مخربطة واحتاج مساعده لا هنتم

هلااا اخني

طبعا بالنسبه للدراسه في اللغه اذا معك ايلتس حلوووو واذا ما عندك راح يختبرونك تحديد مستوى ويحطوك بالمستوى اللي يناسبك
الشي الثاني لازم اولا تجيبين قبول للغه ثم تقدمين على الفيزا لانك ماتقدرين تاخذين الفيزا من دون القبول النهائي بالمعهد واذا بتجيبي قبول الجامعه يكون احلى واحلى لانك راح تقدمين على الفيزا ولما تكون المده اطول يعني اللغه بالبكالوريوس يكون في صالحك
طبعاا انا موجود بالخدمه واعرف كم مكتب هنا راح تجيب قبول لك اذا ما قدرتي
ايميلي موجود بالبيانات ولو احتجتي اي مساعده لا تنحرجين من اخوك
موفقه والى الامااام

يعطيك العافية اخوي المتيم1
شكرا لك على الرد وافادتك لي...وانشالله اذا في استفسار اخر بسالك انشالله...والله يوفق الجميع

السلام عليكم أختي

أول شي حبيت أقولك على معلومة مهمه وهي ان الوزارة اوقفت الإبتعاث الى استراليا لكثرة الطلاب السعوديين هناك انا رايح للوزارة قبل كم يوم بخصوص صاحبي له نفس موضوعك وقالو لنا وقفو ( استراليا - نيوزيلند - بريطانيا )

ثانيا لو حبيتي تروحين تتأكدي في ادارة البعثات الموجودة في حي الغدير...
بالنسبة للقبول انصح وبشدة مكتب AAET موجود على الدائري الشمالي بالرياض قبيل مخرج 5
انتي راح تدرسين لغة فلذلك راح يسوون لك اختبار تحديد مستوى وبعد ما تخلصين من اللغة بإمكانك التقدم لإختبار الأيلتس
بس قبل كل شي واهم شي هو مراجعة الوزارة للتأكد من ان استراليا مازالت مسموحة او تم ايقافها نهائيا..

اتمنى لك التوفيق في كل خطوه

الامور سهله وتبي وقت ولكن اهم شي لاتيئسي من رحمة الله وفرجه والامور سهاله

شكرا اخووي مجنون ليلى على الرد.....من جد جاني احباط الحيين...بس كويس اني عرفت ...انا كمان بتصل على الملحقة في استراليا واسال اذا لسا في امكانية او لا ...والله يعين انشالله
اسفة على التاخيير في رد لظروف اشغلتني ...وشكرا مره اخرى على المساعدة

اختي السلام عليكم
اولا وش حادك على جامعة ميلبورن لانها اول شي صعبه ثاني شي المعهد اللي تدرسي فيه مو بنفس الجامعه بعيد مره ثالثا لابد من الايلتس. فيه جامعات يازينها ويا حليلها احسن الف مره من جامعه ملبورن الا اذا كان الاسم عاجب عشان نفس المدينة. فرحي جامعة فيكتوريا اسمها على اسم الولايه. هههه امزح
الشي الثاني بالنسبه للفيزا فاموره متسره الحين احسن من اول ويمكن ماتخذ لها اسبوع اسبوعين اذا طولت بعد ماتحصلين على قبول من جامعه وتفحصين فحص طبي في احد المراكز المعتمده المعروفه في الرياض او في جدة(اذا ماتعرفينها اقلك عليها) وصور شمسية وشيك مصدق من اي بنك بيقيمة الف وثمان ميه وحاجة او الف وستمية والله ماني متاكد.

اما بالنسبة ان ان استراليا ماراح يلحقون احد فيها فهذا غير صحيح القرار قرار منع الدفعة الخامسة من توجيههم الى الدول الي انت عارفتها ومن ضمنها استراليا....انا جايب اخوي قبل اسبوع عشان اذا جا الوزير هنا استراليا يضمه للبعثة مثل ماسوى الوزير لما راح امريكا........اي خدمة

اختي فيه مكات تقدر تخدمك وين ماكنتي في فروع اللمملكه او تقدرين تبحثن في موقع الملحقيه وموقع الوزاره

والأمور سهله ولكن يا أختـــــــــــــــــــي تبي وقت وخل الحماس موجود واحنا بالخدمه

دمتــــــــــــــــي بود