استفسار عن جامعة Swinburne

عليكم السلام ورحمة الله وبركاته

السؤال المعضلة .. هل الدراسة صعبة؟

لا احد يستطيع تقديم هذا الجواب لك ل اختلاف قدراتنا .. فما تراه سهل لعلي اراه صعب .. وهكذا

عموما عموما التخصصات الهندسية في استراليا ليست ببسيطة او يسيرة .. سوف تتعب لكي تنالها

سوينبرن من الجامعه الجيدة والغير معقدة ك سمعة، ولا اعلم عن تفاصيلها يفيدونك الطلاب فيها ان شاء الله

وبالنسبة لفكرتك عن المعهد فهي جيدة اذا كانت اسهل بالتنفيذ واقل تكلفة

موفق لكل خير يارب

الله يعطيك العافية يابو غادة اشكرك على ردك الصراحه انا كلمت واحد قبل فترة قصيرة وقالي مثل كلامك ويمكن زيادة بخصوص الهندسة قال ان دراسة الهندسة توازي دراسة الطب با استراليا لأن استراليا بالفترة الأخيرة مهتمه كثير بالهندسة فاحسسني ان الي يدرس هندسة هناك بمعنى اصح هو يبي يدخل معترك أكون او لا أكون ،، انا مقدم على جامعة جونسون اند ويلز بامريكا والى الآن انتظر ردهم وانا افضل استراليا من ناحية سهولة الإجراءات واقتصاديا افضل لكن انتم وش رايكم امريكا ولا استراليا من ناحية الدراسة تكفوووون يالربع انا ابغى اقرر لكن ابغى آخذ معلومات كثيرة ،،، انتظر ردودكم

الجامعه تصنيفها الثالث علي مستوي استراليا واغلب شباب الهندسه ماشية امورهم ومعهد اللغه جيد وانصحك تدخل فيه عشان تخلص المده المطلوبة وتدخل الجامعه وبعض المعاهد الخاصه غير معترف فيها في الجامعه فالافضل ادرس في معهد الجامعه

أخي الكريم الجامعة ليست من ذوات التصنيف المتقدم ولا أذكر ذلك على سبيل الحط من شأنها وهذا ليس بالضرورة يعني سهولة الدراسة فيها

أما إن كنت تفصد تصنيفها في الهندسة تحديدا فهذا أمر مختلف , وآمل ذكر مصدر التصنيف الذي اعتمدت عليه

علما أن الغرض أن من ردي هو الخروج بما يفيد وليس رغبة في الجدل مع شخصك الكريم

لك كل التقدير ولاحترام انا جاوبت على اسلئة الرجل وهو سال عن التصنيف بغض النظر على سهولتها او صعوبتها جامعه سونبيرن تصنيفها الثالث على استراليا
اما انك جاي ماشي 200 عشان ترد علي كلامي وللعلم كلامي مافيه شي غلط وانا احد طلاب الجامعه
واشكرك على ردك الموقر الذي فيه من الفايدة الشئ كثير

السلام عليكم ورحمه الله وبركاته ..
اخوي نصيحه اخ ، الجامعه سيئه جداً ، وارتفع ترتيبها لـ الثالثه بس علشان استقعادها للطلاب وترسيبهم ، ومعهد اللغه ماراح تستفيد شيء بس مشي حالك ، وعلى حسب مزاجهم يمشونك او لا ..
انا اتكلم لك عن تجربتي 3 سنوات بهـ الجامعه وما استفدت شيء الا اني تضررت منها كثيراً ، فيه ناس مشت صحيح وفيه ناس لآ بس الجامعه مستواها سيء واكثر من طالب يحول من الجامعه ... وانا واحد منهم
وعلى فكره معهد اللغـه لو تتخرج منه مو اي جامعه بأستراليا تقبل شهادتك .. يعني غير معترف فيها فـ انصحك بـ اي جامعه غيرها، وانت تخصصك هندسه ترا في مرحله الدبلوما راح تاخذ 3 سمسترات اقل شي هذا اذا انت دافور واذا مستواك لك عليه راح تاخذ اربع او خمس ، وانا ما اقولك هالكلام الا لاني تضررت من هالجامعه فقط . . والله يوفقككك ي رب

تسلم على النصيحة يالغالي طيب وش الجامعات الي تنصح فيها في تخصصات الهندسة

اسعد الله صباحك،
الله يسلمك اخوي ، عندك ثلاث جامعات كويسه وفيه وحده من هالجامعات ان شاء الله باحول لها قريباً ..

- جامعة ديكن بجيلونج. هذي تقريبا خمسه واربعين كيلو غرب ملبورن . مدينه ساحليه صغيره ممله بس دراسيه وحتى تقدر تجي لملبورن بسياره او بالقطار بالويكند علشان تغير جو وجو المدينه هذي جداً دراسي.

- جامعه ولنجلونج وهذي جنوب عن سيدني ستين كيلو مدينه ساحليه هادئه وجميله وجامعتها كويسه.

- جامعه فكتوريا بملبورن الجامعه بمنتصف المدينه والجامعه جدا ممتازه ولكن المعهد لك عليه يعني مشي حالك انصحك بالجامعه فقط اما المعهد صراحه ما اشوف انه كويس.

فيه معهد اسمه MBC ممتاز يالغالي وقوي ولكن كثير فيه السعوديين تقدر تدرس فيه و تحول لجامعه ديكن او فكتوريا .

واخيرا حاب اقولك ديكن او فكتوريا كلها ممتازه وانصحك فيها يالغالي.

الله يسهل امورك و اذا عندك اي استفسار لا تتردد ابد اخوك بالخدمه وشكراً

السلام عليكم ورحمة الله وبركاته
حياك الله اخوي والله يوفقك في اختيار الجامعه الافضل لك
بخصوص الجامعه واستفسارتك وردود الشباب الاحظ انها متفاوته لكن قبل كل شي وانا اخوك تشيك على صفحة الجامعه وتقراء عن الجامعه وتدخل موقع وزارة التعليم العالي وتشوف تصنيفات الجامعات بالتخصصات الهندسيه وحط بالك الاجتهاد والمثابره ولا تلتفت لي اراء بعض الشباب لانه هذا كل وطبع الانسان والناس مختلفون بالفكر والاراء فيمكن يجيك احد ويقولك الجامعه سيئه وسمعتها زفت اعزكم الله وتستقعد للشباب ومدري ايش وممكن يجيك شخص من نفس الجامعه ويقولك والله الجامعه زي الحلاوه وسهل والتدريس فيها اوكيه فهنا نلاحظ اختلاف الاراء يجب عليك مراعاة تقدير الجامعه علميا وكذلك القرائه عن مناهجها التعليميه والمواد التي تدرس فكل هذا تستطيع ان تقراء وتبحث عنه في نفس صفحة الجامعه وكذلك بالامكان الرجوع الى التعليم العالي والنظر في موقعهم عن اعتراف الجامعه وهل موصى بها ام لا وبالاخير انت اللي تحدد وتستخير الله قبل كل شي وانا اخوك هذا العلم يبيلك تتعب وتجتهد وتسهر الليالي عشان تحصله ماهو شي سهل ولاهو شي صعب بس يبيله عزيمه ....
اما بخصوص اللغه خذها نصيحه مني كل المعاهد اللغه في جميع انحاء العالم ماتفيدك غير 20 او 30 بالميه فقط من التدريس والباقي عليك انت ، انت اللي تقدر تتطور من لغتك ومن ادائك باللغه وكيفية تعلمها والاهم من هذا كله عدم مخالطة العرب الى في اوقات الصلاوات بالجامعه او في الاعياد والمناسبات وغير كذا لاتحتك معهم فقط للسلام وهذا ليس كي ابعدك عنهم لا والله فهنا كلنا عزوه لبعض ولكن لك مستقبلا لكي تتعلم اللغه الانجليزيه وتجيدها ولا تشيل هم ترا اسهل لغه بالعالم اللغه الانجليزيه لايجي احد ويهولها لك بس يبيلك تحفظ وتكون مداوم اول باول مع المعهد عشان تعرف القاعدات وكيف تركب جمل والحفظ عليك فشد حيلك والله يوفقك وياريت لو دخلت لغه اتعرف لك على صديق اجنبي طبعا هنا اكثرهم من جمهورية الصين الي بيكونوا معك بس مافيه مانع تحتك معهم وتسولف معهم عشان طور نفسك وكذلك لا طلعت وسكنت اسكن مع عايله او شير هاوس وتعرف على اللي حولك وخلك مرح ولا تستحي وانت تتكلم هذي ماهي لغتك وانا اخوك هذي لغه ثانيه بتتعلمها اغلط واغلط مليون مره لين تتعلمها والله ياخوي انا محدثك اللغه ماتعلمتها لا من معهد ولا من اي معهد من السعوديه تعلمتها من احتكاكي معهم اخش مع العالم واغلط وليومك هذا وانا اغلط بعض النطق بس ما استحي وارفع صوتي وانا اتكلم بالعكس لانها ماهي لغتي الام حتى الكتابه الحمدالله تعلمتها انا بنفسي
بس اكيد مو زي حقين المعهد والجامعات بيجون احسن مني بس الحمدالله لغتي زينه واشوف اللغه الانجليزيه من اسهل لغات العالم هاللحين نبي نتعلم الفرنسي وانا اخوك هههههههه.
الله يوفقك ان شاءالله وعقبال تنظم على حساب الدوله وتتيسر امورك وامور المسلمين وامور وامور عيالي يارب العالمين
دعواتك لي ولعيالي بالنجاح
شكرا