شرح دراسة الابناء في المدارس الاسترالية

October 25th, 2010, 04:33 AM

الامر بسيط كل الي مطلوب منك اذا تبغى مدرسة استرالية حكومية (لان فيه مدارس استرالية خاصه تكون غالية جداً)
والمنهج واحد ولا فيه فرق يسوى ومدارسهم الحكومية روعه :
1- انك تختار المدرسة الاسترالية الي قريبة من بيتك
2- تروح المدرسة يعطونك نموذج تسجيل تعبية (طبعا كلام واجد)
3- ترجع النماذج للمدرسة وهم بيرسلونها لادارة التعليم الاسترالية
4- ادارة التعليم الاسترالية تاخذ لها اسبوع او اسبوعين الين ترد عليك (بترسل لك ايميل)
5- بطلبون منك تدفع رسوم دراسة ابنك عشان يطلعون له فيزه خاصه على انه طالب
6- وبيعطونك مهلة تقريباً شهر للسداد
7- طبعاً التعويض عن هالفلوس الي بتدفعها بيصير عن طرق الملحقية اذا انك على البرنامج او عن طريق مرجعك اذا انت مبتعث من جهة عملك
8-بعد ماتدفع بيرسلون لك اميل بالفيزه وبالرسوم الي دفعتها ومعلومات مفصلة
9- لاتنسى تحتفظ بصوره من كعب الشيك الي بتدفع فيه الرسوم وترفق معه الاوراق الي تثبت انك دفعت عشان التعويض

ملاحظة :
- فيه مواعيد للتسجيل في المارس عادة تكون في شهر 11 و شهر 1 او 2 ماني متئكد
- اذا تبغى المدرسة الاسلامية في برستون او اكاديمية الملك خالد الاسلامية في ملبورن ما راح تدفع رسوم لانهم هم راح ينهون الاجرءات مع الملحقية (بس المشكلة انها احياناً تكون بعيده جداً عن اماكن سكن بعض الطلاب لذلك يلجؤن الى المدارس الاسترالية القريبة من منازلهم وتسهل ذهاب ابنائهم وعودتهم للبيت) كما ان مدرسة الملك خالد غثيثين بيعطونك رقم وبيحطونك على الانتظار كم شهر الين يلقون مكان لولدك لانها زحمة
والله الموفق .. ارجو الفائدة للجميع

• نشر عبر تويتر
• نشر عبر فيسبوك
• نشر عبر جوجل