.·´¯`·-> (تجمع خــــــــاص بطلابـــ ملبورنـ

الله يعطيك ألف ألف عافية ياخالد مشكور حبيبي بس ماتشوف السكنات اللي حطيتها غالية شوي ولا عادية ؟

وعندي سؤال أنا كل ما أدور سكن ألاقي قريب من زون1 وشنهو ذا زون1 وكيف طريقة تقسيمات الزونات ?


وعلى طاري دوكلاندز عطينا اسماء الأحياء الجميلة والقريبة من الستي ()

عزووز و حمد تسلموا على الإطراءات و الإشادات الي هي أكبر مني. خالد و حمد و عزووز "عينان في جسد واحد" و سواء أنا كتبتها و لا إنتو, المهم إنها تفيد شخصاً ما.

ملاحظة بسيطة: معظم الشقق المفروشة مثل الـ UCA, UniLodge, Home @ Flinders, QV, La Verve, Somerest, Nova و غيرها تعتبر أغلى من الشقق العادية في المباني الأخرى لأنها مفروشة و مستوى السكان فيها يعتبر "نوعاً ما" أعلى من باقي المساكن. لكن الميزة فيها إنها لا تتطلب إثباتات شخصية كثيرة عكس مكاتب العقار.يعني المبتعث يقدر يستأجر عندهم أول ما يوصل إذا كان عنده مبلغ مالي كافي إضافة للجواز + قبول الجامعة عكس مكاتب العقار الي راح تطلب إثباتات أخرى مثل تعريف بالراتب أو فاتورة تلفون و غيره.
والله يا أخوي السكن في وسط ملبورن أو ما يطلق عليه الـ city أو CBD و هي إختصار لـ Central Business District في غالبه يعتبر غالي مقارنة بأحياء ملبورن الأخرى "بإستثناء الـ Docklands, South Yarra, South Bank" و لكن ميزته إنه تقريباً يعتبر الأفضل من ناحية القرب لجامعات فكتوريا, RMIT و أيضاُ ليست بعيدة عن جامعة ملبورن الي توجد في منطقة إسمها Carlton

شف خيار السكن يعتمد على الشخص و لكن لو أردت حياة على مدار الساعة و خدمات متوفرة من ناحية المحلات التجارية و المطاعم والترفيه و غيرها تقريباً طوال اليوم, السكن داخل السيتي هو الخيار الأمثل. و في الجانب الأخر في ناس تحب الأحياء الهادئة و الحياة البسيطة و النوعية هذي أشوف الأحياء خارج السيتي تكون أفضل لهم لأنه تقريباً الحياة هناك تكون هادئة نوعاً ما بعد الساعة 6 المغرب.

ممكن تحصل شقة غرفة واحدة في السيتي فرضاً بـ 300-350$ إسبوعياً و تحصل شقة خارج السيتي بنفس المواصفات بسعر أرخص في حدود الـ 200-270$ لكن حط في بالك إنك راح تضطر لركوب القطار يومياً لمدة معينة و ممكن تكون مزعجة بعض الشئ.

و على ذكر العوائل السعودية وين تتركز, أذكر واحد من الشباب سألني و هذا رأي في الأحياء الي متركز فيها السعوديين "إلقي نظرة على الروابط أول عشان تعرف أسماء الأحياء و أماكنها في ملبورن قبل ما تقرأ الكلام الي تحت عشان تكون صورة عن البلد, لأنه متأكد الكل يعرف أسماء الأحياء لكن القليل يعرف موقعها على الخريطة".

جامعة RMIT و فكتوريا موجودة داخل الـ City Loop. جامعة ملبورن موجودة في منطقة إسمها Carlton و هذي بالضبط موجودة شمال الـ City Loop مباشرة "أقل من 5 دقائق مشي". جامعة La Trobe موجودة في شمال شرق ملبورن في منطقة بندورا و تحصلوها على الخريطة موجودة بين خط القطار المتجه لـ Hurstbridge و Epping تقريباً. جامعة Monash موجودة في جنوب ملبورن على خط القطار المتجه لـ Cranebourne بالنسبة لمعهد اللغة موجودة في منطقة Caulfield و الجامعة نفسها موجودة في منطقة Clayton بالإضافة لبعض التواجد في السيتي و كولفيلد و أيضا Frankston

خريطة توضح أحياء و محطات القطار في ملبورن "هذي تعطيك لمحة سريعة عن مواقع الأحياء"
http://www.metlinkmelbourne.com.au/m...politan_trains

الأحياء الموجودة باللون الأصفر تقع ضمان نطاق الـ Zone 1 و الأحياء باللون الأزرق في نطاق الـ Zone 2

و هذي خريطة موجودة on my apt's wall و أنصح كل ملبورني أن يحملها على جهازه " عزووز بالله ما وحشتك هالخريطة".
http://www.zshare.net/image/4114665c800e0d/

و هذي الخريطة توضح ترامات ملبورن
http://www.metlinkmelbourne.com.au/m...opolitan_trams

الكثير من العوائل السعودية تتركز في الأحياء الي موجودة على خط القطار المتجه نحو منطقة إسمها Broadmedows و الكثير منهم يتواجدون في أحياء الـ Pasco Vale, Oak Park, بالإضافة لمنطقة الـ Glenroy الي تقريبا تعتبر الأبعد فيهم.كل ها المناطق تقريباً تعتبر في شمال مدينة ملبورن و تبعد عن وسط المدينة حول الـ 30-45 دقيقة إعتماداً من أي منطقة راح تغادري.

أيضاً فيه بعض العوائل السعودية متركزة في الأحياء الموجودة في طريق القطار المتجه نحو Upfield مثل Coburg و Brunswick خصوصاً إنه هذي المناطق قريبة جداً من الشارع العربي و المطاعم و المحلات التجارية العربية.

فيه عوائل سعودية أيضاً تسكن في الأحياء الموجودة على خط القطار المتجه نحو منطقة Epping و الكثير منهم يتواجدون في أحياء Preston "فيها أكبر مساجد ملبورن: مسجد عمر بن الخطاب", Reservoir, Clifton Hill و هذي المناطق تقع تقريباً في الشمال "شرق" المدينة و تبعد عن وسط المدينة تقريباً نفس المدة 25-40 دقيقة إعتماداً على أية منطقة راح تغادي منها

أيضاً فيه أحياء راقية في "بداية" جنوب ملبورن مثل South Yarra بالإضافة لمنطقة Toorak أيضاً تعتبر ممتازة.

فيه أيضاً طلاب جامعة Monash خصوصاً الي في منطقة كلايتون يتركزون في الأحياء الموجودة بين Clayton و Noble Park مع إن الكثير من طلاب معهد اللغة يسكنوا في السيتي و يطلعوا بالقطار يومياً من السيتي للمعهد في كولفيلد "تقريباً 25 دقيقة"

أحياء السكن في ملبورن كثيرة و متوفرة و لكن الخيار الشخصي لكم في الأخير و لكن نصيحتي للجميع, الي يبي يسكن خارج السيتي إنه يسكن قريباً من محطة القطار عشان لا يتعب و يشيل هم الباصات و الي يبي يسكن في السيتي أو قريب منها بإن يسكن في المناطق القريبة من شوارع سوانستون و إليزابيث "إتجاه شمال -جنوب" لأن معظم الترامات تمر بهذي الشوارع.

و سوري على الرد الطويل جداً لكن اليوم الأربعاء و الجو رايق في جدة و المزاج أروق, عشان كذا كيبوردي أخذ راحته.