.·´¯`·-> (تجمع خــــــــاص بطلابـــ ملبورنـ

الله يجزاكم بالجنة على اللي تقدمونه من مجهود كبير لخدمه أخوانكم وأخواتكم

أنا قدمت في معرض الجامعات الاسترالية على جامعة بالارت www.ballarat.edu.au وجاني قبول لغة وجامعه بس في حاجه ما فهمتها المندوب يقولي إن معهد اللغة ودراسة الجامعة في الستي ويوم بحثت في النت ما حصلت في أي احد يتكلم عن الجامعة ولا عن إنها في الستي ومن خلال بحثي وجدت إن فيه فرع تابع للجامعة وان الطلاب الدوليين يدرسوا فيها وهذا الرابط الخاص فيهم www.ami.vic.edu.au
طبعا البزنس كارد اللي اعطاني اياه كان مكتوب عليه
Ami education موballarat

هل صحيح أن الجامعة لها فرع في الستي استطيع دراسة اللغة والجامعة فيه ؟

ايش ممكن يكون السبب في ان الجامعة ما فيها مبتعثين بالرغم من انها معترفة لدى الوزارة ؟

اتمنى مساعدتكم لي لأني بحثت كثير وما حصلت شي ودراستي في شهر 2

السلام عليكم
يا ريت يا اخواننا تفيدونا على اسعار اللاب توب فى ملبورن كم اسعارها ومواصفاتها

سؤال يا شباب كم جامعة و مدينة ملبورن ؟
و ما هي اسماؤها ؟
و ايش احسن جامعة في دراسة ماجستر تقنية معلومات ؟

السلام عليكم ورحمه الله وبركاته
مساكم الله بالخير ياوجيه السعد والخير وكل عام وانتم بخير احب ارحب فيكم وفي اخواني واخواتي في دولة استراليا واتمنى لكم التوفيق والسداد ولكن ارجو من الله العلى العظيم ان تخدموني لاني زوجتي مبتعثة وانا مرافق معاها وانا و ولدي وباقي لنا على السفر حوالي شهرين المشكلة كان قبولنا في سدني واتضح لنا ان سدني غالية وانا بصراحة ليست لدي القدره على هذا الغلا من ناحية السكن والاكل وتمت مخاطبه منطقة ملبرون وتم الاتفاق ولكن انا محتار في اي جامعة اختار هل تدلوني على جامعة حلوة ورخيصه والاهم من هذا كله السكن السكن ياوجيه الخير تكفون ابي فزعتكم في السكن الي يخبرلي سكن رخيص وبسيط ونظيف ولكن كم تكفيني من الفلوس الى اخذها معايا من السعودية

تكفون ساعدوني

اخوكم غيمار

السلام عليكم ..

الجامعه لو لها فرع في الستي راح يكون لتخصصات معينه .. والموضوع ماهو تخيير لك فين تبغى تدرس

لأن الجامعات ممكن يكون لها فروع في اكثر من منطقه وكل فرع مختص بتخصصات معينه .. وممكن يكون في الفرع معهد لغه خاص فيه او ممكن يكون لكل الفروع معهد لغه واحد فقط

الي اعرفه ان بالارات السعوديين او العرب الي فيها مايوصلوا 10 اشخاص فقط ودراستهم في المدينة نفسها بالارات .. وهي تبعد عن مدينة ملبورن قرابة الـ ساعه ونصف بالقطار على ما افتكر

فيه اسباب كثيرهـ .. اولا الجامعه ماهي معروفه عند السعوديين اصلا .. وسمعتها ماهي قوية

والجامعه معتمده للبكالوريوس وطلاب البكالوريوس قليليين مقارنة بطلاب الماجستير في استراليا ,,

بالتوفيق اخوي واتمنى اكون افدتك ولو بالقليل ,,



اولا الحمد لله على سلامة الوصول الى الاراضي الاسترالية ..

إختفاء مفاجئ ,, بصراحه نعتب عليه لأنك كنتي من خيرت الأعضاء في مبتعث للدفعه الثالثة ,,

ظهور مفاجئ ايضا ونتمنى ان لاينقطع .. وكل عام وانتي بصحه وسلامه


اعتقد انك حاليا في استراليا .. تقدر تنزل الستي ومحلات بيع اجهزت اللابتوب كثيرة جدا تقدر تعاين البضاعه شخصيا وتقارن .. لأنه اعتقد ما احد يقدر يفيدك في هالشي


الجامعات كثيرة جدا قد تصل لـ12 جامعه لكن خليني اذكر لك الجامعات المعتمدة فقط ,,

جامعة ملبورن - جامعة موناش - جامعة الار ام اي تي - جامعة لاتروب - جامعة فكتوريا - جامعة سوينبرن - جامعة ديكن - جامعة بالارات في منطقة بالارات خارج المدينة بساعه ونصف تقريبا

طبعا كلها معتمده للماجستير ماعدى الثلاثه الاخيرهـ

والافضل بوجهة نظري لماجستير الحاسب عموما هي جامعة ار ام اي تي ,,



والله يا اخوي لو جلس كل واحد فيكم في طرف من اطراف المدينة وانتم راغبين انكم تجتمعون دايم ماتفرق بصراحه ,,

اللغه يبغالها اعتماد على النفس وممارسه واذا انتم كل يوم مع بعض راح يضيع وقتكم مابين سوالف وبلايستيشن او بلوت وطلعات اكل .. ولا استفدتوا ولا تكلمتوا كلمه انجليزيه الا في المعهد فقط

والمعهد مايعلمك اللغه .. المعهد مجرد عامل مساعد وانت بالممارسه والإعتماد على النفس تتعلم اللغه ,,

بالنسبه لسعر الشقه بالعكس كل ماكان العدد اكبر كل ماخف مبلغ الإجار على الأشخاص ..

الأمر بالنهايه راجع لكم وبالتوفيق ان شاء الله


تم الرد عليك في موضوعك اخوي ..




بالتوفيق للجميع والمعذره على التأخر بالرد

مشكور اخوي

الله يجعلك بالعافية

السلام عليكم ورحمة الله وبركاته
اخواني الاعزاء انا مبتعث الى جامعة فكتوريا , وابغى احجز فندق , ولاكن ابغى مساعدتكم في معرفة افضل فندق يكون مناسب للعوائل , وايضا قريب من الجامعة اذا امكن .
والله يعطيكم العافية.