انتظر ردودكم ......

هلابك اخوي ...
أولا .. بالنسبة لعيالك (الله يحفظهم) .. تقدر تجيبهم معك اذا حبيت .. العوايل كثير في ملبورن وفي موناش .. وفيه مبتعثين يجيبون عيالهم معهم اول مايجون .. وفيه بعضهم يجي لحاله .. ويضبط وضعه كم شهر .. ويآخذ سكن ويعرف الامور .. وبعدين يروح يجيبهم (ياخذ بريك من المعهد اسبوع او مثلها) ...

اما انك تخليهم سنه !! فهذي من وجهة نظري .. انك ماراح تقدر تسويها .. لانك بتحن .. وماتقدر تصبر .. فالعائلة تهون عليك الغربه كثير .. لو انك عزوبي وماتزوجت كان اقول ماعندك مشكلة ..

بالنسبة للدراسة ... صح مافيه مدارس سعوديه .. بس فيه مدارس اسلاميه .. ومدارس الحكومه الاسترالية .. وتقدر تتفاهم مع الشباب اللي بموناش .. عشان يفيدونك اكثر ..

وبصراحه اول مره تمر علي انك اذا رجعت للسعودية يدرسون اللي فاتهم !!! ماتدخل العقل ومو معقول ..
لان ابناء المبتعثين يختبرون هنا على المناهج السعودية كل سنه .. يجي مدرس ويجمعونهم ويختبرونهم .. ويتقدمون بالدراسه على المناهج السعوديه ...

بالنسبة لجامعة موناش .. فهي من افضل الجامعات (من مجموعة الثمان) ودراستها قويه .. على كلام الشباب اللي يدرسون .. وفيها معهد يدرسك .. بس لازم تآخذ الايلتس .. او انك تجيب 6 وتآخذ بردج كورس ..
واذا كان تخصصك Education الله يعينك .. يطلبون 7 .. وماعلى الله بعيد .. شد حيلك وتجيبها ان شاء الله ..
تأكد ان قبولك Math مو Education عشان تعرف كم يبيلك بالايلتس ...


اذا بغيت شي اخوي .. راسلني على الخاص

الله يوفقنا واياك

أخي RESEARCHER وفقك الله دنيا وآخره على اهتمامك وردك عليه ... بالنسبة للخاص فمشاركاتي لازالت قليلة وأيضا ما سنذكره هنا سيستفيد منه غيري ،، ولكن أسأل بشكل خاص عن صعوبة دراسة اللغة في سنة واحدة لمن لغته ضعيفة مثلي خصوصا وأنك تنصحني بأخذ عيالي مما يعني كثرة بقائي معهم وقلة الاختلاط مع أهل اللغة وبالنسبة لقبولي فهو Education

أشكر اهتمامك

الله يوفقك ان شاء الله

ونصيحتي اخذ عيالك معك

يارجال خذ عيالك وخليها حج وبيع مسابح على قولتهم .. يعني دراسة وسياحة ..
ترى سنة اللغة هي فترة السياحة .. ومهما كان مستوى لغتك .. فماعندك مشكلة .. راح تتطور مع الوقت ..
المهم كل شيء مع العزيمة راح تحصل عليه .. وياما ناس جوو لوحدهم وسكنوا في شير أو هوم ستاي ومازالوا في معاهد اللغة ماقدروا يجتازوا بعض مستويات اللغة أو أنهم يجيبوا الدرجة المطلوبة في الآيلس ..
وفي المقابل كثير من المبتعثين والمبتعثات ساكنين مع عوايلهم وحققوا نجاح باهر في اتقان اللغة في وقت قياسي ..

فنصيحتي لك .. لاتفكر في أبداً أن اللغة أن العشر ساعات اللي راح تقضيها في بيت راح تكون عائق في اتقانك للغة .. عندك وقت كافي انك تروح المعهد وترجع وتخالط أهل البلد وتتعلم منهم وبكل بساطة بس إذا اتقنت فن إدارة الوقت ..

أنا عني .. عايش مع أهلي .. وجيراني كلهم سعوديين وطلعاتي كلها مع سعوديين .. ولكن ولله الحمد ماواجهت أي صعوبة خلال مرحلة اللغة .. لأن الفضل لله أولاً وأخيراً .. ثم اني وجدت وظيفية تطوعية في الجامعة .. أخالط فيها الاستراليين وقت ماأكون فاضي .. بالإضافة إلى إنه كثير من المسلمين في أستراليا من غير الناطقين بالعربية بيتمنوا يلاقوا أحد يعلمهم العربي وقرآءة القرآن .. وبالتالي .. ممكن تتعرف عليهم .. وتفيد وتستفيد .. ومع الوقت .. صدقني هتكون اللغة هي أجمل وأبسط وأمتع تجربة مرت في حياتك ..
لأننا لمن بدينا دراسة الجامعة .. صرنا نقول ألا ياليت أيام اللغة تعود يوماً ..

أتمنى لك التوفيق،،