الرحلة في 4 يناير 2010 على متن الخطوط الاماراتيه الموعد 9 مساءً ... عندي استفسارات ..

أختي الكريمة .. أنا ذهبت لأحد مراكز الشرطة في ملبورن وسألتهم عن الرخصة السعودية فقالوا ماعندك مشكلة تستخدمها لكن بشرط .. لازم تروح لمكتب ترجمة معتمد من قبل الشرطة ويعطونك ورقة تخليها مع الرخصة دائماً بحيث إذا طلبوا منك الرخصة تعطيهم ورقة مكتب الترجمة معها ..

ونفس الكلام بالضبط يطبق في ولاية كوينزلاند ..

ما تلاحظون .. انكم .. سحبتوا علي ؟!!
ع العموم .. انا الحين اكتب لكم في مطار دبي ..
والله يخارجنا ..
ودي انام .. ؟!!

أخوي في مطار ملبورن ما راح يطلبون منك لا ضمان مالي ولا أشعة ولا شي
فقط جوازك وورقة الدخول الي راح تعبيها في الطيارة. حتى قبول الجامعة احتمال ما يطلبوه

وتوصل بالسلامة

شكراً يا غادة ..
وفعلاً .. ما طلبوا مني أي شي .. الا الورقه والجواز .. الي فيه الفيزا اللكترونية ..

ع العمووم .. انا الحمدلله .. موجود في ملبورن الان ..
والامور بفضل الله سبحانه أولاً .. بخير ..
ثم .. اخوان بمعنى الكلمة .. سخرهم الله لي .. وسخروا أنفسهم لمساعدة اخوانهم ..
فمني لهم كل الشكر والدعاء في ظهر الغيب ..
ونصيحه .. عامه للجميع ..
أحرص كل الحرص انك تجهز امورك قبل ما تجي .. عشان ما تتبهذل ..
لانك مو ناقص .. مفارق اهلك واحبتك .. وجاي هنا تضيع بعد ..
يعني رتب امورك قبل ما تجي .. وفي البدايه .. السكن وهو الاهم ..
السكن الداااائم .. مو فندق او موتيل ..
سكن ترمي نفسك وعفشك فيه ..
وبعد كذا تشوف امورك وامور دراستك ..
والله يوفقني ويوفقكم .. وييسر امورنا لما يحب ويرضاااء ..
اخوكم من هنا عزوز في ملبورن ..

اللحين هذا اللي بقالك عسى عرفت تطبخ وتسنع نفسك

ترى اكلهم يسد النفس ما عندهم الا العالمي ومش حالك بعد

وش دعوووة ..
صرت اضبط البيض ههههههههههه

لا ابشرك .. ربي مسخر لي خويي .. وعلمني الطبخ ..
بس للحين اغسل المواعين .. ما بعد ترقيت لرتبه تقطيع بصل .. ههههههههههه

اومااا من ناحيه العالمي .. والله مدري وش زين فيه .. النظافه من جهه والطعم من جهه..
افضل شي والله الواحد يطبخ في بيته بس لا يكثر الحبحر .. وفي روايه اخرى .. الحوبحر ..
والله ييسر الامر لي ولكل مسلم .. ويهون علينا غربتنا .. ويردنا لأهلنا سالمين غانمين .. وبالشهادة راجعين ...

الحمدلله عالسلامة
ينفع اقط في موضوعك ؟

وش اجراءات فتح ملف طالب في الملحقية

اخي الكريم
ياليت توضح لي ويش هذه الورقه الي لازم تكون مع الرخصه السعودية
وياليت تدلني على اقرب مكتب ترجمه الخاص بهذه الورقه

وجزاكم الله خير على هذه المعلومات المهمه

هلا اختي انتي شيكي على هالرابط
http://www.sacm.org.au/Default.aspx?p=2&m=887

اجراءات وصول مبتعث من المحلقية واذا كان سبق انك اطلعتي عليه وفيه عندك استفسار أسألي ونرد إن شاء الله.
أنتي أي معهد.

الله يوفقكم

أخوي شف الرابط هذا
http://www.mbt3th.us/vb/forum114/thread151692.html

---------------------------

عزوووز الحمد لله على السلامة << ولو انها متأخرة
ماشاء الله مبارك الله في موضوعك صاير سبيل