.·´¯`·-> (تجمع خــــــــاص بطلابـــ نيوكاسل ) &

ما شاء الله عليك اخوي حمد والله انك كفيت وما خيبت الظن
لكن الي فهمته منك ان الي معاه ظمان مالي يا خذ التذاكر من الوزاره .
طيب انا معي الخطاب الموجه من السفاره والي عن طريقه اخذت القبول النهائي
+ القبول النهائي من الجامعه + التاشيره ( الله يجيبها علي خير)
ظنك التذاكر اخذا من الوزاره ولا لأ
ومشكور وماقصرت يا بعدي
ولك مني احلى تحيه

حبيت أكتب الموضوع هذا بالتفصيل للفائدة عشان كل واحد بعد ما يستلم فيزته يعرف ايش يسوي بالضبط

بسم الله .. أول ما استلمت فيزتي من مكتب اي جي سي سي واللي ما اخدت الحمد لله أكتر من 35 يوم
رحت البيت و صورت كل الوثائق و الأوراق المطلوبة (صورتين) لإصدار قرار الإبتعاث و هي :

1- صورة جواز السفر .

2- صورة الفيزا مع صورة وثيقة ارسلتها السفارة النيوزلندية مع الفيزا.

3- صورة الوثيقة الجامعية .

4- صورة كشف الدرجات (( الترانس كريبت )) .

.5- صورة بطاقة الأحوال و صورة البطاقة العائلية .

6- تعبئة الاستمارة الخاصة بقرار الابتعاث و التوقيع عليها .. تجدونها على الرابط

href="http://www.mbt3th.us/vb/uploaded/4694_1188769414.jpg"

وللمعلومية الرابط منقول من رد العضو أبو سعود في احد المواضيع

7/ صورة قبول الجامعة النيوزلندية

ملاحظة : ما تحتاج ابداً ارسال صور شمسية

بعد ذلك توجهت مباشرة لمكتب ارامكس عنوانه في جدة :

طريق المدينة الطالع – بين كوبري شارع قريش و كوبري حراء .
و ارسلت الأوراق الى هذا العنوان :

الرياض – وزارة التعليم العالي – الإدارة العامة لشؤوون البعثات – برنامج خادم الحرمين الشريفين العليا – شارع العليا العام – حي الغدير – يسلم بيد الموظف سلمان العبدالله أو علي الربعي

(( أنا كنت في مكتب ارامكس يوم الإثنين الساعة 8 مساءً )) .. تكلفة الإرسالية 100 ريال .
و انتظرت اليوم الثاني اللي هو الثلاثاء وشيكت على موقع الوزارة على رابط متابعة الطلب الساعة 12 الظهر ووجدت (( تم صدور قرار الابتعاث ))

ماشاء الله الموضوع ما أخد 24 ساعة حتى .

المهم حجزت على الأسبوع اللي بعده .. يوم السبت الساعة 7.30 صباحاً للرياض و بالقوة لقيت حجز .. لأن رحلة الرياض حقت الساعة 7.30 الصباح دي دايماً مقفلة تماماً من قبل 3 أيام .. أنا بأقول الكلام دا عشان اي واحد يبغى يحجز للرياض على دي الرحلة خلي يحجز قبلها ب 4 أيام على الأقل .
و جمعت أصولات الوثائق اللي فوق مع صور منها

وبعد ماوصلت الرياض الحمدلله .. أخذت تاكسي من المطار لوزارة التعليم العالي في حي الغدير ((التكسي شغل العداد و كلفني 80 ريال ))

أول ما دخلت رحت للإتصالات الادارية في الدور الأرضي أخر باب على اليمين .. و لقيت كم موظف . قلت لواحد فيهم ابغى قرار ابتعاثي .. اعطاني و رقة صغيرة بعد ماشيك برقم طلبي و أتأكد من هويتي و رحت وقعت هادي الورقة من المدير في المكتب اللي قدامه على طول

بعدين رحت الأرشيف (( المكتب اللي جنبهم على طول )) بالورقة الصغيرة دي و سلمتها للموظف و فتش في ملف و أعطاني صورة من قرار الابتعاث و اتجهت بعد ذلك لصالة القبول واللي بابها من خارج المبنى

أخدت رقم للتذاكر و مسكت طابور عند الموظف المختص بأوامر الاركاب في يمين الصالة ولمن جا دوري أعطاني ورقة فيها شوية طلبات (( صور من نفس الوثائق حقت قرار الابتعاث )) و أكتب فيها رقم قرار ابتعاثي و خط السير اللي ابغاه و اسماء المرافقين

ملاحظة : بالنسبة لخط السير انا مثلاً كتبت (( جدة - دونيدن )) .. يعني اكتب خط السير من مدينتك في السعودية للمدينة اللي فيها جامعتك فقط من غير اي تفصيل

بعد كدا اعطيته الورقة دي مع صور الوثائق المطلوبة في الورقة و قلي انتظر شوية .. بعد كدا ناداني و أعطاني أمر الاركاب

أخدت أمر الاركاب و اتجهت تاني للموظف في الاتصاللات الادارية .. أعطيته أمر الاركاب و ختم عليه بعد كدا رجعت صالة القبول و اللي فيها مكتب الطيار أيضاً و قلي اذا تحب تحجز من جدة على رواق تقدر بس راح أخد أصل امر الاركاب و حعطيك صورة منه و لمن توصل جدة روح لفرع الطيار اللي بشارع الملك عبدالله و أحجز و خد التذاكر بس لازم تتصل عليا من هناك وتعطيني رقم امر الاركاب بعد ما تحجز و أعطاني رقم جواله .. وقلي أنا حكون مداوم من الساعة 9 صباحاً حتى الساعة 6 قبل المغرب كل يوم . قلتله أوكي و أخدت صورة من أمر الاركاب و رجعت جدة في نفس اليوم و الموضوع ما أخد مني في الوزارة كله على بعضه الا ساعة وحدة فقط (( من الساعة 10.30 للساعة 11.30 )) ثاني يوم رحت لمكتب الطيار و حجزت على الخطوط اللي اخترتها (( اخترت خطوط الكاثي باسيفيك )) لأني حابب أقعد أنا و زوجتي في هونج كونج 5 أيام قبل لا أتجه لنيوزلندا .. و بعد كدا أتصلت على الرجال اللي بمكتب الطيار في الوزارة و كان والله في قمة الاحترام و الذوق و أعطيته رقم الحجز .. شيك عنده في الجهاز و قلي قطعتلك التذكرة في السيستم و روح استلمها في المسا من فرع الطيار في جدة . و رحت مكتب الطيار و الحمدلله استلمت التذاكر و سفري في 6 ماي ان شاء الله خط السير : جدة – الرياض – هونج كونج – اوكلاند – دونيدن .

و حابب أذكر حاجة كنت شايل همها : أنا لما قدمت على البعثة وقدمت أوراقي في فندق الراديسون للوزارة كنت لسه أعزب و حطيت في الابلكيشن اني اعزب .. و الحمدلله لمن جاني القبول النهائي كنت ملكت (( تم عقد قرآني )) و كنت شايل هم موضوع الوزارة لأن زوجتي ماهي مضافة في الوزارة وأنا مني مسجل عندهم اني متزوج .. وكنت شايل هم انو الموضوع دا يبغاله معاملة و هرجة طووووويلة .. بس الموضوع مافي اسهل منه

أنا اللي سويته اني لمن جيت أقدم على الفيزا قدمت لزوجتي كمان .. و لمن رحت الرياض فقط اللي سويته اني عبيت في الورقة اللي اعطاني هيا الموظف المختص بأوامر الاركاب اسم زوجتي كمرافق بموجب بطاقة العائلة .. و انتهى الاشكال .. و أعطاني أمر الاركاب مكتوب فيه اسمي و اسم زوجتي و الآن أخدت التذاكر ليا و لزوجتي . أرجو من الله التوفيق للجميع و أن أموركم تتيسر و آسف للإطالة بس حبيت أنقل الموضوع بالكامل من طقطق للسلام عليكم .. عشان توضح الصورة أكثر .
وأي استفسار أنا جاهز ..<<< منقول يعني لا تصدقون


هذا لنيوزيلاندا نفس الخطوات مع أنها ملخبطه لأن الموضوع مقفل وما فيه اقتباس نزلت الموضوع من كود الصفحه

السلام عليكم ورحمة الله وبركاته

وكل سنه والجميع بخيرحابه اسأل هل ضروري يكون عندي بطاقة احوال؟ ولا يكفي كرت العائله وجواز السفر؟؟؟؟؟؟؟

اقصد لارساله للملحقيه اثناء فتح الملف..........لان كاتبين ارسال بطاقة الاحوال....؟



وسؤال ثاني callghan

يعتبر وين بنيوكاسل


CENTRE OF NEWCASTLE, NEW SOUTH WALES
CENTRE OF NEWCASTLE WEST, NEW SOUTH WALES
CENTRE OF NEWCASTLE EAST, NEW SOUTH WALES

بأي منطقه من هالثلاث؟