مساعدة استخراج فيزا من استراليا - هام لمن لديه معلومه-

وعليكم السلام

اخي العزيز اتصل على هذا الرقم 131450 واطلب مترجم عربي
وهو يتصل على المقريشن واستفسر منهم على الي تريده
والله يسهل امرك

وعليكم السلام و مثل ما قال الاخ عبدالله الحازمي
و لا تنسى قبل الاتصال تجهز الفيزا القديمة و جواز سفرك
و عنوانك الحالي
و الله يوفقك

مشكورين اخوي وماقصرتوا

بس انا ما بي استفسر منهم عن الموضوع هذا ، ودي بشخص مرت عليه نفس الحاله ويقولي وش اسوي بالضبط.
مع اني من كم يوم كنت عندهم ومختــم اوراق لي ولا فكرت اسالهم.

تحياتي للجميع

مرحبا اخوي انا مريت بنفس السالفة قبل كم شهر.

انا زوجتي وبنتي في الرياض وانا ادرس في ملبورن وكلمت أخو زوجتي يكلم المكتب الموجود في الرياض وطلبوا مني أني اعبي النماذج التالية
157A Form
919 Form
1229 Form

تقدر تحملها من موقع الامجريشن الاسترالي.

بعد ما تعبيها تطلب من عيالك يفحصون في احد المستشفيات المعتمدة وبعدها ترسل النتائج للسفارة في الرياض ما يحتاج دبي وبعدها تاخذ الاوراق وصورة من الفيزا حقتك وصورة جوازك وباقي اوراق عيالك وتقدم للمكتب في الرياض وما ياخذ الموضوع اسبوع الا والفيزا على ايميلك.

اذا احتجت اي معلومة ثانية ابشر

شكرا

[QU
اذا احتجت اي معلومة ثانية ابشر

شكرا[/QUOTE]


سلمت اخوي وما تقصر .

انا كان سؤالي هل اقدر اصدر الفيزا من الامقريشن بملبورن وادفع قيمتها؟ لكن ما عليه! بسوي مثلك واصدرها من الرياض.


واقبل تحياتي

هلا بك اخوي

انا فحصوا عيالي ودفعوا قيمت الارسالية ماني متأكد هل هم ارسلوها للرياض او دبي بس اتوقع الرياض لانه الحين السفارة في الرياض تقدم خدمات الفيز عشان كذا انا افترضت انه ترسل للرياض، عموما انت لا تشغل بالك انت خل عيالك يفحصون والمستشفى يرسلها لك بدون ما تتعب نفسك.

بالنسبة للفحص انا انصحك بمركز الورود بطريق العليا بسرعة ولا فيه زحمات عشان عيالك ما يتعبون خاصة اذا معك اطفال.

بعد الفحص واخذ ايصال بالمبلغ المدغوع والارسالية واحد يروح للمكتب اللي في السليمانية ومعاه النماذج وشيك بمبلغ تقريبا 1850 درهم لانه اررتفعت قيمة الفيزا.

واسبوع بالكثير والفيزا على ايميلك.

انا اشوف التقديم من الرياض افضل للي عنده دراسة في ملبورن لانه ما حصلت طريقة اقدم اونلاين والامقريشن في ملبورن مريتهم كذا مرة وزحمة.

بالتوفيق

#
نسيت اقولك الارسالية للفحص يسويها المركز الطبي انت مالك علاقة ويرسلونها عن طريق ارامكس ويعطونك بس رقم الشحنة فقط.

ما قصرت اخوي وشكرا على وقتك، ومعلوماتك وآرائك التي ساهمت باختصار كثير من الجهد

تحياتي لك وبارك الله فيك

بسم الله مرحبا لابد ان يكون اختلاف في الرئ ليكون نقاش والحوار في اي شئ لي اكتساب المعرفة والعلم والى اخره وليس العكس الى الشحناء والغضاء وما شابه اليها والله اعلام