.·´¯`·-> (تجمع خــــــــاص بطلابـــ ملبورنـ

استفسار للعموم
كم الوزن المسموح فيه الفعلي لخطوط الإمارات ..يعني ناس قالوا 20 كيلو وناس قالوا 18 كيلو وناس قالوا ( ان وزن العفش العالمي 32 كيلو ) طبعا للدرجة السياحية ..

وبالنسبة لإجازة نهاية السنة للبنوك والجامعات متى تبدا ومتى تنتهي يعني تبدا يوم 23/12/2008 مثلا وتنتهي في 2/1/2009 لاني راح اجي في الفترة هذي ومابي اتوهق الاقي كل شي مسكر والكورس يبدا في 5/1/2009

سؤال لسابقين الاولين من المبتعثين < <<< مسوي لغة هو و وجه

انا الحين راح اطلب تأجيل للبعثة بسبب ظروفي الصحية يمكن التأجيل يكون اكثر من 8 شهور

و السؤال .. هل اقدر اطلع التأشيرة في هذه الفترة .

و اذا طلعتها هل لها تاريخ معين للسفر و بعدين تتنتهي

و هل مدة التأشيرة بمدة الدارسة في استراليا و لا لازم تجديد

انتظر اجابتكم ... ابو خالد القرشي

هلا اخوي نايف ..

طبعا نظاميا الوزن المسموح فيه هو 20 كيلو عفش في الطياره و7 كيلو على الكتف للشخص الواحد

وزمان كانوا يتساهلوا في مطارات السعوديه ويمشوا الى 32 كيلو للشخص لكن حاليا الاماراتيه شددت بقوه ولو لقيت لك احد يمشيلك 26 خير وبركه ..

لذلك احسب حسابك على 23 كيلو آخر حد على الطياره و10 كيلو على الكتف من السعوديه

على فكره لو انك نازل من استراليا على السعوديه .. ماراح تقدر تطلع ولا كيلو واحد زياده على الطياره الا وتدفع فلوسه .. لأن استراليا مشددين وماشين على النظام مو مثل الشباب السعوديين الي بمطاراتنا ,,


الإجازه راح تبدأ يوم 24 ديسمبر لأن يوم 25 هو يوم الكرسمس .. والعوده للأعمال تختلف مابين شركه وآخرى لكن مابين 2 الى 5 يناير للسنة الجديده .. واذا جيت انبسط بالإحتفالات والله يعينك تأجل شوي موضوع البنوك وغيرها

بس تعرف ايش المشكله العويصه لك ..

انك لو جيت قبل يوم الكرسمس او في اول يومين من رأس السنه ماراح تحصل ولا حتى نص غرفه فاضيه في ملبورن .. حتى لو حجزت من بدري ,,

الله يعينك ياعزيزي ..


اكيد تقدر تطلع التأشيره في اي وقت ..

اكثر شخص يقدر يفيدك في الموضوع هذا هو موظف السفاره نفسه لأنها معلومه ماقد مرت علي قبل كذا


لا اخوي هي بمدة الدراسة كاملة ان شاء الله


وبالتوفيق

مساء الورد لكم ياحلوين
وكل عام وانتم بخير
ودي اسال الاخوان اللي في جامعة فكتوريا عن الجامعة وصعوبتها والسكن حولها وامور كثير انا جاني قبول في إدارة الاعمال في الجامعه فاذا فيه احد بالجامعه ياليت علشان اتواصل معه

وتسلمون جميعا

انا اليوم حجزت تذكرتي على الإماراتية ويقولي موظف الحجز ان الوزن المسموح فيه 20 كيلو فقط .
وكذلك قالي يمكن يمشون لك إلى 30 كيلو على حسب .
المهم في الموضوع الوزن هنا في السعودية لانه خلاص ما راح تشوف عفشك الا اذا وصلت استراليا على خير ان شاء الله يعني ما يوزنون مرة ثانية في دبي .
لذلك نصيحتي
حط الأشياء الاساسية إلى 23 كليو على ما قالوا الاخوان في الشنطة وخل 7 كيلو داخل الشنطة الكبيرة بس في كيسةاو شنظة صغيرة في حال انهم ما مشوا لك الوزن تصير ما تختبص ولا شيء تطلع الكيسة أو الشنطة الصغيرة وتعطيها أهلك يشحنونها مع باقي الاغراض لما توصل بالسلامة

لا ما لها تاريخ محدد للسفر لكن مدتها ح تكون بمدة القبول الي جاك من الجامعه او المعهد و زياده عليها كم شهر و كمان ح يعطوك multiple entry يعني تدخل و تخرج من البلد قد ما تبغى

و ربنا يشفيك و ما تشوف الا العافيه

انا بعد الكرسممسس اجيكم ههاهاهاهاييي

كم عدد الطلاب في الفصل في معهد اللغة؟؟

وكم يلزم يكون أقصى حد لفتح فصل أخر؟؟

انا دراستي تبدا في معهد هورثون بــ2/1/ 2008 ايش اسوي ماظل وقت وانا للحين ما طلعت فيزا ساعدوني الله يخليكم؟؟