انا مسافر بعد ثلاثه اسابيع انشاءالله ومحتاج ارائكم على جامعة فكتوريا

اخي الكريم

مادام رايح على حسابك ليش ماتدرس في معهد خاص احسن لك من معهد الجامعة وغير كذا تدرس المدة اللي تبيها ؟

الشي الثاني
معاهد الجامعة تقيدك بمدرس معين وبكلاس معين ومنهج معين بينما المعاهد الخاصة تقدر تغير المدرس وتقدر تغير الكلاس وتقدر تشوف لك كذا منهج وخاصة للناس اللي يبي لهم تأسيس في اللغة ؟
ادرس في المعهد الخاص فترة معينة وبعدين روح لمعهد الجامعة ؟

الشي الاهم
بالنسبة للالتحاق فنظاميا ماتلتحق الا بعد مرور سنتين ونصف ؟ يعني سنة اللغة وسنة ونصف من البكالوريوس عشان تنضم بالطريقة النظامية ؟
بالنسبة لطلاب البكالوريوس فانضمامهم اصبح الان معقد في امريكا او استراليا او اي مكان ولا يصير هالشي الا اذا صارت مكرمة ملكية واشوف انها صعبة لكن الله كريم ؟

فانت روح هناك ستة اشهر ادرس في معهد خاص واذا ماصار انضمام ارجع وخل فلوسك تنفعك ولا تقدر تدرس بها كم سنة في الهند ؟ واذا صار انضمام فابدأ بعدها ادرس في معهد الجامعة


راسلني على الخاص لو تبي اي استفسار ثاني

على فكرة ترى معهد فكتوريا من أرخص المعاهد..

يمكن الرجال ماعنده فلوس.... فالله يوفقه ويوفقك أخي

وفكرتك طيبة لتجربة معهد آخر.. والحصول على قبول سواء بفكتوريا او ملبورن

هلا اخوي عدنان من واقع كلامك انك فيزت وجاهز . اتمنى اول شي انك مادفعت مبلغ الدراسه كامل لمعهد الجامعه لان بصراحه من واقع تجربه يعتبر جداً سيء من جميع النواحي سواء دراستهم ومناهجهم وتعاملهم الصعب والنقطه المهمه كثرة الطلاب السعودين بالدرجه الاولى يليهم طلاب فيتنام الصعبين بالتعامل من النطق والعادات الغريبه بالدرجه الثانيه...ومما ينتج عنه عدم الاستفاده باللغه من ناحية المحادثه . هذا بالنسبه للغه اما بالنسبه للالتحاق فهو موقوف لطلاب الماجستير كما هو موضح بموقع الملحقية

واختصاراً واعذرني على الاطاله اذا كنت راح تدرس بمرحلة البكالوريوس يوجد معهد الامبسي يعتبر من افضل المعاهد بملبورن وقريب من جامعة فكتوريا يمكنك مراسلتي عشان اجيب لك قبول مبدئي مجاناً وبعد كذا تكمل باقي الاجراءات والله يوفقك

من واقع تجربه
كل معاهد الجامعات ماينفعن للسبيكينق

والسعوديين في كل المعاهد ليس فقط فيكتوريا بل فيكتوريا اقل من غيرها بكثير والفيتناميين في كل مكان وهم افضل لغة من العرب وخاصة في الرايتنق

ومعهد فيكتوريا مثله مثل اي معهد جامعه اخر ان لم يكن افضل
المعهد من افضل المعاهد في تطوير مهارة الرايتنق
الطلبه يذمون المعهد لان المعهد يطلب في درجه معينه في الرايتينق والريدينق وللاسف بعض الطلبه يعانون في هذا الجانب ويضطرون للاعاده اكثر من مره
ويطلقون الاتهامات بكل جرءه ان المعهد بزنس
اوكي بزنس اتفق معك لكن انت ليش ما تجيب الدرجه المطلوبه في الريدينق والرايتنق و بعدين احكي على البزنس حق المعهد

معليش اخوي مالكي بس انا انصح الرجال على انه ما رد إلى اللحين وللامانه معهد الدايركت انقليش او اكاديمية سرايا اللي بالرياض افضل من معهد جامعة فكتوريا .... معليش انا انهيت اللغه بمعهد فكتوريا تقريبا بس درست قبلها بمعهد خاص .. تدريسهم جدا ممتاز من ناحية القراءة والكتابه اضف الى ذلك المحادثه تتحسن وبالنسبه للاستماع فيوجد دروس شبه يوميه...... وتعليقاً على اي شخص ينصح بمعهد جامعة فكتوريا تحديداً من ناحية الاقل كلفه من المعاهد الخاصه غافلاً عن الاهم وهو ارتفاع اسعار المعيشه بملبورن .. واختصاراً لكلامي لا تستنزفوا اموالكم بالمعاهد الرديئه حتى لدرجة ان مستوى القراءه بمعهد فكتوريا اقل من العادي وبالنسبه انهم مادياً ... نعم ماديين ، لانهم يطلبون منك ولايعطونك اول شي كتبهم مصوره وليست واضحه وتركيزهم على الكتابه فقط ... والمضحك يعطونك درس للاستماع واحد فقط وهو في الاختبارات النهائيه... واوقات البريك طويله ..وآيضاً مستوى طالب سعودي متوسط مع طالب فيتنامي متقدم تجد ان السعودي او العربي افضل منه من ناحية المحادثه والاستماع .وفي الاخير قارن بين مستوى طالب درس لمدة 6 اشهر بمعهد خاص مثل الامبسي ، ومستوى طالب درس اكثر من هذه المده بمعهد فكتوريا وتجد لكلامي جواب واسف على الاطاله مره اخرى

lvsd ugn hglug,lhj

اخي انا خلاصة كلامي ان معهد فيكتوريا مثل غيره من معاهد الجامعات