.·´¯`·-> (تجمع خــــــــاص بطلابـــ نيوكاسل ) &

هلا بكم جميعا

- يفضل الحجز من قبل للهوبي كابي لانه احتمال تلقاه مليان تتنظر للباص اللي بعده
وهو لا يتسع الا من ثمانية الى 11 راكب وللحجز اما من موقعهم او تلفونهم
0061249713991
- أما بالنسبه للقطار فللوصول الى نيوكاسل
أولا تركب قطار من المطار الى محطة center يأخذ معك تقريبا نص ساعة
وبعدها تركب قطار آخر من center الى نيوكاسل ويأخذ معك من ساعتين ونص الى ثلاث ساعات
بس انتبهوا ترى وقفات القطار كثيرة محطة نيوكاسل آخر وحده .

- أما ماهي مدينة نيوكاسل هي مدينة صغيرة سكانها تقريبا 400 الف نسمة
على البحر وبالقرب منها بحيرة كبيرة بحيرة مكاواري
وبالاصح هي عبارة عن تجمع من الاحياء وليست مدينة متصلة ومتكاملة
ومنطقة السيتي بنيوكاسل صغيرة وهي يسمونها اما السيتي او نيوكاسل
لانه كل حي او town له اسم آخر .

بالتوفيق للجميع

هذا رابط لموقع مشهور للبحث عن سكن في استراليا عموما ونيوكاسل ايضا

http://www.mbt3th.us/vb/showthread.php?t=37662

وبالتوفيق للجميع

اخوي حايل

اغلب الشقق الي لقيتها والبيوت مو مفروشه؟

هل برأيك نشحن الاساسيات معنا مثلا بوتجاز+ثلاجه+سرر خفيفه+ميكرويف؟

ولا الشقق والبيوت المفروشه متوفره؟

وهل يوجد مجمع سكني بالقرب من كالهان الجامعه....قريب جدا

ويكون هالمجمع فيه مسبح ووسائل ترفيه وسكيورتي ومريح بالسكن؟؟؟؟؟؟

حتى لو غويلي مو مشكله اهم شي مريح ومتوفر فيه مسبح

بصراحه انا اهم شي عندي بنتي تستانس مابيها تطفش


وهل تؤيد بالاول قبل وصولنا باسبوع يروح رجال يستأجر لنا سكن مؤقت؟ طيب لو رجال كبير و مايعرف بالنت كيف راح نستفيد من سفرته قبلنا باستئجار منزل مناسب طالما كل تعاملهم بالنت؟

يعطيك العافية اخوي حايل

ماقصرت

معليش اخت اميره ليش تفضلي سدني عن نيوكاسل

حسب معلوماتي ان سدني جدا غاليه وكل شي فيها غالي

لان لو حسبناها ...بلاجازات لو تمشينا بسدني كم بندفع؟
وكم بندفع للقطار..والمواصلات للوصول لسدني.....ولو باجازه رحنا وتركنا بيتنا بنيوكاسل واستأجرنا بسدني يومين ثلاث كم بندفع بعد؟
وبحكم انها مو المكان العايشين فيه اكيد بنروح اماكن غاليه للتمشيات...لان مراح تكون عندنا خبره بسدني...

هذا بيكون فرق السعر بالايجار.....

اما المواد الغذائيه وهالاشياء فالسعر واحد تقريبا حسب كلام الموجودين هناك...

هلابك أختي

أغلب السكن ماهو مفروش الا الشقق اللي موجوده بمنطقة السيتي
لكن السيتي تبعد عن الجامعة المركز الرئيسي 10 كم
ممكن تشحنين عفشك عن طريق مكاتب السفر مثل الطيار والمؤيد وتستلمينه من سدني
الكيلو ب 10 ريال تقريبا
لكن الافضل والاسهل انه تشترين من هنا سواء مستعمل او جديد

بالنسبة للمجمع قريب من الجامعة في هذي المواصفات حسب علمي ما في
لكن في بالجامعة نادي كبير وزين ممكن بنت تسبح فيه ..باشتراك طبعا

تقدرين تحجزين سكن مؤقت وانتي بالسعودية وهذا عنوان الاكسيف فيلا
تلفون 006149555888
http://www.newcastleapartments.com.au/jev/index.php

وفي خيارات اخر ممكن تأخذون فيها لان شوي غالي الاكسيف فيلا
http://www.google.com.au/search?hl=a...ustralia+hotel

ملاحظة للجامعة أكثر من فرع
الرئيسي اللي فيه معهد اللغة وادارة الجامعة يبعد عن السيتي 10 كم
ويقع بمنطقة callaghan
والاحياء القريبة منه هي
jesmond
North lambton
waratah
shortland
Birmingham Gardens
الفرع الثاني اللي فيه دراسة ماجستير المواد الادرية من مالية وتسويق وادارة وغيره
في منطقة السيتي بنيوكاسل

وفي فرع ثالث يبعد عن نيوكاسل 70 كم تقريبا وقليل يدرسون فيه
والاغلب في فرع الجامعة الرئيسي

بالتوفيق للجميع...دعواتك

الله يعطيك العافيه اخوي حائل ومعليش بنتعبك معانا

طيب ممكن تعطيني عناوين الاماكن الي اشتري منها العفش سواء عفش مستعمل او جديد

عنوانه بالضبط عشان اروح مرتاحه...ثاني يوم اروح اشتري العفش بحالة ماكان مفروش ومااتوهق بشي غالي.....او عالاقل اقول لابوي يروح يشتري الاساسيات من العفش قبل مانوصل لان مخططه هو يروح قبلي

وانا قبولي بكالهان...اللغه والماستر...

والاكسيف كم يبعد عن الجامعه تقريب وكم سعرها؟؟؟ ماعرفت لخريطته

شاكر لك اخت اميره على سعة صدرك

سامحونا اثقلنا عليكم بالاسئله جزيت خيرا على سؤالك



يعطيك العافية اخوي حائل ماقصرت

مشالله عليكم يانووووووووووووكاسلين نشيطين مره
وينك يامون شادن اتشوفين ثمرة مجهودك الخير في فتح هذا الملتقى
الله يوفقك دنيا واخره انتي وجميع خواتي المبتعثات
وجع ربي انشالله يضمك للبعثه قريب

يانيوكاسليين

هل يوجد تخصص ماستر Project management

في الجامعة