ابحث عن سكن مؤقت في ملبورن ساعدونييييي؟؟؟؟ظ

توصلين بالسلامه إن شاء الله..

ومافيه أي شك بكلام الأخواة هنا..

بس ممكن لو تتواصلين مع النادي السعودي تحصلين اللي يستقبلك بالمطار مباشرة..

وينقلك للفندق وأنتي ومرافقك في أتم راحة..

أتواصلي مع النادي السعودي..

اختي الكريمة

انا ابغى احجز في الفندق لمدة اسبوع مبدئياً احنى عائله مكونه من 3 اشخاص دخلت على موقع الفندق للحجز ولاحظت انه لازم احدد عدد الأشخاص في الشقة فجربت ادخل عدد الأشخاص 2 بيعطي معاي سعر واذا ادخلت عدد الأشخاص 3 بيرتفع السعر عن السعر السابق وفيه ملاحظة مكتوبه عندهم انه اي شخص اخر في الغرفة يدفع مقابل له مبغ 25$

سؤالي لوتكرمت هل الفندق بيدقق على عدد الأشخاص لو اخترت 2 فقط مو ثلاثة ؟
الشقة غرفتين واصلاً هي مجهزة لأكثر من شخصين كيف اذا اخذتيها لشخصين بسعر واذا اخذتها لثلاثة بسعر اخر !

ارجو افادتي وجزاك الله كل خير والله يسهل امورك وامورنا

ايوا والله اعلم ، حسب ما قرأت انه نظام الفنادق في استراليا صارم بالنسبة لعدد الاشخاص فلازم تقولهم العدد الحقيقي عشان لا تدخل نفسك في متاهات انت بغنا عنها

هلا فيكم اخواني واخواتي في ملبورن

من واقع تجربتي القريبة في ملبورن ارى ان اللي بيجي مع عائلته ينسق قيل يجي مع النادي السعودي او حتى مع الاخوان المبتعثين اللي ما يقصرون على كل حال
فمثلا لو يتم التنسيق مع احد يستاجر لكم شقة مناسبة على المدى البعيد او هاوس في احدى الاحياء المناسبة علشان تفتكون من مرمطة الفنادق ومكاتب العقار ولان فترة البحث عن شقة او منزل بالمواصفات اللي في بال الواحد تاخذ فترة طويلة اكثر من شهر اتوقع
بحيث يزرودكم هذا الشخص بالصور او مقطع فيديو للشقة وتقررون وانتو مرتاحين البال واذا حبيتو تدورون شقة بانفسكم فيه موقعين حلوين للبحث عن منزل او شقة وهما
http://www.realestate.com.au

http://www.domain.com.au

اما اذا انتو جايين وناوين على سكن مؤقت في البداية فانصح انكم تجيبون معكم مبلغ اكثر من 5000 ( من واقع تجربة ) لان الفنادق تستنزف الميزانية من غير الاكل والشرب ولان الواحد لو بيستاجر منزل بعد فترة يحتاج الى دفع الايجار مقدما مع البوند اللي يكون نفس مبلغ الايجار
و لو يكون فيه مع اللي بيجي بطاقة ائتمانية فيها رصيد كويس تكون لعمليات الشراء والاستئجار وبطاقة صراف فيها مبلغ مناسب لوقت الزنقة

بالنسبة لاجراءات الملحقية خلال يومين ان شاء الله من ارسال الاوراق للملحقية ويكون عندكم رقم ملف المبتعث و اسم المستخدم وكلمة المرور لموقع الملحقية واليوم الثالث يتم ايداع مبلغ معين لتمشية امور المبتعث حتى يتم الصرف الفعلي للمكافاة

الامور سهلة والاجراءات متيسرة هنا في ملبورن والاخوان المبتعثين متعاونين ولا تشيلون هم يالاخوة القادمين الى ملبورن

وكل عام وانتم بخير