استفسار الفـــــــــــــــــــــزعة يا ناس

.


بما انك رجال وعزوبي وتتحمل الجَلد تستطيع العمل ٢٠ ساعة اسبوعيآ ..قيمة الساعة حوالي من ١٠$ إلى ٢٠ $ حسب العمل

انا قابلت سعوددين يعملون في استراليا دوام جزئي ...واحد في ماكدونالدز والثاني يجمع عربيات في سوبرماركت ..ولايلحقهم عيب

بل العكس يحصلون ع لغة انجليزية اسرع.

وبخصوص ميزانيتك ..راح ارجع مره ثانية لوضع بعض الروابط اللي سبق وتحدثت فيها ع الميزانية.

وعليكم السلام ورحمة الله وبركاته
يعني انا اللي عرفته من كلامك يا خوي انه صدر لك قبول من الجامعه للمرحلة الماجستير وانك تبي تدرس على حسابك صح ...!!
طيب يعني هاللحين اول شي بتشتغل عليه الفيزا :
شف وانا اخوك انا معرف ايش او كيف النظام الي بيقدم على فيزا اذا كان على حسابه الشخصي لكن اعرف الى منضم للبعثه او مبتعث عن طريق عمله لانه شخصيا انا سويتها لى ولعيالي فعارف نظام كيف
ولكن شف انصحك نصيحه لوجه الله فيه مكتب بالرياض اسم المكتب : IDB فيه رجال اسمه عبدالسلام هذا اللي قدم لي على الفيزا (اون لاين) لي ولعيالي والحمدالله ما خذت غير اسبوع واصدرت لنا الفيزا
بس كان متطلبات الفيزا 1)ضمان مالي من جهة الابتعاث. 2)فحوصات طبيه (المستشفيات المعتمده لدى السفاره الاستراليه فقط). 3)مبلغ مالي لرسوم الفيزا.
طبعا هذا انت تبي تدرس على حسابك ممكن يطالبونك بدل الشرط في رقم واحد انوه تجيب لهم كشف حساب بنكي يغطي مصاريف دراستك وسكنك في استراليا. اعتقد تاكد من كلامي هذا!!
هاللحين عليك تخلص اول شي اللي هو الفيزا،،،
بعدها تدخل دور لك فنادق بالمكان اللي انت راح تستقر فيه وتراسلهم ايميل وتعطيهم معلوماتك عشان يحجزون لك مكان لاجيت تضمن مكانك وانا اخوك.
ثمن تذهب للمعهد او الجامعه الي انت مقبول فيها وتخلص اجارائتك ويفضل تجي قبل الدارسه من اسبوع الى عشرة ايام افضل لك عشان تتعرف على اماكن تحرك الباصات والقطارات وامكن وقوفها وايش اقرب للجامعه ..
بعدين بعد ماتستقر اوضاعك يبيلك تبحث عن سكن والافضل عند عائله او شير هاوس ولا تخاف وانا اخوك بالطريقه هذي يقدر المعهد او الجامعه يعطيك العنواين وانت تتفاهم معهم شخصي او تاخد حدى الاخوان السعوديين اذا انت ماتجيد الانجليزي يساعد ويخدمك وفيه هنا ناس اجاويد ماراح يقصرون معك ان شاء...
بعدها يبيلك تتراسل مع الملحقيه بخصوص فتح ملف طالب على حسابه الخاص عاد والله ماني عارف اجرائت هالملف يجي من يفيدك فيها...
من ناحية الجووو اقولك جوا ملبورن ميه ميه مافيه لابرد ولاهم يحزنون من يوم جيتهم وانا مصيف ماشتيت للحين لكن هذا لايعني انك ماتجيب ملابس شتويه معك كا احتياط...
من ناحية المصرف بقولك ياخوي الله يعينك على مصاريفهم استراليا جدا جدا جدا غاليه ياخوي والله انا جبت معي 12 الف وحنا مبتعثين على جهه حكوميه ومع راتب الحكومه ومساعدات ماليه من اهلي وطارت كلها
ديره تاكل الوجه ياخوي غاليه مره جدا يعني انت بتدرس على حسابك الخاص انصحك تنضم بالبعثه لانك بتتكلف كثير اللي حسيته بالديره هذي حكومه وشعب يحبون الدراهم يخرب بيتهم حياتهم كلها بفلوس
حتى الانترنت عندهم سوا تجلس بكوفي ولاغيره بفلوس بالفنادق كل شي يفصلونه لحاله حتي النت مافيه مجاني بفلوس يرجال زين ماينزلون ضريبة مشي اكثر من نص ساعه بعد هههههه
والله ما ابي اخوفك لكن جيب معك دراهم تملاء جيبك ولاتحيجك لحد ديره ملعونت والدين تبي فلوس
والله يوفقك ان شاءالله وجميع المبتعثين والمبتعثات والدارسين على حسابهم الخاص ومبتعثين ومبتعثات الدوائر الحكوميه ومبتعثين العسكريين ونتمني للاخوان واخواتنا الدارسين والدارسات على حسابهم بالانضمام بالبعثه والله ولى التوفيق .
شكرا

للمعلوميه البنك اللي تتعامل معه الملحقيه اسمه : commonwealthل

يا شيخ الله يسعدك يا خالد

ما قصرت وبيض الله وجهك وبالنسبة للغلاء انا اول ما اخلص اموري ان شاء الله احاول ادور شغل بمطعم باي مكان حتى انضم للبعثة

والمشكلة المبلغ اللي معاي لدراسة اللغة والجامعة وسكن الله يزينها شكر ا خالد

الله يوفقك اخوي عزوز وجميع المبتعثين والمبتعثات ندعي لكم من القلب بالتوفيق والنجاح وترفعونروس اهليكم وولي الامر

- - - مشاركة محدثة - - -

الله يوفقك اخوي عزوز وجميع المبتعثين والمبتعثات ندعي لكم من القلب بالتوفيق والنجاح وترفعونروس اهليكم وولي الامر

وياك يارب يا اخوي خالد وان شاء الله ربي يرفع قدرك ويرزقك الدرجات العليا

- - - مشاركة محدثة - - -

وياك يارب يا اخوي خالد وان شاء الله ربي يرفع قدرك ويرزقك الدرجات العليا

يا هلابك ويا مرحبا

خلص امورك يا طويل العمر وخ\ لك سياره 4 سلندر وشف لك شغل من 5 لين 9 فالليل توصيل طلبات وانت والخير واحد

لا تخاف الرزق عند الله والامور طيبه والشغل واجد وانا اخوك توكل علي الله وما يضيع لك جهد ولا تعب