المكافأة تكفي للمبتعث الاعزب في ملبورن؟

لا تكفي للاسف بتجربه كثير من الشباب وانا من طلاب سيدني الي هي اغلى من ميلبورن

اقول يااخوك والله تكفي وتزوووووووووووود
معدل السكن 1000 دولار
معدل المواصلات 100 دولار كارت لجميع انواع المواصلات
والباقي معيشه وبجيبك
.

.

.

اخوي مبتعث ملبورن. قصدك تقدر توفر من المكافاة ؟ كم؟ 500 مثلا؟

نفس الرأي أقولك تكفي وتزود وتحوش منها بعد خاصة أن السكن يأكل من ربع إلى نص المكافأة فإذا زبطت السكن المناسب فأنت بخير وفيك تسكن من 200 بالأسبوع إلى 1600 دولار بالأسبوع ومافوق وأنت ومزاجك وأزيدك من الشعر بيت كنت ساكن في سيدني السنة اللي فاتت (وهي تعتبر أغلى من ملبورن) في شقة في وسط الستي ب 1700 دولار بالشهر ومؤثثة بالكامل وكنت أوفر من مكافأتي, صدقني على حسب صرفيتك أنت راح يتحدد إذا كان المكافأة تكفي ولا لا يعني مثلا في بعض الناس يفسفس فلوسه بزيادة على الملابس والخلاقين الغالية اللي مالها سنع أو كل يوم ياكل من مطعم غالي وإذا جاء آخر الشهر طارت الفلوس عموما نحمد الله أن أستراليا أفضل وأكثر بلد من دول الأبتعاث كلها في المكافأة والله الموفق.

اخوي صالح هههههههههههههههههههههههه

اخي الكريم اللي تقول كم تقدر توفر
لنفترض انك تقدر توفر 100 دولار ,,,,,,,,يعتبر هذا الشي جيد
لكن انا ضد مسالة ان المكافاه لاتكفي للشخص العزوبي (( لااتحدث عن المتاهلين ))
احترم جميع الاراء ,,,,وانا مااقصد ان الواحد يحرم نفسه ويصير قعيطي .
لكن الامور تحتاج شوي ترتيب الاهم ثم المهم وهكذا
انا اعرف كثير من الشباب معاهم سيارات بعد معيشتهم هالمكافاه ويقولون احيان نحول للسعودية منها خاصه بعد ماارتفع الدولار

لكن بعض الشباب هداهم يضيعون فلووووسهم في امور مالها سنع (( تحتها خطين ))

والله يوفق الجميع

صراحة نقاش جميل وأعقب وأؤكد على كلامك أخوي ملبورن أن المعيشة هنا عبارة عن أولويات وماراح الشخص يقدر يلبي جميع رغباته إلا على الديون ولا يتسلف من أقاربه يارجل والله الواحد يحمد ربه على هالنعمة وال 3052 دولار وكم سنت تكفي وأزين من دول ثانية أجل لو إنك ياأخي السائل لاحق المكافأة أم 2229 دولار قبل الزيادة وش راح تقول ومع ذلك فيه ناس عاشت ودبرت نفسها ومو بس نقيس على المبتعثين شف اللي على حسابهم الخاص وشلون عايشين وإحكم وربي إنهم بالتدبير والصرفية أزين من بعض المبتعثين وعلى قولة أخوي ملبورن لاإفراط ولا تفريط والسلام ختام.

المكافأة كافية ولله الحمد للمبتعث الأعزب من يواجه معاناة فقط المتزوج من لديه اطفال في سن الحضانة، بسبب ارتفاع تكلفة الحضانة العالية جدا.