مساعدة موضوع التأمين الطبي موضوع معقد

مع الأسف تأمينات أستراليا جدا سيئة بالمقارنة مع أمريكا.

انا مدري ويش قصة التأمين يعني الملحقية تغطي التأمين الطبي لاني عندما راسلت معهد للغة قالولي ان شرط الالتحاق للدراسة هو ان يكون عندي تأمين صحي ، ارجو منكم الافادة

مشكورييييييين

أخي العزيز أصلاً التأمين الطبي هو شرط من شروط الحصول على الفيزا الدراسية ويجب أن يكون التأمين يغطي فترة درستك كاملة + شهر واحد زيادة يعني لو كان عندك قبول لغة 3 شهور لازم يكون عندك تأمين طبي 4 شهور والفيزا لما تحصل عليها راح تكون مدتها 4 شهور على مدة تأمينك الطبي . طبعاً الجهه الدراسية الي أنت راح تقدم عليها لدراسة فيها هي تتكفل بتجهيز تأمين طبي لك وطبعاً تدفع لهم القيمة والقيمة راح تكون موضحه لك في العرض الجامعي الي وصلك من الجامعة . وأيضاً إذا كنت تبي أنت الي تتكفل بعمل التأمين الطبي الخاص فيك فتقدر تسويه بنفسك ما عندك مشكلة ولكن إنتبه لازم يكون مثل ما قلت لك يغطي فترة Coe حقك كامله + شهر

أخي الكريم انت دخلت على موقع Medicare وهذا تأمين حكومي مخصص للأستراليين فقط وماتنطبق على الطلبة واما تأمين الطلاب OSHC يختلف فمثلا المستشفيات الحكومية والعمليات الضرورية والاسعاف والاقامة في غرفة مشتركة نسبة التأمين لكل الشركات فيها مابين 85% الى 100% هذا بالنسبة للقطاع الصحي الحكومي, نجي للقطاع الخاص اللي يشمل المستوصفات والمستشفيات الخاصة وهنا التأمين يختلف ويلعب دور فمثلا التغطية تختلف من شركة لشركة فمثلا ميدي بانك وبوبا لهم شبكة واسعة في التغطية في المستشفيات الخاصة والمستوصفات وبعضهم يقبل Bulk billing يعني تروح لمستوصف يقبل بطاقة بوبا او ميدي بانك وقيمة الكشفية عند الدكتور بدون تأمين تصير 100 دولار واذا معك تأمين منهم تدفع 20 دولار فقط والباقي يتم تغطيته من قبل التامين هذا في حال ان الجهة الصحية متعاونة مع شركة التأمين ولذلك ينصحون دايم انك تروح للجهات اللي يتعاونون معهم وتلقاها لسته كاملة في مواقعهم, الحالة الثانية وهي اللي انت اشرت له لما تروح لجهة صحية غير متعاونة ويطلبون منك تدفع كامل التكاليف وبعدها ترسل الفواتير لشركة التأمين وهم يعوضونك.

كيف حكمتي بذلك ؟

حيث انه في الملتقى الذي عقد هذا الأسبوع قال الدكتور محمد بن عبد الله العيسى و هو حسب علمي مسؤول بالملحقية الثقافية في أمريكا أن التأمين الصحي في الولايات المتحدة الأمريكية هو من الأفضل في العالم حيث يضم فوق تسعين ألف مشكلة يتكفل بتغطيتها و اضاف انه حتى زراعة الأعضاء مغطاه حيث انو في عدد من عمليات زراعة الكلى غطيت بالكامل من قبل التامين و قال انو يريد منا الإستفادة من هذا التامين حتى لو كل فترة نغير المحرم فقط عشان يتم الإستفادة من التأمين الصحي في العمليات و ما شابه.
لكن بسبب وجود محرمي في أستراليا مع الأسف حأضطر للتغيير- بإذن الله- الى أستراليا مما أجبرني على البحث في تفاصيل التأمين الصحي و حسب ما رأيت انو في بعض الإخوان يقولو انو بعض الشركان ما تغطي حتى الأسنان و قد لا يكون تأمين كامل يعني تضطر تدفع نسبة في كل حال.

الحمد لله على كل حال و بالتوفيق للجميع
اتمنى أن أكون قد جاوبت على شؤالك بشكل وافي
وشكرا

سألتك لأني ابي اعرف السبب اللي خلاك تقولين كذا ولو اني عارف الاجابة مسبقا ومتفق معك انه التأمين الاسترالي واي تأمين في دول الابتعاث بخلاف امريكا المعطى من الملحقية بيسك ومايغطي الاشياء التجميلية مثل الاسنان والنظارات وخلافه لكن في استراليا المبتعث يقدر يدفع زيادة ويسوي ابقريد على التامين ويصير Premium ويغطي الاسنان والنظارات وغيرها وبعدها يطالب بالتعويض على المبلغ من الملحقية وبكذا الامور متساويه بين استراليا وامريكا واما العمليات فهذي مغطاة من التأمين وحتى لو فيه فرق تدفعه ماتحتاج تسويه وتطلب من الملحقية ضمان مالي ويتكفلون بالفرق لذلك لا أرى فروق تذكر في الدولتين بين التأمين وكلهم يتم اعفائك من دفع اية تكاليف والفرق فقط في الآلية.

اتمنى لك التوفيق.

جميل, ما دام نقدر نرفع درجة التأمين فهو بذلك جيد, لأن الأسنان و النظارات من الأشياء اللي لها اولوية في نظري فيى لا غنى عنها.
لكن برضو تتبقى الألية المتعبة للموضوع

ما دام لك خبرة في الموضوع في رأيك ما هي أفضل شركة؟

بالنسبة لل Extras ارى انه افضل شركة هي Medibank.