مساعدة مبتعث جديد في مدينة ميلبورن واريد بعض الإجابات

وش دعوه وين مبتعثي مدينة ملبورن من أربعة أيام ولا رد ؟؟؟

وعليكم السلام ورحمة الله وبركاته ..

أولا بخصوص السكن على حسب انت ايش تفضل بيت او شقة .. اذا ماعندك مشكلة الشقة انصحك تسكن في النص بين السيتي وبين كولفيلد مناطق مثل ساوث يارا او ريشموند وتكون قريبة من محظة القطار اللي تودي على كولفيلد .. واذا تبي تسكن في بيت دور لك سكن قريب من كولفيلد في بيوت كويسة واسعارها مناسبة .. اهم شي تكون قريب من الكامبس لان محطة القطار في الكامبس ..

المكافأة 3299 دولار استرالي .. بس يمكن انها تنزل لان فيها الزيادة عشرة في المائة اللي كانت مكرمة ملكية السنة الماضية لمدة سنة .. احتمال تصير المكافأة 3000 وللمرافق اتوقع 2600 بس والله مو متاكد لكن هذي المعلومات تلاقيها في موقع الملحقية في استراليا ..

المواصلات في ملبورن ممتازة وكثر من الناس عايشة بدون سيارة بس لو تبي رااي انا اقولك اشتر سيارة واستعمل المواصلات العامة يعني مايضر اذا عندك فلوس انك تشتري سيارة بالعكس بتكون مفيدة لك اذا تبي تطلع تتمشى تستكتشف المدينة وتروح السوبرماركت .. انا شريت سيارة اول ماجيت ما اقدرت اعيش بدون سيارة .. واذا اروح وسط المدينة غالبا استعمل المواصلات العامة لان المواقف داخل المدينة غالية وصعبة تلاقي لك موقف ..

في الية معينة تقدم لها اذا خلصت لغة طلب الحاق مرافق بالبعثة . لكن دام انها تدرس لغة ماتحتاج الحاق ..

بالنسبة للنصاح العامة والله جهز نفسك للبرد الشتاء عندهم طوويل ومزعج هههههه!

بالتوفيق