أحد الأيام كنت في مثل حالتي ....

السلام عليكم ورحمة الله وبركاته
وعليك السلام ورحمة الله وبركاته
الله يحييك في جامعة RMIT

العوائل حظ يمكن تلاقي عايله طيبه ويمكن شينه وللمعلوميه العوائل نادرا تلقاهم في السيتي يعني قريب من جامعة RMIT بس اذا كنت في فرع الجامعه الثاني اللي في بندوره يمكن تلاقي عايله قريب من الجامعه.
والاسعار تتراوح بين ٩٠٠ الى ١٢٠٠ دولار في الشهر ويمكن تلاقي ارخص واغلى من هالسعر.

الدراهم ياطويل العمر اذا بتاخذ معك كاش فـ ١٥٠٠ دولار تكفيك بالراحه.
وماهي المدة الأفضل: قبل الدوام بـ ٣ او ٥ ايام عشان تتأقلم على الجو وأظن المعهد يتطلب منك الحضور بيوم الخميس اللي قبل تاريخ بدأ الدراسه عشان يأكدون وصولك وتسجيلك.
وياليت اللي معاه نصيحه أخوية أو تنبيه بحكم خبرتكم ياليت يكتبها هنا عشان أستفيد أنا وغيري : ( الصلاة وانا خوك لاتضيعها و أبتعد من العرب بقدر الإمكان عشان تطور لغتك).

للمعلومية انا عزابي(الله يزوجك)

امين
الله يجزاك الجنة ياخوي

مااقصررررت والله


وياليت اللي معاه معلومه يفيدنا وينورنا

وخاصة بالعوائل والسكن لأني شايل همها

السلام عليكم

تعال قبل موعد الدراسة ب اسبوعين اقل شي .. عشان تاخد ع الجو وتتمشى وتعرف البلد

انصحك تسكن بشير تتمتع ب استقلالية اكبر وتطور لغتك بشكل اسرع

١٥٠٠ الى ٢٠٠٠ دولار كافية لحين الصرف عليك من الملحقية

السلام عليكم

تعال قبل موعد الدراسة ب اسبوعين اقل شي .. عشان تاخد ع الجو وتتمشى وتعرف البلد

انصحك تسكن بشير تتمتع ب استقلالية اكبر وتطور لغتك بشكل اسرع

1500 الى 2000 دولار كافية لحين الصرف عليك من الملحقية

أهلين مشرفنا أبو غادة

شكرا لك على أثرائك الجميل

وأسئل الله ان يضعه بموازين حياتك

ولكن ايش تقصد بسكن شير <<هل مشاركة مع احد ام ماذا ؟

ووين احصل هالسكن

<<معليش تحملنا شوي

هلابك اكثر يافهد

ال Share فكرته ٣ اشخاص او اربعة اشخاص كل واحد في غرفة مستقلة ف بيت واحد، الكل يتشارك ف المطبخ وغرفة الجلوس

يميز سكن الشير الاحتكاك المباشر مع اشخاص من مختلف شرائح المجتمع، مثلا: موظف في شركة، طالب في الجامعة، دكتور، موظف في مطعم .. الخ

طبعا انت ونصيبك .. لان عند البحث عن الشير .. اول شي تشوف الموقع ومواصفات المنزل .. هل غرفتك بدورة مياه مستقلة ( Master room ) ام غرفة عادية .. الخ

السكن ف النهاية يعود للتفضيلات الشخصية .. كل شخص وش يفضل .. طبعا هو ارخص من السكن عند العائلة لعدم وجود وجبات طعام فيه ..

لعلك بتمر بنفس اللي مرينا فيه جميعا .. وتجرب انواع مختلفة من السكن .. الاهم ثم الاهم ثم الاهم ... لاتسكن مع متحدثين باللغة العربية

السلام عليكم ورحمه الله وبركاته ،

اسعد الله صبآحك اخي الكريم ،

فيـه سكن اسمه Unilodge له ثلاث فروع قريبه من جامعتك و اول ماتوصل هناك رح للـ الاستقبال واسال وراح يورونك الغرف ، قريب من جامعتك مشي تقريباً خمس دقايق ، واسعاره طيبه والسكن هذا يآخوي انصحك فيه بس في بدايتك فقط لان صراحه ما اشوف انه يستاهل 1200 دولار ، فيه شقق افضل وبنفس السعر ومريحه وانظف منه بكثير بس هذي بدايه لكل طالب لان السكن الباقي صعب انك تحصل خلال اسبوع او اسبوعين لانك تحتاج تشوف السكن بنفسك واذا تبي فندق بس اول يومين فيه فندق كويس ورخيص جنب جامعتك وقريب من كل شي اسمه arrow on swanston وراح ارفق موقعه باخر الرد كويس و وسعره حلوه ونظيف .
بالنسبه لـ الدراهم وانا خوك ، على حسب صرفك فـ ما انصحك تاخذ رأيي احد بهالشي لآن يختلف من شخص لـ شخص فيه ناس تصرف صرف وفيه ناس اقتصاديين .. فـ البدايه مبلغ احتياطي فقط خذ معك الف الى الفين دولار الين تفتح لك حسآب بالبنك بتجلس البطاقه تقريباً 3 ايام وتجيك بالبريد .. وبالنسبه للجيـه انصحك تجي قبلها باسبوعين اقل حاجه تشوف لك سكن بنفسك ، و تشوف الديره وتعرف طرق الترينات والترامات وتتعود على الجو والتوقيت لآن يفرق توقيتها عن السعوديه بـ ثمان سآعات فـ نومك بيتلخبط شوي .. وبس الله يوفقك وييسر امورك
هذي المواقع للسكن والفندق وعناوينهم وارقامهم ..

الفندق :

488 Swanston Street

Carlton VIC 3053, Australia

(03) 9225 9000

Arrow On Swanston : Short and Long Term Serviced Apartments

وهذا عنوان السكن و الرقم والموقع


570 Swanston Street

Carlton VIC 3053, Australia
(03)8687 6180



http://www.unilodge.com.au/

وعليكم السلام ورحمة الله وبركاته
أسعد الله صباحك

الله يجزاك خير يا أخوي

يشهد الله انك فرجت عني كربة اأسئل الله ان يفرج عليك كرب من كرب يوم القيامه

5 مشاركات وكلها افادة لأخوانك بالملتقى ماشاء الله عليك

الله ييسر امرك وجعل والدينك بالجنة

- - - مشاركة محدثة - - -

كفو ووفوا اخواني ابو غادة وانا واخي ولا ازيد عليهم شي بس بالدراهم جب معك من ١٦ الف الى عشرون الف نصيحه ياخوي لانهع البلد جدا غالي

- - - مشاركة محدثة - - -

كفو ووفوا اخواني ابو غادة وانا واخي ولا ازيد عليهم شي بس بالدراهم جب معك من 16 الف الى عشرون الف نصيحه ياخوي لانهع البلد جدا غالي