.·´¯`·-> (تجمع خــــــــاص بطلابـــ كانبرا ) <-

جامعه كانبرا لا تشترط اجتياز اختبار الايلتس ولكن لها كورس خاص بها يجب عليك انك تجتازه عشان تدخل الجامعه

ولكن على حسب الشباب اللي اعرفهم في جامعه كانبرا انه عندهم مستوى كل السعوديين يوقفوا عنده ويتخللوا ( يعني يصيروا طرشي ) عشان يعدوه

وبالنسبه لمعهد جامعه استراليا الوطنيه ساعات الدوام في المعهد عندنا اطول من معهد جامعه كانبرا وبعض الشباب اللي يدرسون في معهد جامعه كانبرا يتمنوا ان ساعات دوامهم بالمعهد تزيد عشان تزيد استفادتهم من تمارين اكثر وتركيز اكثر على تعلم اللغه واحتكاك مع المدرسين اكبر
والله اعلم

طبعا لا تنسانا من دعوه صادقه ......... وشكرا

وينك من زمان..................جيت والله جابك
ياخي انا منكب انا رحلتي يوم الاحد 12 اكتوبر ولا اعرف اي معلومة عن كانبرا خصوصا اني توني متخرج من الثانوي ولغتي تعبانة ابي الله يوفق انك تجاوب على اسالتي الله لايهينك وصدقي راح ادعيلك ولا انسالك ها الفضل ............ اول شي انا جاني قبول من جامعة كانبرا في معهد اللغة ابي اعرف مستوى الجامعة من كل النواحي ...........من ناحية السهولة والصعوبة طريقة التدريس تواجد العرب لاني بصراحة ماابي العرب في مرحلة اللغة وهل الجامعة الوطنية في معهد اللغة افضل من جامعة كانبرا؟
2.بانسبة لتخصص هندسة معدات طبية ايهما افضل الجامعة الوطنية ولا جامعة موناش ؟
3.كيف التواجد العربي والاسلامي في المدينة وهل يوجد مراكز ومطاعم اسلامية؟
4. هل السكن مع العائلة افضل وهل هذا الشي متوفر في كانبرا لاني سمعت ان العائلات في كانبرا قليلة مرة وصعب مرررررررررررة تحصلها وهل الجامعة ممكن توفرلي هاالشي؟
5. عاد هذا سؤال ماله دخل في الدراسة هل يوجد في المدينة ملاعب كرة قدم عامة او هل يوجد في الجامعة ملاعب كرة قدم لأني بصراحة مااعرف اعيش بدوووووووووووووون كورة؟





واذا هناك اي معلومات اخرى ارجو انك ماتبخل علينا ولك مني جزيل الشكر.

يارب انك ماتطول علي


الوقت يداهمني

أخوي البرنس حبيت أجاوبك بدال أخوي هشام لأنه يمكن راح يتأخر بالاجابة ,,,

المهم التواجد العربي موجود وعدد الطلاب بكانبرا يصلون حوالي 70 طالب وهم يعدون قليل بالنسبة

للمدن الأخرى ,,,

ومن ناحية تخصص معدات طبية مدري عنه بس اذا كنت تسأل عن تخصص medical engineering

أو الـ Bio engineering فإني إن شاء الله أقدر افيدك ...

ومن الناحية الدينية هناك مصلى بجامعة كانبرا .. وجامعة ANU ...

وفيه كم مطعم حلال بس مو كثير ...بس إن شاء الله تفي بالغرض ...

السكن مع عائلة هو أفضل شي لأنها تطور لغتك بسرعه بس قليل تلقى بس إن شاء الله تتسهل الأمور ...

ومن ناحية الكورة حنا كل أسبوع نلعب كورة في ملعب الـANU أو الـ UC ...

تقبل تحياتي أخوكـ نـــواف ,,,, وأتمنى تضبط السكن قبل تجي لكانبرا ,,,

معليش على التاخير يا برنس يزيد
بس المفروض الله يهديك كان تقول لنا من بدري متى جاي لكانبرا عشان نحاول نشوف لك عائله تسكن معاها ( هوم ستاي )
والاخ نواف جاوبك ما قصر يعطيه العافيه
وانا راح اكلم بعض الشباب اشوف ان كان احد يعرف عائله هوم ستاي تجلس عندها بس لما تدخل وتقرا المشاركه ارسللي رقم جوالك الاسترالي رساله خاصه عشان اول ما احصل شي ادق عليك ان شاء الله
سلام

السلام عليكم ورحمة الله وبركاته


ياليت الاقي جواب على سؤالي

بالنسبه لي حابه اسكن بكانبرا لقربها من الملحقيه والسفاره.......وصعب علي اسافر وارجع

بس ابي أسألكم هل بالجامعات الموجوده بكانبرا جدا صعبه ......ولا عاديه مثلها مثل غيرها

ابي ادرس تربية خاصه......طبعا قبول مشروط

بس مابي اختبار توفل........ابي اتوماتيك اخلص المعهد انتقل للجامعه

ياليت تفيدوني وجزاكم الله خير

الله يجزاك خير اخوي هشام

وياليت تجاوبني .......كم جامعه بكانبرا؟

وابي الاسهل مابي اتوهق...........ويكون معهد اللغه بنفس الجامعه........

تخصص تربية خاصه(صعوبات تعلم) او اي تخصص متاح

الله يجزاك الجنه ويوفقك رد لي عاجلالالالالالالالالالالا

رشحلي جامعه بكانبرا.....بها اللغه..........وبها تخصص تربية خاصه....تكون معترف بها بالوزاره...(ماجستير)

والله للحين ماندري حنا وين بستراليا

أختي أميره ,,

أنا المساعد حق هشام اذا ما جاوب أحاول أجاوبك بالي أعرف... (بسم الله )

أختي كانبرا فيها جامعتين بس وفيها ثلاث معاهد لغة ..

الأسهل بالمعهد وباللغه هي جامعة الـUC لأنها ما تطلب الايلتس والـANU تطلب الأيلتس

للماستر 6.5 وللبكالوريوس 5.5 ....

ومن ناحية وجود هالتخصص والله ما ادري هو موجود والا لا بالجامعتين كلهن ..

بس ننتظر رد المنقذ هشام

وأعذرينا على القصور اختي أميره ..

اسفين يا اخواني على الانقطاع عن المنتدى بسبب انقطاع النت عن بيتي والحمد لله رجع بالسلامه

بس عندي تعليق عليك يا نواف
زي ما قلت انا في مشاركه سابقه انه كل طالب يذم اللي عنده ويمدح اللي عند غيره وماحد عاجبه وضعه
اللي يدرسوا في جامعه كانبرا يقولوا والله يا حظكم يا طلاب جامعه استراليا الوطنيه التدريس عندكم بالمعهد احسن من عندنا واللي عندنا يقولوا لا والله جامعه كانبرا احسن وهذا الكلام سمعته بإذني من احد طلاب جامعه كانبرا ومن زملائي في جامعه استراليا الوطنيه

وبالنسبه للتخصص اعطيني اسم التخصص بالانجليزي اشوفه لك في موقع الجامعه او ادخلي بنفسك على موقع الجامعتين وشوفي التخصص موجود ولا لا وبالتوفيق ان شاء الله