.·´¯`·-> (تجمع خــــــــاص بطلابـــ سدني ) &

أخي العكاس..

السلام عليكم

بالنسبة للأحياء اللي ذكرتها...جميعها قريبة من جامعة نيو ساوث وولز

ساوث بوينت:

عبارة عن عمارة طويلة...شققها ماخذه طابع الشقق الفندقيه...فيها ميزة كبيرة وهي أن تحت العمارة سوبرماركت وأسواق..يعني ما تشيل هم المقاضي اذا احتجت...وأمامها ملاعب ومساحات خضراء...وفيها عدد ما يقارب 12 عائلة سعودية...هناك مسبح أيضا


باسيفك سكوير:

تعتبر أقرب من ساوث بوينت لجامعة النيو ساوث وولز ...وهي في شارع حيوي..كل شيء عندك أسواق....مكاتب بريد..مطاعم..وشققها ممتازة أيضا...فيها ما يقارب 5 عوائل سعودية..هناك مسبح ايضا

ووترلوا:

كذلك قريبة من الجامعة...وهي أقرب لجهة الستي سنتر ومحطة القطار..وفيها أيضا عدد متوسط من العوائل اسعودية.

هناك حي آخر وهو ( روزبري):

فيه مجمع سكني يسكنه 14 عائلة سعودية ...وشققه جيد جدا...وفيه نظام سكورتي..ومسبحين...واربع نوادي رياضية..وهو قريب جدا من جامعة النيو ساوث وولز...لكن لا يتوفر فيه اسواق ومطاعم مثل ساوث بويت وباسيفك سكوير...ولكن الجو العام في المجمع جدارائع


من ناحية الاجارات اللي اعرفه :

الأغلى: ساوث بوينت
ثم باسيفك سكوير(تقريبا يصل لسعر الساوث بوينت)
ثم ووترلوا
ثم روزبري

أتمنى أنك أستفدت..ولا نطلب سوى الدعاء

الاخت انسانة طموحة

مشكورة على افادتك

أخوي / ياسر ..

جزاك الله كل خير على المعلومات القيمة جدا .. وأسأل الله أن يوفقك بدراستك وحياتك ..
وأبشر إني أبي أدعي لك في صلاتي..

لكن ما حدّثتني - سلمك الله - عن مدارس الاطفال وطريقة الحصول على قبول لهم لأجل التقديم لهم على فيزتهم ؛ سواء في مدارس عامة ( ببلك ) أو خاصة أو إسلامية وأيها الأفضل؟ حيث أن لدي بنتان 7 و 6 سنوات كما أسلفت..

جزاك الله عني وعن كل من قدمت لهم مساعدة خير الجزاء انه على ذلك قدير.

سلام اشباب UTS
انا وصلت سدني امس وساكن عند زميلي مبدئيا طبعا انا جاي على حسابي وابي احاول انضم للبعثة المهم اللي اعرفوا انو عشان تقدم على الملحقية طالبين تفويض من المعهد+خطاب مباشرة الدراسه
ولما رحت للمعهد قالوا لي انو احنا مانعطيك هذة الاوراق الا اذا بديت الدراسة وانا دراستي تبدأ في 9-2-2009 يعني مايمديني اقدم على الملحقية الا بعد شهر يعني جيتي بدري خساير على الفاضي
اللي ابيه منكم يا شباب اذا احد يعرف طريقة او حل للمشكلة ياريت يعلمني فيه لانو الوضع ما يحتمل اي تاخير
وشكرالكم مقدما

الأخ العكاس

بداية شاكر لك الدعوة الصادقه...سائلا المولى عز وجل أن يثيبك بالمثل...وييسر أمورك.

أخي الكريم بالنسبة لتسجيل الأبناء فالحقيقة ليس لدي أي فكرة في مثل هذه الأمور..لأنه ليس لدي أطفال...لكن أنت سألتني وش الأفضل...أنا أعرف أكثر من شخص سجلوا أبنائهم في مدارس (ببلك) وأمورهم جدا ممتازة..ومافي أي مشاكل...لكن أنا متأكد لو بحثت في المنتدى راح تلقى إجابة على استفساراتك بهذا الخصوص...أعتذر مرة ثانية إني ما قدرت أساعدك في هذه النقطة

أخوك ياسر

شكراً جزيلا لك أخي ياسر.. حاشاك ما حصل قصور .. والله انك مثال مشرّف للمبتعث السعودي..

وبالمناسبة فأعلن للجميع أني ناوي - بإذن الله - إحضار عائلتي في إجازة أبريل القادمة ..
فاللي يعرف لي أحد عنده شقة غرفتين أو عفش أو سيارة للبيع والتنازل فياليت يعطيني خبر ونكون له من الشاكرين.. علماً بأني أفضل : ووتر لو - ماروبرا - باسيفيك سكوير - ساوث بوينت..والمناطق القريبة من جامعتنا الحبيبة نيو ساوث ويلز..

والشكر مقدّماً للجميع ..

السلام عليكم ورحمة الله

اخواني انا جاني القبول حق اللغه في معهد الانسيرش التابع لجامعة UTS
وقدمت عليه الفيزا
وقبل كم يوم جاني القبول حق الجامعه ورحت للمكتب الي مقدم لي الفيزا وعطيتهم القبول
وقالو لي ان اوراق الفيزا اذا كانت خالصه راح تكون الفيزا حقتك مدتها سنه وحده ولازم اذا رحت
هناك تقدم على فيزا حقت الدراسة للماستر
ما ادري يا اخوان اذا احد يعرف لي حل
او الامور كذا كويسه

وهل استخراج الفيزا وانا عندم في استراليا سهل ولا لا

الله يعطيكم العافيه

أخوي / Mr.anoos

إذا حصلت على خطابيّ الـ CoE من الجامعة للغة والماستر وأعطيته للمكتب راح تجيك فيزة تغطي مدة الدراسة كاملة..مثل ما صار معي..أما إذا كان قبولك بالماستر مبدئي فقط فأنت تعال ومن ثم إذا أكدت قبولك من الجامعة بعد ما تجتاز اللغة تجدد فيزتك وكثير من الشباب ابتعثوا بهذه الطريقة ولا أعتقد ان فيه صعوبة بالموضوع..لأن التقديم على تجديد الفيزا كله يتم إلكترونياً..لكن تظل معلوماتي مجرد ظن غير مبني على حقائق لذلك أتمنى ممن مر أو يعرف من مروا في ذي الحالة إفادتك عاجلاً..

تحياتي..

مشكور اخوي العاكس على ردك

انا زي ما قلت انت جاني قبول اللغة وقدمت عليه للفيزا
وبعدها جاني قبول الجامعه المؤكد
بس ما ادري اوراق الفيزا خلصت ولا لا
اذا كانت خالصه معناه لازم اجدد التأشيره اذا خلصت من اللغة

بس تجديدها بيكون في استراليا ولا لازم ارجع واجددها من السعوديه