إلى طلاب جامعة لاتروب

وعليكم السلام ورحمة الله
هلا اخوي انت آمر وانشاء الله أقدر اساعدك انا الان متواجد في ملبورن ومن طلاب لاتروب واذا تتمكن من طرح استفساراتك هنا فهو الافضل لكي يستفيد الاخرين واذا تحب ترسل على ايميلي فهوا
kanan_sd على الهوتميل
انتظر ردك

حياك الله اخوي

سأطرحها هنا

استفسراتي عامة ولعل الإخوة يستفيدون منها كذالك

اريد ان اسأل بشكل عام عن الجامعة

ماهي التخصصات الجيده والتي ينصح بها في جامعة لاتروب

كيف مستوى الجامعه

وهل فيها طلبه عرب كثير

وهل لهم منتدى يمكن التواصل معهم من خلاله

بالنسبه للدراسة مدى سهولة وصعوبه الدراسه فيها

بالنسبه لمرحلة الماجستير هل تركيزهم على الصيمنتات او على التست اكثر

هل هم يتساعدون مع الطلاب الدوليين

هل هي مريحه للطلاب المسلمين ..

من جانب اخر الجامعه هل لها فرع واحد او اكثر من فرع

هل سهل الوصول لمبانيها ومن ناحيه اخرى توفر المواقف والخدمات .. للأني اسمع ان مبانيها تنتشر على مساحه كبيره


اتمنى اني لم اثقل عليك بالأسئله

أسأل الله التوفيق

هلا اخوي قبل ان اتكلم عن التخصصات فأن جامعة لاتروب موقفه من قبل الوزاره بسبب تكدس الطلاب فبها ولكن لا

اتوقع ان يبقوا الطلاب فيها اكثر من سنه وخاصه طلاب الماستر لانهم على وشك االتخرج

واما بالنسبه للتخصصات بما انك مبتعث للماجستير فعلى كذا انت راح تكمل في تخصصك وهوا الافضل لك من جميع

النواحي حتى في سهولة التخصص اذا عندك خلفيه من البكالوريس ماراح تتعب

في الدراسه انشاء الله وهذا الي سمعته من الطلاب الي مغيرين تخصص الماستر عن البكالوريس ،

وبالنسبه لافضل التخصصات فما عندي علم ولكن بحكم اني ادرس علوم حاسب فهو تخصص جيد وكمان في نفس الكيه

عندك تخصص هندسة الالكترونيات كمان جيد،

مستوى الجامعه متوسط والجامعه مناسبه للدراسه وبيئتها دراسيه ومبانيها مزوده بكل احتياجات الطالب.

والدراسه ليست سهله وليست صعبه متوسطه وحسب الطالب اذا يتابع من بداية الدراسه ماراح يتعب ابداً والنظام يكون في

بعض المواد مشترك سايمنتات واختبارات ولكن عاد تفرق توزيع الدرجات من ماده لأخرى ومن قسم لقسم.

لا يوجد فرق بين الطلاب الدوليين والاستراليين

نعم وجداً مريحه للمسلمين وعدد المسلمين فيها كبير وبها مسجد في الكامبوس.

يوجد للجامعه خمسه فروع ولكن اذا انت في ملبورن فهوا فرع واحد Boundoora Campus

جميع الخدمات متوفره والاسواق قريبه والمواصلات ممتازه وبالنسبه للمباني فهي ليست متباعده كما تتصور.

وفي الاخير ياعزيزي اذا انت مبتعث على البرنامج فأنا اعرف انه تم ايقاف الابتعاث لأستراليا واذا من قبل جهه حكوميه

فأتوقع ان خطاب الملحق الثقافي وصلهم من ناحية ايقاف الابتعاث على لاتروب وجامعات اخرى

وانصحك بأن تختار جامعه من الجامعت الثمان الموصى بها لكي لاتتوهق بعدين

واذا تحتاج شي نحن في الخدمه وعلى فكره لايوجد موقع خاصه بطلاب لاتروب لكن ممكن موقع نادي الطلاب السعوديين في ملبورن يفيدك كثير .

اتمنى لك التوفيق والسداد

اخوي الشمراني انا مبتعثة لاستراليا
احضرت قبول من جامعة لاتروب وباطلع الفيزا وباروح الرياض عشان اصدار قرار الابتعاث ..
بس انت خوفتني لما تقول انها موقوفة ،،
يعني ايش حيصير ؟؟ حيرفضو القبول والا ايش ؟؟
فهمني الله يخليك .. المشكلة دراستي تبدا شهر واحد

طبعا انا ماستر باذن الله

الله يجزاك خير ياخوي

والله يعطيك العافيه

جاوبت على كل الأسئله التي كانت اريد أسأل عنها

بيض الله وجهك وماقصرت

وإن شاء الله الجميع يستفيد مما طرحت

حفظك الله

يالله بصراحه انا ما احب احد يربكني ويخوفني بأي شي ولكن سامحيني على الشي هذا بس الصراحه مُره شوي وهذا قرار الملحق الثقافي وانا احد المتضررين من هذا القرار ابغى ارقي البعثه لمرحلة الدكتوراه في جامعة لاتروب ولكن الوزاره ترفض الا اذا عاد عندك واسطه فممكن امورك تزين من الوزاره
بس بصراحه ونصيحت أخ والله انا انصح بها كل من سألني واتوقع كمان مافي احد تضرر من القرار إلا ويقول نفس الكلام الي هوا " شوفي لك جامعه غير لاتروب بالرغم والله لاتروب جامعه جيده والاعضاء الي فيها ممتازين ولكن الله يسامح من كان السبب ويعين الطلاب على القرارات العشوائيه" شوفي لك جامعة ملبورن أو موناش اذا تبي تجي ملبورن أو جامعة كوينزلاند في برزبن
وفي الاخير الله ييسر لك ويكتب لك الي فيه خير وبالنسبه لأمر الوزاره انتي روحي وشوفي مو خسرانه شي وراسلي جامعات ثانيه احتياط
اي استفسار انا مستعد
دعواتكم

أخوي انا ما ابغى غير ملبورن ،، عندي قرايبين هناك..
والقبول اللي عندي قبول لغة بس .. وانت تقول انو تتوقع انه بعد سنة يتخرجوا الطلاب ومايبقى فيه تكدس وانا سمعت كلام من ناس ثانية زي كلامك ..
يعني انا قبولي مو قبول جامعة بس لغة ادرس اللغة بعدها نشوف الجامعة موقوفة والا لا ،، صح كلامي والا الوزارة تفكيرها يشمل حتى قبول اللغة ؟؟؟

المشكلة انا ماعندي وقت ظروفي صعبة ولازم اسافر خلال شهر ... فيزتي قربت تطلع بالقبول اللي عندي في لاتروب .. طيب اذا جبت قبول ثاني ما اعتقد يأثر ع الفيزا صح؟؟


ومشكور يا اخي ما قصرت والله..

شمراني انتظر ردك
<< فرحانة شافتك