جامعة ملبورن

19 مشاهدة و لا رد !

عموماً شكراً على المساعدة

الظاهر انه عدد السعودين في جامعة ملبورن يساوي صفر الظاهر ما احد يدرس فيها
انا زي وضعك حابه اقدم علي جامعة ملبورن واحتاج معلومات ما احد فادني بشيء في المنتدي المشهور عنها انها صعبه والسعودين يهربو من اي شيء صعب لكن ما لنا غير نروح بنفسنا ونسأل ونفتش ونكون من أوائل السعودين الي يكتشفو جامعة ملبورن ههههه

الله يسهل امري وامرك

بالنسبة للسكن والمعيشة في ملبورن

تري كل الدول غالية الريال السعودي طايح مره ولا عمرك حتلاقي دوله تدرس فيها أسعارها مناسبه للسعودين
ملبورن زي غيرها من مدن العالم غالية لدرجة انك كل اسبوع تدفع قريب الألف ريال بس مشتريات من السوبرماركت الأشياء الضرورية وبأقل الكميات ومع ذلك كل يوم حتخرج من السوبرماركت صارف قريب ٢٠٠ ريال احسبها وشوف اش يطلع معاك طبعا دا لو معاك اهلك نحنا اتنين فقط ما عندنا أطفال وألف ريال أسبوعيا تقريبا فإذا عندك أطفال الله يعينك اذا لحالك حيسير نص التكلفة

السكن كل ما بعدت عن مركز المدينة تسير الشقق اكبر وانظف واجدد وارخص وإذا معاك سيارة مافي شيء حيكون بعيد عنك وإذا بالنقل العام حتكون المسافة طويله شويه بس بالمقابل بيت جديد واسع ورخيص
الشقق في مركز المدينة وحولها صغيرة مستهلكه وغاليه بغباء يعني تدفع الفين ريال في الأسبوع او اكتر
وزي كل مدينة في العالم في أسواق رخيصه وأسواق غاليه تدور وتلاقي اقرأ في النت كلام اهل البلد عنها لا تعتمد فقط علي معلومات السعودين يعني ابحث بالانجليزي حتلاقي معلومات تفيدك وحتلاقي ناس بيسالوا نفس أسألتك وأهل البلد نفسها بيجاوبو نحنا نجي دا المنتدي وغيره من منتديات السعودين للتسهيل واختصار الوقت لكن ما تلاقي معلومات وافيه لأن الاغلبية لسا مبتعثين جدد والي عنده معلومات ما يدخل اصلا منتديات ههههههه

طبعا الي كنت اقصده ببيت رخيص كل ما تبعد عن مركز المدينة يعني الف او الف وخمسميه في الأسبوع مو اقل من كدا

طبعا الي اقصده ببيت رخيص يعني
١٠٠٠-١٥٠٠ في الأسبوع مو اقل😅

المعهد التابع لجامعه ملبورن هو معهد هوثرون ويعتبر من اقوي المعاهد في ملبورن واما بالنسبة للحياه في ملبورن فهي علي حسب الموقع الايجارات في السيتي من ١٩٠٠ الي ٢٦٠٠ واذا بعدت تحصل من ١٥٠٠ الي ١٩٠٠ والحمدلله المكافاه تكفي وتسد الحاجة

المعذرة اذا محد رد من اهل ملبورن لان الاغلبيه في السعودية اجازات الي نهاية فبراير
وشكرا

سلام عليكم ابغي قبول معهد تجاري في ملبورن اذا في احد يقدر يساعدني

وعليكم السلام
تواصل مع تويتر النادي السعودي في ملبورن مايقصرون معك الاخوان او تويتر سعوديون في استراليا