استفسار هام طلاب ملبورن بشكل عام وخاصة جامعة RMIT

لالالا ابداااا ممكن يبدون فيك من الصفر
حتى لو جبت عالم انجليزي يكتب لك الاختبار راح يختبرونك في المعهد و يحددون مستواك مره اخرى
الملحقيه تعطيك سنه و ست شهور لغه و اذا كنت مبتعث من جامعه سنتين
الماستر لك سنتين و تقدر تمدد سنه يعني 3
الدكتوراه لك 3 سنوات و تمديد سنتين

اها الله يجزاك الف خير اخوي والله كلامك بجد ريحني انا على بالي قلت الله يستر يشوفون ما حولي احد بالإنجليزي يقومون يتشرطون علي ولا يرفضوني ..
انا بالبداية ابي ادرس على حسابي وبعدها اطلب الالتحاق بالابتعاث لكن الملحقية حتى لو اني على حسابي يحددون كم لازم اجتاز اللغة بصراحه مالي علم بهذا الشي ؟
وحتى ما ادري بالعادة كم يلحقون الطلاب الي على حسابهم ناس قالوا من الثلاث شهور فما فوق ؟
لكن كنت اتمنى القى طالب يدرس حاليا بنفس الجامعة تخصصة Master of Finance لكن للأسف حاولت اتواصل مع نوادي ومواقع لكن ما حصلت يا الله الله يسهلها ..

مافي شئ يدعوا للقلق فالإختبار الخاص بمعاهد اللغة يعقدونه عند وصولك للمعهد وهو لتحديد وتقييم مستوى الطالب باللغة لا غير وهو أمر عادي جدا ويمر به جميع الطلاب الأجانب ومريت به شخصيا والهدف منه وضعك في المستوى المناسب فإذا كنت في اللغة ضعيف فسيضعونك في مستويات ابتدائية والعكس صحيح.

الله يسلمك اخوي ومشكور على الرد ما قصرت , لكن هل مر عليك لما تقدم على الجامعة يرسلون لك اختبار على الايميل قبل ما يصدر القبول ؟
هذا حبيت اني استفسر عنه والاخ محمد ما قصر اعطاني معلومات عنه وحسب ما جاه , وإذا مر عليك ياليت تقولي كيف صار معاك ؟

لا مامر علي اختبار بالايميل هل ارسلوا لك شئ اذا لا فكلام المكتب مبالغة لا أكثر لأنه لم اسمع احد جاه اختبار لما يقدم للقبول واذا ارسلوا لك ممكن تضع معلومات عنه من نفس حتى نقدر نفيدك وش الوضع بالضبط وكيف تتصرف.

الإلحاق من 4 شهور الى 12 شهر.

لا تخاف من الرفض هذا آخر شئ تفكر فيه وكثير من الطلاب أعرفهم جو مايعرفون يفكون الخط ودرسوا لغة واجتهدوا ونجحوا بدراستهم.

بالنسبة للتخصص صعب تلقى أحد تتواصل معه لأنه المبتعثين في أستراليا قليل وإذا وجدت فستد صعوبة في الرد للإنشغال بالدراسة.

اهلا اخوي

الله يوفقك وييسر امرك .. احب اذكرك ان فيه 250 الف مبتعث الان " سبقوك وامورهم تمام ".. يحق لك يكون عندك مخاوف بس موب لهالدرجة

الامور اسهل مما تظن واسهل من اسالتك بكثير

الله يكتب لك الصالح من امرك ويتمم عليك

والله كلامكم يثلج الصدر , الله يجزاكم خير ويوفقكم ويسهل اموركم ولدرجات العالية في الدنيا والآخرة ..

بخصوص الاختبار الي قلت عنه الرجال الي قدملي هو الي قالي يمكن يرسلونه على الايميل طبعاً ما أكد , وإذا ارسلوا شيء راح اضيفه هنا عشان تتطلعون عليه ..

لكم مني كل التقدير والإحترام ..

اعتبر المكتب صارفها من كيسه وتفلسف عليك فلا تفكر فيه أو تقلق, انسى وحط ببطنك بطيخة صيفي.

كل عام وأنتم بخير مقدما.

وانت بخير وصحة وعافية يارب مشكور جزاك الله الف خير ..