياوحش .. عطني انطباعك عن افطار النادي في مسجد زيتلاند

والله الفطور انا جيته ممكن مرتيين بس الحمد لله جمعت الطلاب حلوة وكثير من المسلمسن

وش رايك نفطر هناك بكرة ...

يا مرحبمبم مسعود

الصراحة الشباب ما قصروا ومجتهدين وشغلهم كويس الله يجزاهم خير

بس مشكلة المسجد مشوار للي ما معاه سيارة او اللي عنده محاظرة وقت المغرب ما يقدر يجي

ياليت لو كان الفطور في الجامعة نفسها بدال ما يكون في مسجد. عشان يحضر عدد اكبر من الطلاب

الاكل والخدمة وكل شي ابداع الله يجزاهم خير
لكن الاكل كثير لو تقسم على مكانين او اكثر كان افضل
اعرف ان الشباب جالسين يسوون مجهودات فردية وتطوعية
لكن في كثير من الطلاب يداومون في الجامعة او المعاهد اللي جنب الجامعة اللي قريبة من الستي
واعتقد ان كثير منهم مايحضر للفطور في المسجد بسبب الدوامات او المواصلات وعن نفسي الاثنين اجتمعوا دوام ومواصلات

فقط لو فيه نقطة توزيع في الجامعة مو شرط اعضاء النادي يحضرون خلوا المكان الاساسي المسجد اللي في ووترلوو بس يكلمون واحد او المكان اللي جابوا منه الاكل يجي في مسجد الجامعة ويقدم الفطور

اللي مستفيد من الوضع الحالي عدد كبير من المسلمين زوار المسجد لكن عدد اقل من الطلاب
بس اعتقد لو الوضع صار بالجامعة اتوقع عدد الطلاب بيزيد بشكل كبير

على العموم يمكن يكون فعلاً كلموا الجامعة ورفضوا لكن ماتوقع ان الجامعة بترفض خاصة طلب مثل هذا

والله يوفق الجميع والنادي