تحذيرات عاجله واتمنى من ادارة المنتدى التفاعل

شكرا لك اخوي نهران
لكن كيف عن طريق مكاتب سياحية
أنا الآن في السعودية أروح مثلا لمكتب الطيار واطلب منه يحجز لي؟ يا ليت يا اخوي الكريم تدلني على سكن مناسب أنا جديد في سدني ولا اعرف فيها شي
ابغى سكن بيوم الجمعة الجاي 18 فبراير قدومي بكون الصباح ان شاء الله وتعرف الوقت بس ودك تلقى مكان تريح فيه ما فيك حيل تدور هنا وهناك
وانا معي عائلة وش تنصحني فيه بالله؟

حياك الله اخوي فهد وتوصل بالسلامه واتمنى لك كل التوفيق
بخصوص استفسارك فصدقني اتمنى لو فيه وقت اقدر اساعدك فيه شخصيا ولكن لضيق الوقت بين مشاركتك وتاريخ وصولك وكذلك لعدم معرفتي بأي احد من الزملاء يرغب في ايجار بيته خلال الفتره القريبة فأنا اعتذر منك في هذه النقطة واتمنى من اي احد من الاخوة لديه منزل يرغب في تأجيره مؤقتا ان يتواصل معك .
اما نصيحتي لك فأنا اقترح عليك اتباع الخطوات التاليه لحجز السكن :
الخطوة الاولى : حدد عنوان المعهد او الجامعة اللي بتدرس فيها =موجود في القبول اللي حصلت عليه=
الخطوة الثانية : اتجه لخرائط قوقل وابحث عن الفنادق القريبة من المعهد
الخطوة الثالثة : ادخل لمواقع هذه الفاندق على النت وشوف المناسب لك منها من حيث الموقع والخدمات والحجم .
الخطوة الرابعة : قارن بين اسعار الفندق من خلال موقعه واسعاره على موقع bookin.com واسعار الطيار او اي مكتب سياحي اخر
الخطوة الاخيرة : انصحك بحجز الفندق لمدة 14 يوم من تاريخ وصولك .
اخيرا اتمنى اكون قدرت افيدك واعتذر منك مره ثانية لعدم استطاعتي خدمتك بصفه شخصية في الوقت الحاضر .
وفقك الله وتوصل بالسلامه

للتذكير ان الذكرى تنفع المؤمنين