استفسار ما هو وضع جامعة فيكتوريا ؟ موقفة أو مفتوحة ؟

في موقع الوزاره مكتوب انها موقوفه لدراسه الماجستير والدكتوراه

وموقع الملحقيه مكتوب انو معترف فيها لدراسه البكالوريس بس

ويارجال عساك سالم : ذاك اليوم راسلت جامعه من فرنسا وقالولي خلاص نعطيك قبول والجامعه موجوده بالجامعات المعترف فيها ولكني مالقيت ولا موضوع عنها ف شكيت بالوضع وجيت ودقيت على الملحقيه اللي بفرنسا وقالي انو اول مره

يسمع بذي الجامعه قلتله طيب موجوده في الموقع قال مدري

هلا اخوي الجامعة موقفة لمرحلتي الماجستير و الدكتوراة فقط مفتوحة للبكالوريوس
و من ناحية من تصدق اذا كنت مبتعث راح تصدق الوزارة لانها هي الي تطلع قرار الابتعاث وتشيك على الجامعة
اما اذا ماكنت مبتعث فصدق الملحقية لانها ماتصدر قرار ابتعاث و لا تشيك على الجامعة

الله يعطيكم العافية يا أخوان
@عبوودي
@الله يخلي ملكناء

OMG معقولة . كان قلتله أجل مين الي حط هذي الجامعة الي أول مرة تسمع فيها عندكم في السستم

انا بس اسمع بجامعة فكتوريا يجيني مغص..مالقيت الا هالجامعه..نصابين ع مستوى عالي

ليش اختي هل درستي فيها من قبل ؟
لاتصدقين المنتديات كلها كذب في كذب و اكبر دليل رئيس نادي الطلبة في ملبورن يدرس فيها و متخرج من معهدها الخاص وهو يشيد في المعهد قبل لا ادرس فيها او اسجل فيها
الجامعة و المعهد متقدمين الى ابعد الحدود و شهايدهم أقوى شهادة مهنية في استراليا
و يكفي مكانهم استراتيجي و منها تقضي وقت بعد ماتطلع و مكان حيوي و فيها نادي للطلبة
بس حبيت اعلق على كلامك لان كل شخص و لة نظرة و منهم ينحاز للنظرة السيئة دائماً للجامعة و هو مادخل فيها ولا عمرة دخلها

بس حبيت أقولك توكل على الله و ادخل فكتوريا ممتازة الى ابعد الحدود

ليش يا أختي هل سبق وصار لك موقف معها أو هل سمعتي شيء سيء عنها ؟ وأيضاً ليش نصابين ع مستوى عالي ؟ أنا للأمانة ما درست فيها حتى الحين ولكن وصلني أوفر منها و بانسبة لإختياري لهذي الجامعة بصراحة كان بسبب موقعهم موضحين فيه كل شيء لأن أنا متخرج بدبلوم سكرتير تنفيذي من معهد الإدارة العامة هنا في السعودية وطبعاً أكيد أبي معادلته لما دخلت على التخصص الي أبيه في جامعة فيكتوريا كانوا حاطين ملف PDF يشرح التخصص والمتطلبات كاملة وكانوا كاتبين يجب أن لا تقل مدة الدبلوم الذي تم الحصول عليه عن سنتين ولا يقل المعدل عن 3 من 5 وأنا جايب 3.35 يعني درجتي تغطي وزيادة فباختصار كل أموري مبدأياً شفتها أوكي مع هذي الجامعة والله أعلم
بانسبة لدراسة فيها فلأمانة أنا لحد الحين ما درست فيها ولا أدري عنها ولكن عندي إنطباع جيد من موقع الجامعة على النت بحكم إني لقيت فيه كل الأجوبة على تساؤلاتي جاهزة بدون ما أحتاج إني أراسل وأستفسر
بانسبة لموقعها فبحسب Google maps موقعها يبدو أنه حلو قريب وقريب من Footscray Park وغيرها من الأماكن الأخرى

مثل ماقلت لك توكل على الله الجامعة ممتازة ويكفي ان محطة القطارات فلندر قدامها و محطة ترام الزبيث ستريت بجنبها
و الله المواد عارضينها على الموقع و خطة الدراسة كاملة لحد التخرج و الكتب المطلوبة للمادة و كم اختبار و كم درجة الاختبار لتعدي يعني موضح كل شي و نظامهم كل سمستر لازم تخلص 4 مواد و اكثر موادهم اختيارية فقط مادتين الثابتة لكل سمستر و تقدر تاخذ مواد سهلة مثلا تصميم مواقع, ,,الخ تختلف من تخصص الى تخصص
و بالتوفيق حاب اقولك اكثر الطلاب العرب و الخليجين ينقلون لها بس جامعاتهم تدقر لهم ترفض نقلهم بالتوفيق وحياك الله في فكتوريا ~_^

الله يحيك يالغالي . سويت بحث في النت عن الجامعة وقدرت أجيب بعض المعلومات عنها وحبيت أشارك فيها لعل تفيد من يبحث عنها

هذي صورة لمبنى الجامعة من الخارج





وهي روابط لبعض المعلومات عن الجامعة وأحب أن أذكر بأن ترتيب الجامعة لعام 2012 هو 1053 على الجامعات الموجودة في الإنترنت ككل

Victoria University | Ranking & Review

هذي تعليقات طلاب الجامعة على مستوى الجامعة عموماً

Reviews of Victoria University of Technology (VUT) | Australia - iAgora

وهذي معلومات عامة عن الجامعة

Victoria University, Australia - College information, Rankings and Reviews - Uniguru

أنا تعبت في جلب هذه المعلومات عن الجامعة فأرجوكم يا أخوان أضغطوا على عجبني ما عندي إلا نجمتين فلعل يرتفع تقييمي في المنتدى

والله ما اشجعك ..ياناس انا لو بتكلم عن معهد الجامعه بألف كتب من النصب حقهم ..ومافي اي فايده علميه من وراه
انتم عارفين انا الفل الخامس والسادس ..يفتح عندهم كل 3 شهور
واللفل الرابع عاد هذا مثل طعوس الثمامه ..الا اذا كنت اجنبي عادي عنخم ينططونك من للفل الين اللفل الاخير
اما السعودي وربي ..يلعبون معه مثل توم وجيري
وهذا من واقع تجربه..ما انكر موقعها استراتيجي ..غير كذا ..نووووووووووووووووووووووووووووو
روح واسأل الطلاب في المعهد ..ومن دق الباب سمع الجواب
اللهم اني بلغت اللهم فشهد..ع فكره سمعتها كانت زمان كويسه ..بس بعد ماضيقت عليها الملحقيه ومنعت الماستر والدكتورا عندهم ..جالسين يستغلو في السعودين
ترا شوي وابكي ..