Australian ID

معليش ماعندي خبرة ,,

بس الجواز مايعتبر اي دي ؟
؟


نتظر اهل الخبرة

هلا فيــك أخوي ،،
كلامــك صحيح .. أغلب الأمــاكن في استراليــا لا تقبل بطـاقة الجامعة كــاثبات هوية، مثل كولز
مثلا .. بعض الإخوان المدخنين لا يستطيعون الشراء من هنالك لأنهم ما يقبلون بطاقة الجامعة ..
لكـن يوجـد بطاقة هوية استرالية وهي نفسها اللي يستعملها المواطن الأسترالي تسمى KeyPass
وتقدر تقدم عليهــا بكل بســاطة وهي مقبولة ومعترف فيها مثلها مثل الجواز .. أنا شخصيــاً أخاف أتمشى بجواز السفر عشان كذا طلعتهــا وهي مقبولة ومرحب بها بكل مكان حتى البنك لو تبي تسحب أو تسوي أي عملية بحسابك تعطيهم البطاقة هذي كـاثبات هوية وكذلك شركات الاتصالات لو بتطلع رقم ومكاتب العقار أيضـا لو بتســتــأجر.

طريقــة التقديم عليهــا/
رح لأقرب مركز شرطة Police Station واطلب من موظف الاستقبـال الـنموذج حق الكي باس
KeyPass Application Form
وبعدين لازم تصور ثلاث صور (مقاس صورة جواز السفر) وخلفية بيضـا ويسمح لك بالابتــسـام في هذه الصورة << بس مو تجي وتطلع كل ضروسك هههههههههه
مع كتابة الاسم كامل على خلف الصورة
هنــا عاد أصعب حاجة انك تلقى شخص يعرّف فيــك، بمعنى شخص يكفل انك فوق 18 ولازم يوقع لك في النموذج ، والأشخاص اللي يحق لهم انهم يعرفون فيك مكتوبين في النموذج أتذكر من ضمنهم
(( دكتور - صيدلي - محاسب قانوني - مدرس له خبرة تدريس لا تقل عن 5 سنوات .. إلخ ))
أنـا الحمد لله رحت لأحد المدرسين عندنا بالكلية وجبت معي الجواز حقي وقلت له أبغاك توقع لي في النموذج اني أكبر من 18 لأنهم مو مهتمين بالعمر بالجواز <<< يلعن أم الغبــاء يا شيخ اللي عندهم
المهم الرجال ما قصر ووقع لي على النموذج، ايه وصح لازم بعد يوقع على الصور حقتك من الخلف يعني تحت اسمك اللي انت كتبته << حاول تصغر خطك وانت تكتب اسمك عشان تخلي مجال للتوقيع.
بعدين طال عمرك الخطوة النهائية انك تروح لمقر المكتب (( أنـا اسميه الأحوال المدنية لوول ))
وموقعــه في السيتي /
Level 6, 20 Queen Street, Melbourne, VIC 3000
تليفون المكتب /
96143441 (03)

طبعـاً تروح لهم ومعك الجواز مع الفيزا (( أو الأوراق اللي عطونا اياها السفارة اللي بدبي الصفحتين )) ومعك بعد أي شيء يثبت السكن حقك (( فاتورة جوال مثلا )) عشان يكتبونها بالبطاقة

وآخر شيء الرسوم وقيمتهــا (( 55 )) دولار اذا حاب تستلمها باليوم الثاني أو (( 60 )) دولار اذا تبغاها بعد ساعة. وعلى فكره ما عندهم الدفع عن طريق بطاقة الصراف (( شبكة )) يعني لازم تدفع كاش.
وأخيراً بالتوفيق لك ومبروك لو طلعتهــا ..

ملاحظــة/ هي صح اجراءات معقدة بحكم انها وثيقة رسمية عند الدولة باستراليــا وكثيرة الأمور اللي طالبينهـا من انك تسويهـا لكن تقدر تسويهـا كلهـا بيوم واحد .. أنا خلصتها كلها بيوم واحد.


بالنسبـة للبطــاقة اللي تــآخذهــا من البوست أو مكتب البريد (( Post Office )) وهي تسمى (( Proof of Age )) قيمتهــا الظاهر 15 دولار بس ما أعرف كيف طريقة التقديم عليهـا ولكن اللي أعرفه انهـا ما تعتبر وثيقة رسمية ومو كل العالم تقبلها .. << يعني بطاقة أي كلام بالعربي ..


أخوك/ مشعل

يعطيك العافية اخوي ما قصرت على المعلومات

يعطيك العافية اخوي ...

توني راجع من مركز الشرطة .. بعبيها ..

و بحاول اخلصها باجر ... ان شاء الله

مشكووووووووووووووووووووور ويعطيك العافيه